Luuk 4:41 - EBƆRƐ BE KAWƆL

⁴¹ Mbuibi lubiana gba daŋ lar basa damta to m boŋ to ŋ kaŋɛ: “Fo e la Ebɔrɛ Pibinyɛn na.” Ama Yesu daŋ fiɛ bumo so a maŋ shuli nɛ mbuibi lubi na kaŋɛ shɛŋ, ŋkpal manɛ so, b nyi e ka la Kristo na.

Luuk 4:41 ပူးပေါင်းရင်းမြစ်များ

Matiu 26:63

Ama Yesu daŋ la to nna a yil. Nɛ bɔrɛmatapo nimuso na kaŋɛ mo le: “Ebɔrɛ nɛ e wɔ ŋkpa to ere so, kaŋɛ anyi, fo e la Kristo, Ebɔrɛ Pibinyɛn na a?”

Matiu 4:3

Ndoŋ nna nɛ echɔŋkenipo na ba mo kutɔ m ba kaŋɛ mo le: “Nɛ fo baa la Ebɔrɛ Pibinyɛn gbagba nna, fo shin nɛ ajembu ere e ki ebodobodo.”

Matiu 8:16

Kaboŋ ka bee jija to nɛ basa bar bumo be basa nɛ mbuibi lubi tɔr so na be bedamta Yesu kutɔ nɛ e ta kamalga koŋwule n ju n ju mbuibi lubiana na bumo to nseŋ chɛ bekama nɛ b daa lɔ na kikɛ nyam.

Matiu 8:29

B ka baŋ wu Yesu epul na to nɛ b boŋ to ŋ kaŋɛ: “Ebɔrɛ Pibinyɛn, manɛ nɛ fee fin anyi to? Fo ba nna nɛ fo ba tɔrɔ anyi pɔɛŋ nɛ kachɛ na gbagba e fo a?”

Matiu 8:4

Nɛ Yesu kaŋɛ mo: “Nu nfe! Sa maŋ kaŋɛ esa kikɛ kesheŋ ere, ama yɔ n ya ta fo kumu ŋ ŋini bɔrɛmatapo na nɛ e keni fo. E kaŋ loge, fo lara sarga nɛ anebi Mosis nase na ŋ ŋini basa kikɛ fanɛ naniere fo nyalɛ so.”

Maak 1:25

Nɛ Yesu ponte kiyoyu lubi na so: “Lo to ndoŋ n lar kanyɛn na to!”

Maak 1:32

Epeŋi ka tɔr nɛ kaase fo nɛ basa bar bumo be belɔpo kikɛ nɛ bumo nɛ mbuibi lubi tɔr so na Yesu kutɔ.

Maak 1:34

Nɛ Yesu chɛ belɔpo damta na be alɔ be nnaŋ to kikɛ n ju mbuibi lubi ashi bumo nɛ mbuibi lubi tɔr so na to. E daa maŋ shuli nɛ mbuibi lubi na kaŋɛ shɛŋ, ŋkpal manɛ so, b nyi mo.

Maak 3:11

Saŋkama nɛ ayoyu lubi nɛ b wɔ basa to na baŋ wu Yesu, b daa shin nɛ basa na bee lar nna a tɔr mbe anishito a boŋ to a kaŋɛ: “Fo e la Ebɔrɛ Pibinyɛn na.”

Luuk 4:39

Nɛ e yɔ mo kutɔ n ya yili mbe kumu ase nseŋ kaŋɛ kayurbeldɛ na fanɛ k lar mo to nɛ k yige mo nɛ e koso epul na to n fara a keta bumo kufɔ.

Baru lela nɛ Jɔn kute na 20:31

Ama b sibɛ ade ere nna nɛ men yirda fanɛ Yesu e la Mesaya na, Ebɔrɛ Pibinyɛn na, nɛ menyi alɛ yirda loŋ, men beeŋ nya ŋkpa ashi mbe ketre na to.

Jeems 2:19

Fo yirda fanɛ Ebɔrɛ koŋwule e wɔtɔ. To, fo wora nɛnɛ, ama baa nyi fanɛ mbuibi lubi gba bee shuli fanɛ Ebɔrɛ koŋwule e wɔtɔ nɛ kumo alɛ bee keta bumo kufu nɛ baa chicha.