Luuk 3:23 - EBƆRƐ BE KAWƆL

²³ Yesu daŋ fo fanɛ nfɛ adesa nna nseŋ fara mbe kushuŋ. Mo tuto e daa la Josɛf fanɛ kananɛ basa daa fɛ na. Josɛf mo tuto e daa la Ilai, Matat pibi.

Luuk 3:23 ပူးပေါင်းရင်းမြစ်များ

Jɛnesis 41:46

Josɛf daa la nfɛ adesa nna pɔɛŋ nseŋ luri ewura Fɛɛro be kushuŋ na to ashi Ijipt be kasawule so.

2 Samuɛl 5:4

Nfɛ adesa nɛ Deevid daŋ ji pɔɛŋ nseŋ ki Israɛl be ewura; mo alɛ nseŋ ji kuwura na nfɛ adena.

Nɔmbɛs 4:3

nseŋ sibɛ benyɛn nɛ b fo yili nfɛ adesa n ya fo nfɛ adunu nsaa beeŋ tiŋ n shuŋ Enyɛnpe Ebɔrɛ be wajɛbu na to na be atre n wɔtɔ kawɔl to.

Nɔmbɛs 4:35

Bumo be benyɛn nɛ b fo nfɛ adesa n ya fo nfɛ adunu nsaa beeŋ tiŋ n shuŋ wajɛbu cheembi na to na daa wɔ basa ŋgboŋ anyɔ nɛ alfa ashunu nɛ adunu.

Matiu 1:1

Kananɛ Yesu Kristo nɛ e shi Ewura Deevid nɛ mo alɛ shi Eebraham be kanaŋ to kikɛ lar nde.

Matiu 1:16

Jeekɔb pibi e daa la Josɛf, Mɛɛri mo kul. Mɛɛri e daŋ kurge Yesu nɛ baa tre Kristo na, kumo e la fanɛ Ebɔrɛ be esa laraso.

Matiu 1:6

Jɛsi pibi e daa la Ewura Deevid. Ewura Deevid e daŋ ta Yuraya be eche ŋ kurge Sɔlɔmɔn.

Matiu 13:55

Mannɛ mo e la kapɛnta na pibi na a? Mannɛ mo nio e la Mɛɛri na a? Kumo be kaman, mannɛ mo sipoana e la Jeems nɛ Josɛf nɛ Saimɔn nɛ Judas na a?

Matiu 4:17

Yili jemanɛ na so a yɔ nɛ Yesu fara a bɔ mbe kubɔya a kaŋɛ le: “Men lar menyi be alubi to, ŋkpal manɛ so, ebɔrɛso be kuwura na taga to.”

Maak 6:3

Mannɛ mo e la kapɛnta na a? Mɛɛri pibi nɛ Jeems nɛ Josɛf nɛ Judas nɛ Saimɔn bumo da nna a? Mannɛ anyi nɛ mo sipocheana e wɔ nfe na a?” Ndoŋ nna nɛ b kpal kumo so ŋ kini kesɔ mo.

Luuk 2:48

Mo nio nɛ mo tuto ka wu mo nɛ k chinchiŋ bumo ga nɛ mo nio bishi mo: “M pibi, manɛ e ba nɛ fo wora anyi loŋ? Ma nɛ fo tuto ka bee fin fo a gben anyi be ŋgbene jija anyi ga.”

Luuk 3:31

Ilayakim mo tuto e daa la Mɛliya nɛ mo alɛ mo tuto daa la Mɛna nɛ Mɛna malɛ mo tuto daa la Matata nɛ mo alɛ mo tuto daa la Neetan, Deevid pibi.

Luuk 4:22

Mbe asheŋ daŋ bɔlɔ basa na be kenishi ga nɛ mbe kubɔya belbelso na be asheŋ chinchiŋ bumo ga nɛ b bishi abar: “Mannɛ mo e la Josɛf pibi na a?”

Baru lela nɛ Jɔn kute na 1:45

Kumo be kaman nɛ Filip malɛ wu Nataniɛl nseŋ kaŋɛ mo le: “An wu esa nɛ anebi Mosis sibɛ mbe asheŋ ashi mbra be kawɔl na to na. Mo koŋwule na be asheŋ nɛ anebiana na kikɛ sibɛ na. Mo e la Nazarɛt be Yesu, Josɛf pibi na.”

Baru lela nɛ Jɔn kute na 6:42

B yɛ: “Mannɛ mo e la Yesu, Josɛf pibi na a? To, an nyi mo tuto nɛ mo nio nɛ a ji nuso nna nɛ e bee kaŋɛ mbe kumu fanɛ: ‘Ebɔrɛso nɛ n shi m ba?’ ”

Ashuŋ Shunso 1:1

N teri lela Tiɔfiles, asɔ nɛ Yesu daŋ wora nseŋ ŋini saŋɛ nɛ e fara mbe kushuŋ n ya fo saŋɛ nɛ Ebɔrɛ daŋ shin nɛ e naŋ bɛta n yɔ ebɔrɛso na kikɛ be asheŋ nɛ n daŋ sibɛ ma kawɔl juŋkparso na to.