Luuk 4:15 - EBƆRƐ BE KAWƆL

¹⁵ E ka ŋini abɔrɛsheŋ bumo be nshɛrbuana na to nɛ ekama chɔrɔ mo ga.

Luuk 4:15 ပူးပေါင်းရင်းမြစ်များ

Aizaaya 55:5

To, menyeeŋ kela a tre efuli pɔtɛana nɛ menyi maŋ nyi bumo be basa gba fanɛ b ba ti menyi so, nɛ b shile m ba buu menyi! Ma, Enyɛnpe, Israɛl be Ebɔrɛ cheembi na e naaŋ shin nɛ ade kikɛ e wora m bɔlɔ so. Meeŋ shin nɛ men nya kemaŋkura nɛ bunyaŋ ashi basa kikɛ to.”

Matiu 13:54

n yɔ mo gbagba be kade to n ya ŋini basa abɔrɛsheŋ ashi bumo be nshɛrbu to nɛ mbe keŋini na chinchiŋ basa kama nɛ b nu amo na ga nɛ b bishi abar: “To, nnɛ nɛ kanyɛn ere nya le be kanyiasheŋ ere? Nɛ mbe emamachi be asheŋ woraso ere malɛ ai?

Matiu 4:23

Ade be kaman nɛ Yesu nite Galili be kasawule so kikɛ to a ŋini basa abɔrɛsheŋ ashi bumo be nshɛrbuana to nsaa bɔ Ebɔrɛ be kuwura na to be baru lela na a sa basa nseŋ chɛ basa na to be alɔ nɛ ebesa be yiri kikɛ.

Matiu 9:35

Kumo be kaman nɛ Yesu yɔ ndegboŋana nɛ ndewurbiana na kikɛ to n ya kaa ŋini basa abɔrɛsheŋ ashi bumo be nshɛrbuana to nsaa bɔ Ebɔrɛ be kuwura na to be baru lela na a sa basa nseŋ naa chɛ basa be alɔ nɛ ebesa be yiri kikɛ.

Matiu 9:8

Basa na ka wu kusɔ nɛ k wora na nɛ kufu pɛ bumo nɛ b di Ebɔrɛ epaŋ ŋkpal e ka ta le be eleŋ n sa basa so.

Maak 1:27

K daŋ chinchiŋ basa na kikɛ ga nɛ b fara a bishi abar: “Manɛ malɛ nde? Keŋini pɔtɛ ko nna a? Kanyɛn ere bre kɔ eleŋ hale a tiŋ a ponte ayoyu lubi so fanɛ b lar esa to nɛ baa nu mbe kɔnɔ.”

Maak 1:39

Kumo be kaman nɛ e fara a nite Galili be kasawule so kikɛ to a malga abɔrɛsheŋ na ashi bumo be nshɛrbuana to nseŋ daa ju mbuibi lubiana na basa to.

Maak 1:45

Ama kanyɛn na ya bugi demu na to ŋ kaŋɛ ekama. E malga demu na ga hale nɛ Yesu maŋ naŋ tiŋ m bugi to n luri kade kama to. Kupuŋ to chil nɛ e daa chena nɛ basa bee shi kaplɛkama a ba mo kutɔ.

Luuk 13:10

Kewushiachɛ ko Yesu wɔ nshɛrbu ko to a ŋini nɛ kache ko malɛ daa wɔ ndoŋ a kɔ mbuibi lubi.

Luuk 4:16

Amo be kaman nɛ Yesu bɛta n yɔ Nazarɛt kakpa nɛ e daŋ ki esa na. Kewushiachɛ ka fo nɛ e ya n yɔ ndoŋ be nshɛrbu to n ya yili nɛ e kraŋ abɔrɛsibɛ na.