Luuk 3:14 - EBƆRƐ BE KAWƆL

¹⁴ Nɛ benapo ko malɛ ba bishi mo: “Manɛ nɛ anyi alɛ beeŋ wora?” Nɛ e kaŋɛ bumo: “Men sa maa suge basa be amansherbi ŋko a ji bumo so. Men shin nɛ men be kakɔka e baa kukwe menyi.”

Luuk 3:14 ပူးပေါင်းရင်းမြစ်များ

Ɛksodɔs 20:16

Men sa maa ji efɛ be shɛda a gbiti men braana.

Ɛksodɔs 23:1

Men sa maa bɔ efɛ be baru, ŋko a ji efɛ be shɛda a chɛ belubiworapo to.

Levitikɔs 19:11

Sa maŋ kaŋ yuri ŋko m puni ŋko ŋ ku efɛ.

Matiu 8:5

Yesu ka luri Kapɛɛniam be kade to nɛ Romebi be benapo be enimu ko ba mo kutɔ m ba kule mo le be kechɛto,

Luuk 19:8

Nɛ Zakiyes niŋi to n yili nseŋ kaŋɛ Enyɛnpe le: “Enyɛnpe, keni, meeŋ barga ma asɔ to ntuŋ anyɔ so n ta barga to ko ŋ kɛ betirpo, nɛ esa kama malɛ nɛ m puni, meeŋ leŋi amodoŋwura be kusɔ na ntuŋ nna n sa mo.”

Luuk 3:10

Nɛ jimaŋ na bishi mo: “Nɛ nuso nɛ anyeeŋ wora?”

Luuk 3:13

Nɛ e kaŋɛ bumo: “Men sa maa sɔ basa lampo ga a chɔ kananɛ a daga.”

Ashuŋ Shunso 10:7

Kede be kaman nɛ malaika nɛ e daa malga mo kutɔ na yige mo nseŋ yɔ nɛ Kɔɔnilias tre mbe laŋ to be nyɛrbi anyɔ ko nɛ enapo ko nɛ e daa la abɔrɛshenshapo nsaa la bumo nɛ b daa shuŋ a sa Kɔɔnilias gbagba na be eko

Filipaiebi 2:15

Saŋɛ na so esa kama maaŋ wu kulubi kikɛ menyi so, ama menyeeŋ baa du cheembi a la Ebɔrɛ be mbia lela nɛ b wea nfɛralubiwuraana nɛ asheŋlubiwuraana to a wɔ durnya ere to. Men baa wɔ bumo to loŋ a du fanɛ achɛkpabi a fuli to a nyɛkpɛ a sa bumo,

Filipaiebi 4:11

Mannɛ fanɛ ŋ ka bee sha kechɛto so e shin nɛ mee malga le ere, ŋkpal manɛ so, naniere ŋ koya fanɛ a daga fanɛ kusɔ kama nɛ ŋ kɔ n shin nɛ k baa kukwe ma.

Taites 2:3

Loŋ koŋwule na e daga fo ka kaŋɛ bechekparana na fanɛ b baa kɔ kebaawɔtɔ cheembi. A maŋ daga fanɛ b baa la emalaŋfiki ŋko n shin nɛ kasanuu e baa pɔɔ bumo so.

Kelaraŋŋini 12:10

Ndoŋ nna nɛ n nu ebɔl ko awɔrso ashi ebɔrɛso ka bee kaŋɛ le: “Naniere bre Ebɔrɛ ŋini mbe eleŋ fanɛ mo e la Ewurgboŋ na nɛ mbe kumɔlga na ba. Naniere bre mbe Kristo na ŋini mbe eleŋ, ŋkpal manɛ so, b ta an niopibiana be alubiwupo mo nɛ e bee wu bumo kulubi kapa nɛ kanyɛ ashi Ebɔrɛ be anishito na n lɛ kasawule.