Luuk 4:34 - EBƆRƐ BE KAWƆL

³⁴ “Hei, Nazarɛt be Yesu manɛ nɛ fee fin anyi kutɔ? Fo ba nna nɛ fo ba mur anyi a? N nyi fo. Fo e la Ebɔrɛ be Esa cheembi na!”

Luuk 4:34 ပူးပေါင်းရင်းမြစ်များ

Jɛnesis 3:15

Ma alɛ beeŋ ta kedoŋ n wɔtɔ fo nɛ eche na be nferinto nseŋ naŋ ta kedoŋ n wɔtɔ fo pibi nɛ eche na be kebia to. Eche na be kebia na beeŋ baa bɛa fo kumu to nɛ fo alɛ e baa duŋ mbe kenaŋkuŋ.”

1 Bewura 17:18

Ndoŋ nna nɛ ekulpoche na kaŋɛ anebi Elaija le: “Ebɔrɛ be esa, manɛ nna nɛ fo wora ma le? Fo ba nfe nna nɛ fo ba kaŋɛ Ebɔrɛ alubi nɛ n wora saŋɛ na so ma kebia beeŋ wu a?”

Nshɛ 16:10

Ŋkpal manɛ so, fee kuŋ ma ashi luwu to. Fo maaŋ shin nɛ fo kenya e luri nchaŋ to; ŋko n shin nɛ fo esa cheembi e wu m bɛ.

Danɛl 9:24

Nfɛ adushushunu be ntuŋ shunu e naŋ fo pɔɛŋ nɛ Ebɔrɛ e mɔlga fo basa nɛ kadegboŋ cheembi na ashi kulubi to. Baaŋ nya alubi be ketampaŋ nsaa ji asheŋ nɛ amo be ekpa so mbaanaayɔ; saŋɛ na so bɔrɛdare na nɛ kewuŋkaŋɛ na beeŋ bɔlɔ so kashenteŋto nɛ b naŋ laŋɛ n ta bɔrɛlambu cheembi na m bɔɔ Ebɔrɛ enɔ.

Matiu 8:29

B ka baŋ wu Yesu epul na to nɛ b boŋ to ŋ kaŋɛ: “Ebɔrɛ Pibinyɛn, manɛ nɛ fee fin anyi to? Fo ba nna nɛ fo ba tɔrɔ anyi pɔɛŋ nɛ kachɛ na gbagba e fo a?”

Maak 1:24

“Nazarɛt be Yesu, manɛ nɛ fee fin anyi kutɔ? Fo ba nna nɛ fo ba mur anyi a? N nyi fo! Fo e la Ebɔrɛ be Esa cheembi na.”

Maak 1:34

Nɛ Yesu chɛ belɔpo damta na be alɔ be nnaŋ to kikɛ n ju mbuibi lubi ashi bumo nɛ mbuibi lubi tɔr so na to. E daa maŋ shuli nɛ mbuibi lubi na kaŋɛ shɛŋ, ŋkpal manɛ so, b nyi mo.

Maak 5:7

“Yesu, Ebɔrɛ Enyɛnpetale Pibinyɛn, manɛ nɛ fee fin ma to? Ebɔrɛ so, mee kule fo nna, sa maŋ tɔrɔ ma.”

Luuk 1:35

Nɛ malaika na shuli so ŋ kaŋɛ: “Kiyoyu Cheeŋ na e naaŋ gbelge fo so nɛ Ebɔrɛ be eleŋ e ba buu fo so. Amoso, baaŋ tre kebia cheembi nɛ feeŋ kurge na Ebɔrɛ Pibinyɛn.

Luuk 4:33

Kanyɛn ko daa wɔ nshɛrbu na to a kɔ kiyoyu lubi mo to nseŋ koso m boŋ to m bishi:

Luuk 4:41

Mbuibi lubiana gba daŋ lar basa damta to m boŋ to ŋ kaŋɛ: “Fo e la Ebɔrɛ Pibinyɛn na.” Ama Yesu daŋ fiɛ bumo so a maŋ shuli nɛ mbuibi lubi na kaŋɛ shɛŋ, ŋkpal manɛ so, b nyi e ka la Kristo na.

Luuk 8:28

E ka wu Yesu nɛ e boŋ to eleŋso nseŋ ba gbir mbe anishito nseŋ malga awɔrso m bishi: “Yesu, Ebɔrɛ Enyɛnpetale Pibinyɛn, manɛ nɛ fee fin ma to? Mee kule fo nna, sa maŋ tɔrɔ ma.”

Luuk 8:37

Ndoŋ nna nɛ Gɛrasa be efuli na so ebi kikɛ ba kule Yesu fanɛ e lar bumo to ŋkpal kananɛ kufu daŋ pɛ bumo ga na so. Nɛ Yesu luri ekuloŋ na to a shin nɛ e yɔ

Ashuŋ Shunso 16:39

Ndoŋ nna nɛ b ya kule bumo fanɛ b ta m paŋ bumo. Kumo be kaman nɛ b lara bumo kabuti na to nseŋ kule bumo fanɛ b lar kade na to.

Ashuŋ Shunso 2:27

Ŋkpal manɛ so, fo Ebɔrɛ maaŋ shin nɛ n wu nɛ ma kiyoyu e yɔ luwu to. Fo maaŋ shin nɛ fo kenya nɛ e bee bɛ fo so nɛ kagbene koŋwule e wu m bɛ.

Ashuŋ Shunso 3:14

Esa cheembi nɛ Esa Lela e daa la mo ama men kini mo nseŋ kule Pailat fanɛ e sɔ emɔpo n yige n sa menyi.

Ashuŋ Shunso 4:27

Kumo alɛ kashenteŋ nna, ŋkpal manɛ so, Hɛrɔd nɛ Pɔnshes Pailat nɛ nnyamase nɛ Israɛlebi daŋ shɛr kadegboŋ ere to ŋ kre Yesu nɛ e la fo Ebɔrɛ be Kenya cheembi nseŋ naa la emo nɛ fo lara fanɛ e baa la Kristo na be nia.

Hibruwebi 2:14

Kumo alɛ ŋkpal basa na ka kɔ dimɛdi be eyur nɛ ŋklaŋ na so mo gbagba sɔ bumo be kapɔr koŋwule na nna, saŋɛ na so e beeŋ bɔla luwu to m mur esa nɛ e kɔ luwu be eleŋ na. Mo e la Setani na.

Jeems 2:19

Fo yirda fanɛ Ebɔrɛ koŋwule e wɔtɔ. To, fo wora nɛnɛ, ama baa nyi fanɛ mbuibi lubi gba bee shuli fanɛ Ebɔrɛ koŋwule e wɔtɔ nɛ kumo alɛ bee keta bumo kufu nɛ baa chicha.

1 Jɔn 3:8

Esa kama malɛ nɛ e bee wora asheŋ lubi la alubipo na peya nna, ŋkpal manɛ so, durnya be sososo na kikɛ nɛ alubipo na wɔtɔ a wora alubi m ba fo mbre. To, loŋ malɛ so nɛ Ebɔrɛ Pibinyɛn na lar m ba nɛ e ba jija alubipo na be ashuŋ.

Kelaraŋŋini 20:2

Ndoŋ nna nɛ e ya nyaŋ kusɔ gbeyeso, mo e la dra na kikɛ be kusɔkpaŋ nɛ baa tre mo koŋwule alubipo ŋko Setani na ŋ kre mo n nase nfɛ kagboŋ.

Kelaraŋŋini 3:7

Nɛ e kaŋɛ: “Sibɛ kawɔl ere n sa Filadɛlfia be kade to be asɔri be malaika na ŋ kaŋɛ mo le: ‘Mmalga ere shi ma, emo nɛ e du cheembi nsaa la kashenteŋwura nsaa kɔ Ewura Deevid be sɔfi to na kutɔ nna. Kusɔ nɛ m bugi, esa kikɛ maaŋ tiŋ n ti kumo, kusɔ kama malɛ nɛ n ti, esa kikɛ maaŋ tiŋ m bugi kumo.