Luuk 4:6 - EBƆRƐ BE KAWƆL

⁶ “Nɛ fo baŋ gbir m bunyaŋ ma, meeŋ ta durnya ere to be eleŋ nɛ kumo be kemaŋkura be asheŋ kikɛ nyam n sa fo.

Luuk 4:6 ပူးပေါင်းရင်းမြစ်များ

Ɛsta 5:11

n ji njɔŋ ŋ ŋini bumo kananɛ e dii kedama nɛ kananɛ e kɔ mbinyɛnsobi damta nɛ kananɛ ewura maŋ mo so nseŋ sa mo kenimu a chɔ ekrachiana nɛ benimuana na be ekama.

Aizaaya 23:9

Enyɛnpetale Ebɔrɛ na e daŋ kre kumo fanɛ e beeŋ shin nɛ bumo be mpuchi nɛ baa puchi ŋkpal kusɔ nɛ b tiŋ n wora so na e ba ekar nɛ e ŋaba bumo be bunyaŋwuraana.

Aizaaya 5:14

Bubuni wora shiriya nna m bela ase a jo Jerusalɛm to be bejuŋkparpoana na nɛ jimaŋ damta nɛ baa cha awɔr na, fɔŋfɔŋ bumo nɛ baa puchi kadegboŋ na so na.

Luuk 4:7

B daŋ ta kumo kikɛ nna m bɔɔ ma enɔ, amoso, meeŋ tiŋ n ta kumo n sa ekama nɛ mee sha.”

Baru lela nɛ Jɔn kute na 12:31

Naniere bre keji durnya ere demu be saŋɛ fo, naniere nɛ kegboŋi durnya ere to be ejuŋkparpo na ashi mbe kejuŋkpar na to na fo.

Baru lela nɛ Jɔn kute na 14:30

M maaŋ naŋ malga menyi kutɔ n chɛr, ŋkpal manɛ so, durnya ere to be ejuŋkparpo na bee ba.

Baru lela nɛ Jɔn kute na 8:44

Men tuto e la alubipo na nɛ menyee sha kebaawora mbe aparsheŋ. Emɔpo e la mo sososo kikɛ, mo alɛ be shɛŋ maa ji kashenteŋ to, ŋkpal kashenteŋ ka maŋ wɔ mo to so. E baa ku efɛ, kananɛ mbe kapɔr du nɛ e bee ŋini, ŋkpal manɛ so, e la efɛpo nna nseŋ naa la efɛ kikɛ amo tuto.

2 Kɔrintebi 11:14

Kumo alɛ maŋ la mamachi be kesheŋ ko nna, ŋkpal manɛ so, Setani gba bee kaa wora mbe kumu fanɛ kefultoso be malaika.

Ɛfesesebi 2:2

Loŋ be kebaawɔtɔ to nɛ men daa wɔ saŋɛ nɛ men daa bɛ durnya ere be asheŋ woraso so nseŋ daa bɛ esoso be eleŋana be ewura so, mo e la kiyoyu nɛ e wɔ basa nɛ b maa nu a sa Ebɔrɛ na to a shuŋ naniere na.

1 Pita 1:24

Loŋ malɛ nɛ abɔrɛsibɛ na bee kaŋɛ fanɛ: “Basa kikɛ du fanɛ kefitiri nna nɛ bumo be kemaŋkura malɛ kikɛ du fanɛ kefitiri na be ketoto. Kefitiri na bee kaa wɔl nna nɛ ketoto na e chuge n tɔr,

1 Jɔn 5:19

Anyi alɛ naa nyi fanɛ an ka la Ebɔrɛ peya, ama durnya ere bre kikɛ wɔ alubipo na be enɔ to nna.

Kelaraŋŋini 12:9

B daŋ ta kusɔ gbeyeso gboŋgboŋi na nna n lɛ kasawule so. Mo e la kusɔkpaŋ dra nɛ baa tre alubipo ŋko Setani mo nɛ e bee fule durnya kikɛ na. B daŋ ta mo nɛ mbe kaman to ebi kikɛ nna n lɛ kasawule.

Kelaraŋŋini 13:2

Kusɔbɔya mo nɛ n daŋ wu na daa du fanɛ karmɛ nna nɛ mbe aya malɛ daa du fanɛ shishiri be aya nɛ mbe kɔnɔ malɛ daa du fanɛ buluŋ be kɔnɔ. Kusɔ gbeyeso na daŋ sa kusɔbɔya na mo gbagba be eleŋ nɛ mbe kuwurputi nɛ eleŋ damta nna.

Kelaraŋŋini 13:7

B daŋ sa mo ekpa nna fanɛ e kɔ Ebɔrɛ be basa kena m pɔɔ bumo so. B daŋ naŋ sa mo eleŋ yiri kama to ebi so nɛ basa kama to ebi so nɛ ŋgbar kama to ebi so nɛ efuli kama so ebi so nna.