Luuk 3:3 - EBƆRƐ BE KAWƆL

³ Nɛ e yɔ Jɔɔdan be lɔr be kasawule so be ndeana kikɛ to n ya kaa bɔ le be kubɔya: “Men lar men be alubi to nɛ b bɛr menyi kabɔrɛbɛr nɛ Ebɔrɛ e ta men be alubi m paŋ menyi.”

Luuk 3:3 ပူးပေါင်းရင်းမြစ်များ

Matiu 3:11

Nchu nɛ ma ere kɔ a bɛr menyi kabɔrɛbɛr a ŋini fanɛ men lar menyi be alubi to, ama emo nɛ e wɔ ma kaman a ba na beeŋ shin nɛ Kiyoyu Cheeŋ na nɛ edɛ e gbelge menyi so. E chɔ ma ga, hale m maŋ fo mbe aya to be shishɛr gba so.

Luuk 1:16

E beeŋ shin nɛ Israɛlebi be bedamta e kilgi m ba Enyɛnpe bumo be Ebɔrɛ kutɔ.

Luuk 1:77

ŋ ŋini mbe basa kananɛ baaŋ nya bumo be alubi be ketampaŋ bumo. Baaŋ nya kumɔlga.

Luuk 4:1

Kiyoyu Cheeŋ na ka bɔlɔ Yesu to nɛ e shi Jɔɔdan be lɔr na akpa nɛ Kiyoyu Cheeŋ na shin nɛ e yili ndoŋ n yɔ kiyi to.

Baru lela nɛ Jɔn kute na 1:28

Bɛtani nɛ asheŋ ere kikɛ wora ashi Jɔɔdan be lɔr be kaba ndoŋ, kakpa nɛ Jɔn daa bɛr basa kabɔrɛbɛr na.

Baru lela nɛ Jɔn kute na 3:26

Ndoŋ nna nɛ Jɔn be bebɛsopo yɔ mo kutɔ n ya kaŋɛ mo le: “Eŋinipo, fo nyiŋi kanyɛn nɛ fo nɛ mo daa la ashi Jɔɔdan be lɔr be kaba ndoŋ na ŋko? Kanyɛn nɛ fo daŋ ji mbe shɛda na. Keni, e wɔtɔ a bɛr basa kabɔrɛbɛr nɛ basa kikɛ shile a yɔ mo kutɔ.”

Ashuŋ Shunso 13:24

Pɔɛŋ nɛ Yesu fara mbe kushuŋ na, Jɔn daŋ kaŋɛ Israɛlebi na kikɛ nna fanɛ b lar bumo be alubi to nɛ b bɛr bumo kabɔrɛbɛr.

Ashuŋ Shunso 19:4

Nɛ Pɔɔl kaŋɛ: “Kabɔrɛbɛr nɛ Jɔn daa bɛr basa na daa ŋini fanɛ basa na yɛ b lar bumo be alubi to, ama e daa kaŋɛ ekama nna fanɛ a daga fanɛ e yirda esa nɛ e wɔ mo ere Jɔn be kaman a ba na, mo e la Yesu na.”

Ashuŋ Shunso 22:16

Amoso, sa maŋ naŋ jo, koso n shin nɛ b bɛr fo kabɔrɛbɛr a ti Yesu be ketre na nɛ Ebɔrɛ e fɔr fo alubi n lɛ.’