Luuk 4:2 - EBƆRƐ BE KAWƆL

² Nɛ alubipo na ya chɔ mo ndoŋ nchɛ adena ŋ keni. Mbe kechɔŋkeni be jemanɛ na malɛ kikɛ nɛ e daa maa ji shɛŋ, amoso, kumo be kaman akoŋ daŋ pɛ mo nna.

Luuk 4:2 ပူးပေါင်းရင်းမြစ်များ

Jɛnesis 3:15

Ma alɛ beeŋ ta kedoŋ n wɔtɔ fo nɛ eche na be nferinto nseŋ naŋ ta kedoŋ n wɔtɔ fo pibi nɛ eche na be kebia to. Eche na be kebia na beeŋ baa bɛa fo kumu to nɛ fo alɛ e baa duŋ mbe kenaŋkuŋ.”

1 Bewura 19:8

Nɛ anebi Elaija koso n ji nseŋ nuu nchu nɛ ajibi na sa mo eleŋ nɛ e nite nchɛ adena kikɛ hale n yɔ kebee cheembi nɛ baa tre Sainai na.

Ɛsta 4:16

“Shin nɛ Juwebi nɛ b wɔ Susa na kikɛ e ba abar so m ba kishi nchɛ asa nɛ nnyɛ asa ŋ kule Ebɔrɛ n sa ma. Ma alɛ gba nɛ ma mbita beeŋ luri loŋ be ekishi na to. Kumo be kaman, nɛ n yɔ ewura na kutɔ. Hale nɛ mbra maŋ sa ma ekpa gba, meeŋ wora loŋ. Nɛ k la luwu nɛ n wu.”

Ɛksodɔs 24:18

Ndoŋ nna nɛ Mosis luri kuwɔlpa na to n yɔ kebee na be esoso n ya ji kebee na so nchɛ adena nɛ nnyɛ adena.

Ɛksodɔs 34:28

Nchɛ adena nɛ nnyɛ adena nɛ Mosis daŋ ta a wɔ Enyɛnpetale Ebɔrɛ na kutɔ nsaa maa ji ŋko a nuu. Loŋ be saŋɛ nɛ Enyɛnpe Ebɔrɛ daŋ sibɛ kɔnɔkoŋwule be ŋkre be mmalga na n deŋi ajembu pantraŋ pantrambi anyɔ na so. Amo e la mbra kudu na.

Jona 3:7

Kumo be kaman nɛ e sa Ninɛveebi kubɔya. Kubɔya na e daa la fanɛ ewura nɛ mbe benimuana yɛ: “Esa kama e sa maŋ ji shɛŋ. Dimɛdi ŋko kusɔbɔya e sa maŋ ta ajibi ŋko nchu n yɔ kɔnɔ.

Matiu 21:18

Kumo be kamɔnchɛ chipurso Yesu ka bɛta a yɔ kade na to nɛ akoŋ pɛ mo.

Matiu 4:2

Nchɛ adena nɛ nnyɛ adena nɛ Yesu daŋ ta ŋ kishi ndoŋ. Nchɛ na be kaman nɛ akoŋ pɛ mo.

Luuk 4:3

Ndoŋ nna nɛ alubipo na kaŋɛ mo le: “Nɛ fo baa la Ebɔrɛ Pibinyɛn gbagba nna, fo shin nɛ kejembu ere e ki bodobodo.”

Baru lela nɛ Jɔn kute na 4:6

Jeekɔb be ketirbu daa wɔ ndoŋ nna nɛ Yesu nite ŋ gben m ba fo ndoŋ kapaso chɛŋchɛŋ nseŋ kilgi n chena ketirbu na ase.

Ditɛronɔmi 9:18

Ndoŋ nna nɛ n ta enɔ m buu anishi so ŋ kurgi kumu n yuu to nseŋ kule Enyɛnpe Ebɔrɛ na. Nchɛ adena nɛ nnyɛ adena nɛ m maa ji ŋko a nuu. Ma alɛ daŋ wora le nna ŋkpal men nananyɛnana ka wora kulubi n da Enyɛnpe Ebɔrɛ na so nɛ e nya agbo na so.

Ditɛronɔmi 9:25

Amoso nɛ n daŋ buu anishi so nseŋ kurgi kumu n yuu to ashi Enyɛnpe be wajɛbu na to nchɛ adena nɛ nnyɛ adena a kule Ebɔrɛ na, ŋkpal manɛ so, n daa nyi geeŋ fanɛ e daa kre kemur bumo nna.

Ditɛronɔmi 9:9

Ma e daŋ dii n yɔ kebeegboŋ na be awɔlto n ya sɔ ajembu peŋgeleŋ peŋgelembi nɛ menyi nɛ Enyɛnpe Ebɔrɛ na be kɔnɔkoŋwule be ŋkre nɛ baa tre amo Mbra Kudu na deŋ so na. Nchɛ adena nɛ nnyɛ adena nɛ n wɔ ndoŋ a maa ji ŋko a nuu.

Hibruwebi 2:18

To, naniere, ŋkpal mo gbagba ka luri kechɔŋkeni to n lar nseŋ ji amo be awurfoŋ na so, e beeŋ tiŋ n chɛ bumo nɛ baa luri kechɔŋkeni to na to.

Hibruwebi 4:15

Ŋkpal manɛ so, mannɛ fanɛ anyi be bɔrɛmatapo nimuso na la esa nɛ e maa wu anyi be asheŋ gbenso kuwɔr nna, ama e la esa nɛ e luri kechɔŋkeni kama to nna n lar fanɛ kananɛ anyi alɛ gba bee luri amo to na. Ama mo ere maŋ wora kulubi kikɛ.

1 Samuɛl 17:16

Nchɛ adena kikɛ nɛ Goliɛf bee yili a to Israɛlebi na emaŋ kapa nɛ kanyɛ.