Luuk 4:8 - EBƆRƐ BE KAWƆL

⁸ Nɛ Yesu kaŋɛ mo: “Abɔrɛsibɛ na bee kaŋɛ fanɛ: ‘Bunyaŋ Enyɛnpe fo Ebɔrɛ na nseŋ shuŋ mo nawule.’ ”

Luuk 4:8 ပူးပေါင်းရင်းမြစ်များ

2 Bewura 19:15

nseŋ kule Ebɔrɛ ŋ kaŋɛ le: “Enyɛnpetale nɛ fo la Israɛl be Ebɔrɛ, fo e chena fo kuwurputi so awɔlto nɛ asɔkeniso nɛ a du fanɛ emalaika nɛ baa tre amo Chɛrubim na wɔ fo aya ase. Fo nawule e la Ebɔrɛ. Fo e to esoso nɛ kasawule nsaa ji kuwura durnya kikɛ so.

Nshɛ 83:18

Shin nɛ b pin fanɛ fo e la Enyɛnpetale Ebɔrɛ. Fo alɛ nawule e naa ji kuwura durnya kikɛ so.

Aizaaya 2:11

Enyɛnpe Ebɔrɛ na kaŋ ba, baaŋ bar esa kama nɛ e bee fɛ fanɛ e shi ga, ŋko ekama nɛ e bee maŋ mbe kumu so, kaseto. Enyɛnpe Ebɔrɛ na nawule e naaŋ nya kemaŋkura loŋ be kachɛ na.

Matiu 16:23

Nɛ Yesu kilgi ŋ kaŋɛ Pita le: “Shile ashi ma so Setani. Fee kagle ma to nna na, ŋkpal manɛ so, fo nfɛra ere la nyiŋgbasa be nfɛra nna a maŋ la Ebɔrɛ peya.”

Matiu 4:10

Ndoŋ nna nɛ Yesu kaŋɛ mo: “Shile ma anishito Setani! Abɔrɛsibɛ na bee kaŋɛ fanɛ: ‘Bunyaŋ Enyɛnpe fo Ebɔrɛ na nseŋ shuŋ mo nawule.’ ”

Luuk 4:4

Nɛ Yesu kaŋɛ mo le: “Abɔrɛsibɛ na bee kaŋɛ fanɛ: ‘A maŋ daga nyiŋgbasa ka wɔtɔ ŋkpal ajibi nawule so.’ ”

Luuk 4:7

B daŋ ta kumo kikɛ nna m bɔɔ ma enɔ, amoso, meeŋ tiŋ n ta kumo n sa ekama nɛ mee sha.”

Ditɛronɔmi 10:20

Kumo be kaman, men baa sa Enyɛnpe menyi be Ebɔrɛ na bunyaŋ nsaa shuŋ mo nawule. Men baa ji kashenteŋ a sa mo nsaa nase nnɔ ashi mo nawule be ketre to.

Ditɛronɔmi 6:13

Amoso men baa bunyaŋ Enyɛnpe menyi be Ebɔrɛ na nsaa shuŋ mo nawule nseŋ naa nase nnɔ mo nawule be ketre to.

Jeems 4:7

Amoso, men baa ta men be amu a bɔɔ Ebɔrɛ enɔ. Men sa maa sa Setani kashuli kikɛ. Loŋ e naaŋ shin nɛ e baa shile menyi.

1 Pita 5:9

Men baa kɔ men be yirda to kpakpa a tu mo nsaa maa sa mo kashuli, ŋkpal manɛ so, menyi alɛ gba nyi fanɛ loŋ nɛ men braana bebɛsopo ashi durnya ere to be kaplɛkama gba bee nya tɔrɔ.

Kelaraŋŋini 19:10

Ndoŋ nna nɛ ŋ gbir n dese kasawule mbe anishito nɛ m maŋ mo so nɛ e kaŋɛ ma: “A maŋ daga fanɛ fo wora loŋ, ŋkpal manɛ so, n la fo barkasa kenya nna fanɛ fo nɛ fo niopibiana nɛ b bɛ Yesu be shɛda be ekpa so na, Ebɔrɛ e daga fanɛ fo baa maŋ mo so.” Ŋkpal manɛ so, kashenteŋ mo nɛ Yesu lara ŋ ŋini na e la Kiyoyu mo nɛ e bee leŋ anebiana na to.

Kelaraŋŋini 22:9

nɛ e kaŋɛ ma le: “A maŋ daga fanɛ fo wora loŋ. Ma alɛ gba la fo nɛ fo niopibiana anebiana nɛ bumo nɛ baa ta kawɔl ere to be mmalga a wɔtɔ bumo be ŋgbene to na bumo barkasa kenya nna. Ebɔrɛ e daga fanɛ fo baa maŋ mo so.”

1 Samuɛl 7:3

Ndoŋ nna nɛ Samuɛl kaŋɛ Israɛlebi na le: “Nɛ men bɛta a ba Enyɛnpe Ebɔrɛ kutɔ bre, kumo ere a daga men ka yige efuli pɔtɛana so be agbir nɛ kegbirche Ashtɔrɛf be kebaashuŋ, nseŋ ta men be ŋgbene kikɛ n sa Enyɛnpe Ebɔrɛ, nsaa bunyaŋ mo nawule. Saŋɛ na so e beeŋ mɔlga menyi ashi Filistiebi na be enɔ to.”