Luuk 4:1 - EBƆRƐ BE KAWƆL

¹ Kiyoyu Cheeŋ na ka bɔlɔ Yesu to nɛ e shi Jɔɔdan be lɔr na akpa nɛ Kiyoyu Cheeŋ na shin nɛ e yili ndoŋ n yɔ kiyi to.

Luuk 4:1 ပူးပေါင်းရင်းမြစ်များ

1 Bewura 18:12

Ŋ kaŋ lar fo kutɔ, m maŋ nyi kakpa nɛ Enyɛnpe Ebɔrɛ na be kiyoyu beeŋ ta fo n yɔ. Ŋ kaŋ ya kaŋɛ Ahab fanɛ fo wɔ nfe, nɛ e maŋ wu fo nfe, e beeŋ mɔ ma. Baa nyiŋi fanɛ n fara a bunyaŋ Ebɔrɛ saŋɛ so nɛ n la kebifɔlbi kikɛ nna.

1 Bewura 19:4

Anebi Elaija be kachɛ lelemu nɛ e na kiyi to. Ndoŋ nna nɛ e ba tu kedibi ko n chena kumo be kifito nseŋ fɛ fanɛ e daŋ wu gba k bɔ mo so. Kumo be kaman nɛ e kule Ebɔrɛ ŋ kaŋɛ le: “Enyɛnpe, asheŋ ere bre chɔ ma so. Lara ma ŋkpa, ŋkpal manɛ so n chɛr a beeŋ wu nna!”

Aizaaya 61:1

Enyɛnpetale Ebɔrɛ na be Kiyoyu wɔ ma so. E lara ma nna n nɛfa ma nɛ m bɔ baru lela na n sa betirpo, nseŋ chɛ bumo nɛ kagbenejija tɔr so na. Mo e shuŋi ma nɛ n ya bɔ kesɔnyige be baru n sa bumo nɛ b ki beko be anya, nseŋ sɔ bumo nɛ b wɔ kabuti to n yige.

Ezikɛl 3:14

Ndoŋ nna nɛ Ebɔrɛ be Kiyoyu na naŋ ta ma, nɛ Enyɛnpe Ebɔrɛ na be eleŋ gbelge ma so ga nɛ ma kagbene kaa nɛ n nya agbo.

Matiu 3:16

Jɔn ka bɛr Yesu kabɔrɛbɛr na n loge epul na to nɛ Yesu lar nchu na to. Ndoŋ nna nɛ esoso bugi nɛ e wu Ebɔrɛ be Kiyoyu ka bee gbelge a ba mo so fanɛ lepɔ na.

Luuk 2:27

Kachako nɛ Kiyoyu Cheeŋ na shin nɛ Simiɔn yɔ bɔrɛlambu na to nɛ b bar Yesu bɔrɛlambu na to nɛ b ba wora mo kusɔ nɛ mbra na bee ŋini na.

Luuk 3:3

Nɛ e yɔ Jɔɔdan be lɔr be kasawule so be ndeana kikɛ to n ya kaa bɔ le be kubɔya: “Men lar men be alubi to nɛ b bɛr menyi kabɔrɛbɛr nɛ Ebɔrɛ e ta men be alubi m paŋ menyi.”

Luuk 3:38

Keenan malɛ mo tuto e daa la Inɔsh nɛ Inɔsh malɛ mo tuto daa la Sɛt nɛ Sɛt malɛ mo tuto daa la Adam, Ebɔrɛ pibi.

Luuk 4:14

Ade be kaman nɛ Kiyoyu Cheeŋ na be eleŋ bɔlɔ mo to nɛ e yɔ Galili be kasawule so. Epul to nɛ mbe keba na be baru sɔ kasawule na so kikɛ.

Luuk 4:18

“Enyɛnpe be Kiyoyu nɛ e kɔ a sa basa kikɛ na wɔ ma so. E lara ma nna n nɛfa ma nɛ m bɔ baru lela na n sa betirpo, mo e shuŋi ma nɛ n ya bɔ kesɔnyige be baru n sa bumo nɛ b ki beko be anya nseŋ bɔ anishi be kebugi be baru n sa betanpo. E yɛ n sɔ bumo nɛ baa mɛaŋ na n yige.

Baru lela nɛ Jɔn kute na 1:32

Kede be kaman nɛ Jɔn ji le be shɛda ŋ kaŋɛ: “N wu Kiyoyu na ka shi ebɔrɛso ŋ gbelge m ba fanɛ lepɔ m ba shir a wɔ mo so.

Baru lela nɛ Jɔn kute na 3:34

Emo nɛ Ebɔrɛ shuŋi na bee malga Ebɔrɛ be mmalga nna, ŋkpal manɛ so, Ebɔrɛ shin nɛ mbe Kiyoyu na bɔlɔ mo to felɛlɛ.

Ashuŋ Shunso 1:2

Ama pɔɛŋ nɛ Ebɔrɛ shin nɛ e yɔ ebɔrɛso na, Yesu daŋ bɔla Kiyoyu Cheeŋ na so nna ŋ ŋini basa nɛ e daŋ lara nɛ b baa la mbe beshuŋipo na ŋ kaŋɛ bumo asɔ nɛ a daga fanɛ b baa wora.

Ashuŋ Shunso 10:38

Men nyi Nazarɛt be Yesu na be asheŋ nɛ kananɛ Ebɔrɛ lara mo nseŋ shin nɛ Kiyoyu Cheeŋ na nɛ eleŋ ba mo so. E daŋ yɔ kaplɛkama n ya wora kelela nseŋ chɛ basa damta nɛ b daa wɔ Setani be enɔ to na, ŋkpal manɛ so, Ebɔrɛ daa wɔ mo to.

Ashuŋ Shunso 8:39

B ka bee lar nchu na to nɛ Enyɛnpe be Kiyoyu na ba ta Filip ndoŋ nɛ krachigboŋ na maŋ naŋ wu mo nseŋ la to m pɛ ekpa a yɔ nɛ kagbenefuli.