Luuk 3:7 - EBƆRƐ BE KAWƆL

⁷ Basa damta daŋ ba Jɔn kutɔ nɛ e bɛr bumo kabɔrɛbɛr nɛ e bishi bumo le: “Awɔ lubi be mbia ere, wanɛ e ŋini menyi fanɛ menyeeŋ tiŋ ŋ gelge Ebɔrɛ be agbo nɛ k bee ba basa so na?

Luuk 3:7 ပူးပေါင်းရင်းမြစ်များ

Jɛnesis 3:15

Ma alɛ beeŋ ta kedoŋ n wɔtɔ fo nɛ eche na be nferinto nseŋ naŋ ta kedoŋ n wɔtɔ fo pibi nɛ eche na be kebia to. Eche na be kebia na beeŋ baa bɛa fo kumu to nɛ fo alɛ e baa duŋ mbe kenaŋkuŋ.”

Aizaaya 59:5

Ŋkre lubi nɛ menyee kre na la kɔrtɔ nna fanɛ awɔ lubi be afule. Efule na be kekama bee bure kuwɔ nna! Ama menyi be ŋkre na maaŋ lɔŋɛ shɛŋ n sa menyi. A du fanɛ esa ka maaŋ tiŋ n ta enansatata n lue wajɛ nna!

Matiu 12:34

Basa lubi fanɛ awɔ ere! Nuso nɛ menyeeŋ tiŋ a la basa lubi le nsaa tiŋ a malga asɔ lela be asheŋ? Men maŋ nyi fanɛ asɔ nɛ a bɔlɔ nyiŋgbasa be kagbene to e naa lar mbe kɔnɔ to a?

Matiu 23:33

Awɔ ere, awɔ lubi be mbia ere, nuso nɛ menyeeŋ wora nɛ b maaŋ gberge menyi kusoe n yɛr menyi Setani be edɛ to?

Matiu 3:6

n ya bugi ŋgbene ŋ kaŋɛ mo bumo be alubiana pɔɛŋ nɛ e bɛr bumo kabɔrɛbɛr ashi Jɔɔdan be lɔr na to.

Baru lela nɛ Jɔn kute na 8:44

Men tuto e la alubipo na nɛ menyee sha kebaawora mbe aparsheŋ. Emɔpo e la mo sososo kikɛ, mo alɛ be shɛŋ maa ji kashenteŋ to, ŋkpal kashenteŋ ka maŋ wɔ mo to so. E baa ku efɛ, kananɛ mbe kapɔr du nɛ e bee ŋini, ŋkpal manɛ so, e la efɛpo nna nseŋ naa la efɛ kikɛ amo tuto.

Ashuŋ Shunso 13:10

“Setani pibi ere. Fo la kelela be yiri kikɛ be edompo nna. Kafule be kulubi be yiri kikɛ e baŋ bɔlɔ fo to nɛ saŋkama fee kɔ a fin keta Enyɛnpe be nshenteŋ ŋ ki efɛ.

1 Tɛsalɔnikaebi 1:10

nɛ e shin nɛ e tiŋi luwu to na fanɛ e shi ebɔrɛso m ba. Mo koŋwule Yesu na e naa mɔlga anyi ashi Ebɔrɛ be agbo nɛ k bee ba na to.

Hibruwebi 6:18

Naniere an nya asɔ anyɔ nɛ a maaŋ tiŋ n chɛrga, ŋkpal manɛ so, Ebɔrɛ maaŋ tiŋ ŋ ku efɛ kikɛ. Asɔ anyɔ na so nɛ anyi nɛ an shuli m mata Ebɔrɛ na beeŋ nya kagbene a kɔ kumɔlga be tama nɛ k wɔ anishito na to kpakpa.

1 Jɔn 3:8

Esa kama malɛ nɛ e bee wora asheŋ lubi la alubipo na peya nna, ŋkpal manɛ so, durnya be sososo na kikɛ nɛ alubipo na wɔtɔ a wora alubi m ba fo mbre. To, loŋ malɛ so nɛ Ebɔrɛ Pibinyɛn na lar m ba nɛ e ba jija alubipo na be ashuŋ.