Luuk 24:50 - EBƆRƐ BE KAWƆL

⁵⁰ Ndoŋ nna nɛ e juŋkpar bumo n lar n yɔ hale Bɛtani n ya maŋ mbe enɔana so n nɛfa bumo.

Luuk 24:50 ပူးပေါင်းရင်းမြစ်များ

Jɛnesis 27:4

Fo kaŋ bar loŋ be eblaŋ na fo ta kumo n daŋɛ ajibi belbelso mo nɛ mee sha ga na m ba sa ma nɛ n ji n nɛfa fo pɔɛŋ nseŋ wu.”

Jɛnesis 48:9

Nɛ Josɛf kaŋɛ mo: “Ma mbia nɛ Ebɔrɛ sa ma Ijipt nfe nna na.” Nɛ Jeekɔb kaŋɛ mo: “Keta bumo m ba ma kutɔ nfe nɛ n nɛfa bumo.”

Jɛnesis 49:28

To, bede kikɛ e la Israɛl be nnaŋ kuduanyɔ na be bejuŋkparpo nna. Asɔ nɛ bumo tuto malɛ daŋ nɛfa bumo nseŋ kaŋɛ ŋ kaŋɛ bumo kukoko to a yɔ ekama be da be kaplɛa so nna na.

Levitikɔs 9:22

Ɛɛrɔn ka lara esarga na kikɛ n loge nɛ e maŋ mbe enɔana so n shoŋi basa na nseŋ nɛfa bumo pɔɛŋ nseŋ shi bɔrɛsure na ase ŋ gbelge m ba.

Matiu 21:17

Kede be kaman nɛ e yige bumo nseŋ lar kadegboŋ na to n yɔ Bɛtani n ya di ŋ klade.

Maak 10:16

Nɛ e gberge mbia na m mata mbe kumu n ta mbe enɔana n deŋi n deŋi bumo so nseŋ nɛfa bumo.

Maak 11:1

A ka ba ka gbrɛbi nɛ Yesu nɛ mbe bebɛsopo e luri Jerusalɛm be kade to nɛ b fo Bɛtfagi nɛ Bɛtani be nde to nɛ a wɔ Ɔlifs be kebee so ase na. Ndoŋ nna nɛ e ta le be kubɔya ere n shuŋi bebɛsopo na be benyɔ ŋ kaŋɛ bumo:

Luuk 24:51

E ka bee nɛfa bumo nɛ e fara a yige bumo a yɔ ebɔrɛso.

Ashuŋ Shunso 1:12

Ndoŋ nna nɛ beshuŋipoana na lar Ɔlifs be kebee so m bɛta n yɔ Jerusalɛm to. K daa la fanɛ mayɛl be bargato nna.

Ashuŋ Shunso 1:9

Yesu ka malga kesheŋ ere n loge nɛ Ebɔrɛ shin nɛ e fara a yɔ ebɔrɛso nɛ baa keni mo hale nɛ kuwɔlpa ko ya buu mo so nɛ b maŋ naŋ wu mo.

1 Timoti 2:8

Mee sha nna fanɛ kaplɛkama benyɛn nɛ b maa ta bumo be enɔana a shuŋ alubi e baa maŋ amo so kabɔrɛkule to nsaa maa keta kanya agbo ŋko a kini keyirda fanɛ Ebɔrɛ bee nu kabɔrɛkule.

Joshuwa 22:6

Kumo be kaman nɛ Joshuwa nɛfa bumo nseŋ ta le kubɔya n sa bumo fanɛ b yɔ epe: “Menyee bɛta a yɔ epe nɛ kedamaya nɛ asɔbɔya nɛ gbiti nɛ shuwa nɛ ntishaŋ peper nɛ abɛlso nɛ asɔbuuso damta. Men ya sa men braana asɔ nɛ men sɔ men doŋana kutɔ na be ako.” Nɛ b lar n yɔ. Mosis e daŋ sa Manase be yiri to ebi be bargato kasawule ashi Jɔɔdan be lɔr na be epeŋilarkpa nɛ Joshuwa malɛ sa yiri na be bargato nɛ k ka na nɛ eyiri nɛ a ti so na kasawule ashi Jɔɔdan be lɔr na be epeŋitɔrkpa be kaba so.