Luuk 4:22 - EBƆRƐ BE KAWƆL

²² Mbe asheŋ daŋ bɔlɔ basa na be kenishi ga nɛ mbe kubɔya belbelso na be asheŋ chinchiŋ bumo ga nɛ b bishi abar: “Mannɛ mo e la Josɛf pibi na a?”

Luuk 4:22 ပူးပေါင်းရင်းမြစ်များ

Nshɛ 45:2

Enyɛn kikɛ maŋ walɛ keyɛrbi fanɛ fo. Mmalga belbelso nawule e naa shi fo kɔnɔ to. Amoso nɛ Ebɔrɛ bee nɛfa fo.

Nshɛ 45:4

Nseŋ dii fo kediiso bunyaŋ so ŋ kɔ m pɔɔ so a laŋɛ kashenteŋ nɛ kuwɔrwu nɛ keji asheŋ nɛ amo be ekpa so be kaplɛa so. Ta fo enɔjiso lempo na n wora asheŋ nɛ a bee mɔ kɔnɔ.

Aŋasa 10:32

Basa nɛ baa wora asheŋ nɛ a niŋi e nyi asheŋ lela nɛ a daga kemalga, ama asheŋ besaso nɛ belubiworapo bre bee malga saŋkama.

Aŋasa 16:21

Enyiashempo e naa pin asheŋ to manaŋ manaŋ, nɛ kamalga lela malɛ bee chɛ to a shin nɛ esa be keŋini asheŋ bee nite nɛnɛ.

Aŋasa 25:11

Kemalga kamalga nɛ k daga saŋɛ nɛ k daga du nna fanɛ b ka ta shuwa m mata gbiti so na.

Kaŋinichiŋgeliŋ 10:12

Enyiashempo be mmalga bee bar mo kemaŋkura nna, ama ewulpo bre be kɔnɔ to be mmalga e naa mur mo.

Sɔlɔmɔn 5:16

Mbe kɔnɔ be kepipe wɔ ebel nna, nɛ mbe kusɔ kama malɛ bee par ma. To, Jerusalɛm be beche, kananɛ n jipo nɛ ma eshapo na du nna na.

Aizaaya 50:4

Enyɛnpetale Ebɔrɛ na e ŋini ma kusɔ nɛ meeŋ kaŋɛ n leŋ esa nɛ e gben a chul to nsaa maaŋ naŋ tiŋ n wora shɛŋ na to. Mo e naa shin nɛ mee yɛla kenishi to kachipurso kikɛ a fin kenu kusɔ nɛ e kɔ nɛ e ŋini ma na.

Luuk 2:47

K daŋ chinchiŋ bekama nɛ b daŋ nu kananɛ e daŋ sa asheŋ bishiso na be afito kanyiashenso na ga.

Luuk 2:48

Mo nio nɛ mo tuto ka wu mo nɛ k chinchiŋ bumo ga nɛ mo nio bishi mo: “M pibi, manɛ e ba nɛ fo wora anyi loŋ? Ma nɛ fo tuto ka bee fin fo a gben anyi be ŋgbene jija anyi ga.”

Luuk 21:15

Ŋkpal manɛ so, meeŋ bugi menyi be nnɔ nɛ men doŋana e pɔɔ menyi so ŋ gben ŋko n ji m bri menyi ŋ gben.

Luuk 4:21

Nɛ e fara a malga a sa bumo: “Kakraŋ nɛ men nu naniere bɔla kabre.”

Baru lela nɛ Jɔn kute na 1:45

Kumo be kaman nɛ Filip malɛ wu Nataniɛl nseŋ kaŋɛ mo le: “An wu esa nɛ anebi Mosis sibɛ mbe asheŋ ashi mbra be kawɔl na to na. Mo koŋwule na be asheŋ nɛ anebiana na kikɛ sibɛ na. Mo e la Nazarɛt be Yesu, Josɛf pibi na.”

Baru lela nɛ Jɔn kute na 6:42

B yɛ: “Mannɛ mo e la Yesu, Josɛf pibi na a? To, an nyi mo tuto nɛ mo nio nɛ a ji nuso nna nɛ e bee kaŋɛ mbe kumu fanɛ: ‘Ebɔrɛso nɛ n shi m ba?’ ”

Baru lela nɛ Jɔn kute na 7:46

Nɛ bekumpo na kaŋɛ bumo le: “Kananɛ kanyɛn na bee malga na, esa kikɛ maŋ naŋ malga loŋ.”

Ashuŋ Shunso 6:10

Ama b daa maŋ tiŋ n ji m bri mo ŋkpal eleŋgboŋ nɛ Kiyoyu Cheeŋ na daŋ sa mo nɛ e malga so.

Taites 2:8

Shin nɛ kusɔ kama nɛ fee malga e baa kɔ kashenteŋ nɛ anishinyɔr e ji edoŋ kama nɛ e sa maŋ nya kulubi kikɛ m malga ŋ gbiti anyi.