Luuk 4:4 - EBƆRƐ BE KAWƆL

⁴ Nɛ Yesu kaŋɛ mo le: “Abɔrɛsibɛ na bee kaŋɛ fanɛ: ‘A maŋ daga nyiŋgbasa ka wɔtɔ ŋkpal ajibi nawule so.’ ”

Luuk 4:4 ပူးပေါင်းရင်းမြစ်များ

Ɛksodɔs 23:25

Nɛ men baa shuŋ ma, Enyɛnpe Ebɔrɛ, men be Ebɔrɛ na, ma alɛ beeŋ nɛfa men be ajibi nɛ men be nchu nseŋ lara alɔana kikɛ ashi menyi to.

Aizaaya 8:20

Ndoŋ nna nɛ men kaŋɛ bumo le: “Men baa nu kusɔ nɛ Enyɛnpe Ebɔrɛ na bee ŋini menyi nsaa maa nu a sa bekpalpo nɛ belejipo, ŋkpal manɛ so kusɔ nɛ baaŋ kaŋɛ menyi na maaŋ tiŋ n lara menyi ashi etɔrɔ to. Kare maaŋ chɛ bekama nɛ baa malga le ere be ekama!

Jɛremaya 49:11

Ama menyeeŋ tiŋ n yirda ma nseŋ yige menyi be amunibi nɛ bekulpoche n sa ma nɛ m baa keni bumo so.

Matiu 4:4

Nɛ Yesu kaŋɛ mo le: “Abɔrɛsibɛ na bee kaŋɛ fanɛ a maŋ daga nyiŋgbasa ka wɔtɔ ŋkpal ajibi nawule so, ama e wɔtɔ nna ŋkpal kamalga kikɛ nɛ k bee shi Ebɔrɛ be kɔnɔ to a lar so.”

Matiu 6:31

Amoso, men sa maa fɔŋ so a kaŋɛ le: ‘Manɛ nɛ anyeeŋ ji ŋko manɛ nɛ anyeeŋ nuu ŋko manɛ nɛ anyeeŋ buu?’

Luuk 22:35

Nɛ e bishi bumo le: “Ŋ ka daa maŋ ta kɔlgu ŋko adiiku ŋko asɛbta n shuŋi menyi nɛ men yɔ na, men daŋ ya paŋ kusɔ ko a?” Nɛ b kaŋɛ mo: “An daa maŋ ya paŋ shɛŋ.”

Luuk 4:10

ŋkpal manɛ so, abɔrɛsibɛ na bee kaŋɛ: ‘Ebɔrɛ beeŋ shin nɛ mbe emalaika e keni fo so

Luuk 4:3

Ndoŋ nna nɛ alubipo na kaŋɛ mo le: “Nɛ fo baa la Ebɔrɛ Pibinyɛn gbagba nna, fo shin nɛ kejembu ere e ki bodobodo.”

Luuk 4:8

Nɛ Yesu kaŋɛ mo: “Abɔrɛsibɛ na bee kaŋɛ fanɛ: ‘Bunyaŋ Enyɛnpe fo Ebɔrɛ na nseŋ shuŋ mo nawule.’ ”

Ɛfesesebi 6:17

Men baa shin nɛ kumɔlga na e baa la menyeya a kuŋ menyi fanɛ kebɛlso be kekpaŋwuro nseŋ naa ta kiyoyu na be tokobi nɛ k la Ebɔrɛ be kamalga na gba a kɔ.

Ditɛronɔmi 8:3

Amoso nɛ e daŋ shin nɛ akoŋ pɛ menyi, kumo be kaman nɛ e sa menyi ajibi nɛ menyi nɛ men nananyɛnana maŋ naŋ ji ŋ ku so na. Ajibi na nɛ baa tre ‘manna’ na. Mo alɛ daŋ wora loŋ nna nɛ e ŋini menyi fanɛ a maŋ daga fanɛ men baa wɔtɔ ŋkpal ajibi nawule so, ama ŋkpal kusɔ kama nɛ Enyɛnpe Ebɔrɛ na kaŋɛ so.