Luuk 5:24 - EBƆRƐ BE KAWƆL

²⁴ To, meeŋ ŋini menyi fanɛ ma, Nyiŋgbasa Pibinyɛn kɔ ekpa durnya to nɛ n ta alubi m paŋ.” Kumo be kaman nɛ e kaŋɛ eyurwusowura na: “Ma e kaŋɛ fo na: Niŋi to n ta fo kekpata n yɔ epe.”

Luuk 5:24 ပူးပေါင်းရင်းမြစ်များ

Aizaaya 53:11

Awurfoŋ nɛ e beeŋ ji na be kaman, e beeŋ naŋ nya kagbenewushi nseŋ pin fanɛ e maŋ gben jiga. Ma kenya nɛ e bee shuŋ ma kagbene koŋwuleso nɛ ma kagbene bee fuli mo so na e naaŋ sɔ basa galeŋga be kasogberge n deŋi mbe kumu so, nɛ ŋ kpal mo so n ta bumo be alubi m paŋ bumo.

Danɛl 7:13

Bɔrɛdare na to nɛ n wu kusɔ ko fanɛ Nyigbasa pibinyɛn na. Awɔlpa daŋ kulti mo nna nɛ e gbelge m ba maŋ ma so n yɔ esa nɛ e maŋ kɔ sososo nɛ lalaloge na kutɔ.

Matiu 16:13

Nɛ Yesu yɔ kasawule nɛ k taga to Sizariya Filipai be kade to na to. Ndoŋ nɛ e bishi mbe bebɛsopo le: “Esa mo nɛ basa bee tre ma, Nyiŋgbasa Pibinyɛn?”

Matiu 25:31

Nɛ Yesu naŋ kaŋɛ: “Saŋɛ nɛ ma, Nyiŋgbasa Pibinyɛn beeŋ shi ma kemaŋkura to nɛ emalaika kikɛ e ba na, meeŋ ba chena ma kemaŋkura be kuwurputi na so.

Matiu 26:64

Ndoŋ nna nɛ Yesu kaŋɛ mo: “Loŋ nɛ fo yɛ na. Ma alɛ bee kaŋɛ menyi nna, yili kabre a yɔ menyeeŋ wu ma, Nyiŋgbasa Pibinyɛn ka tase Elempo na be jisoso nseŋ naŋ wu ŋ ka shi awɔlpa to a ba.”

Matiu 28:18

Nɛ Yesu firgi n taga bumo to ŋ kaŋɛ le: “B ta ebɔrɛso nɛ kasawule so be eleŋ kikɛ nna m bɔɔ ma enɔ.

Matiu 4:24

Amoso mbe ketre daŋ sɔ Siriya kikɛ to nna nɛ basa bar mo belɔpo nɛ bumo be alɔ be nnaŋ to kikɛ, bumo nɛ b daa wɔ ebesa to nɛ bumo nɛ mbuibi lubiana daŋ tɔr so nɛ kegbuŋgbuŋwuraana nɛ eyurwusowuraana kikɛ nɛ e chɛ n chɛ bumo.

Matiu 9:6

To, meeŋ ŋini menyi fanɛ ma, Nyiŋgbasa Pibinyɛn kɔ ekpa durnya to nɛ n ta alubi m paŋ.” Kamalga ere be kaman nɛ e kaŋɛ eyurwusowura na: “Niŋi to n ta fo kekpata n yɔ epe.”

Luuk 5:13

Nɛ Yesu teŋi enɔ to m beta mo nseŋ kaŋɛ: “Mm, k par ma. Keboti lar mo to.” Epul na to nɛ keboti na lar kanyɛn na to.

Luuk 5:18

Ndoŋ nna nɛ basa ko sulɔ eyurwusowura ko mbe kekpata so m ba kaa kɔ a fin nɛ b ta mo n luri ebu na to n nase Yesu be anishito.

Luuk 5:23

Ma ketiŋ ŋ kaŋɛ kanyɛn ere: ‘N ta fo alubi m paŋ fo’, e du ma so kpakpa ŋko ma ketiŋ ŋ kaŋɛ: ‘Koso n nite’, e du ma so kpakpa?

Luuk 7:14

Kumo be kaman nɛ e yɔ n ya beta deka nɛ ebuni na daa wɔ to na nɛ basa nɛ b daŋ sulɔ ebuni na yili. Nɛ Yesu kaŋɛ: “Kabrantiɛbia, ma e kaŋɛ fo na: Niŋi to.”

Luuk 8:54

Nɛ Yesu ya pɛ kebichebi na be enɔ to nseŋ kaŋɛ awɔrso: “Kebia, niŋi to.”

Baru lela nɛ Jɔn kute na 11:43

Yesu ka malga le n loge nɛ e tre awɔrso ŋ kaŋɛ: “Lazɔrɔs, lar m ba!”

Baru lela nɛ Jɔn kute na 17:2

Ŋkpal manɛ so, fo e daŋ sa ma eleŋ dimɛdi kikɛ so fanɛ n sa bekama nɛ fo ta m bɔɔ ma enɔ na kikɛ ŋkpa nɛ k maŋ kɔ ekar na.

Baru lela nɛ Jɔn kute na 3:13

Esa kama maŋ naŋ yɔ ebɔrɛso she emo nɛ e shi ndoŋ m ba na nawule, mo e la ma, Nyiŋgbasa Pibinyɛn na.

Baru lela nɛ Jɔn kute na 5:27

Mo alɛ sa Ebinyɛn na ekpa nna nɛ e ji basa demu ŋkpal ebi na ka la Nyiŋgbasa Pibinyɛn na so.

Ashuŋ Shunso 14:10

Nɛ kanyɛn na tɛ to ŋ koso a nite a kilgi to.

Ashuŋ Shunso 5:31

Ebɔrɛ shin nɛ e tiŋi luwu to n yɔ mbe jisoso, ebunyampo be kakpa fanɛ Ejuŋkparpo nɛ Emɔlgapo nɛ Israɛlebi e tiŋ n nya ekpa n lar bumo be alubi to nɛ Ebɔrɛ e ta m paŋ bumo.

Ashuŋ Shunso 9:34

Nɛ Pita kaŋɛ mo: “Eeneeyas, Yesu Kristo e naa chɛ fo na. Niŋi to m bɔɔ fo kusɔ deseso na to.” Epul na to nɛ Eeneeyas niŋi to.

Ashuŋ Shunso 9:40

Nɛ Pita shin nɛ bumo kikɛ lar ebu na to nɛ e gbir ŋ kule Ebɔrɛ nseŋ kilgi ŋ kaŋɛ ebuni na: “Tabita, koso!” E ka bugi mbe anishi n wu Pita nɛ e niŋi to n chena.

Kelaraŋŋini 1:13

Shuwa be kefitilatɔl ashunu na malɛ to n wu esa ko fanɛ dimɛdi pibinyɛnso ka buu piŋi nɛ k gbelge n ya fo mbe ayadra so nɛ shuwa be kreso paŋgelambi ko ŋ kre mbe nteto.