Luuk 24:47 - EBƆRƐ BE KAWƆL

⁴⁷ ama kumo be nchɛ asa to e beeŋ tiŋi luwu na to. Mbe ketre so nɛ baaŋ bɔla n yili Jerusalɛm m bɔ kelar alubi to nɛ Ebɔrɛ be keyige alubi m paŋ na be baru na n sa efuli kama so ebi.

Luuk 24:47 ပူးပေါင်းရင်းမြစ်များ

Jɛnesis 12:3

Bekama malɛ nɛ b nɛfa fo, ma alɛ gba beeŋ nɛfa bumo. Ama ekama nɛ e sho fo kɔnɔ, ma alɛ gba beeŋ sho amodoŋwura kɔnɔ. Fo so nɛ meeŋ bɔla n nɛfa durnya to ebi kikɛ.”

Nshɛ 22:27

Efuliana kikɛ so ebi beeŋ nyiŋi Enyɛnpe Ebɔrɛ na, nɛ basa e shi durnya be kaplɛkama, ŋ kilgi m bɛ mo so a bunyaŋ mo.

Nshɛ 67:7

Ebɔrɛ beeŋ nɛfa anyi, nɛ durnya to be basa kikɛ e bunyaŋ mo.

Nshɛ 86:9

Efuliana nɛ fo to ere be basa beeŋ ba jɔŋɛ fo ase m bunyaŋ fo n shin nɛ fo ketre e nya kemaŋkura.

Aizaaya 11:10

Jemanɛ ko bee ba nɛ ewura popɔr nɛ e beeŋ shi ewura Deevid be kuwurji be kabuna na e baa la tɔɔnɛ n sa efuliana na. Baaŋ baa gama abar so mbe kuwurade to nsaa sa mo bunyaŋ.

Aizaaya 49:22

Kumo be kaman nɛ Enyɛnpetale Ebɔrɛ na kaŋɛ mbe basa le: “Meeŋ maŋ ma tuta so nɛ efuliana na be basa e wu kumo, nseŋ shin nɛ ma basa e bɛta m ba epe ashi bumo gbagba be kasawule so.

Aizaaya 49:6

Kede be kaman, nɛ Enyɛnpe Ebɔrɛ naŋ kaŋɛ ma le: “Ma kenya, ŋ kɔ kushuŋgboŋ ko a sa fo. Mannɛ ma basa, Israɛlebi nɛ b ji efute na be kebɛta m ba bumo be eyilikpagboŋ na be kushuŋ nawule nɛ feeŋ shuŋ. Meeŋ shin nɛ efuli pɔtɛana so be basa e bɔla fo so m ba pin ma, saŋɛ na so meeŋ mɔlga bumo alɛ gba.”

Aizaaya 5:4

Kusɔ ko daga fanɛ n wora kudɔ na to nɛ m maŋ wora kumo a? Nɛ manɛ e ba nɛ ndibi na bee sɔr asɔrso nyaŋnyaŋso? Mannɛ asɔrso lela nɛ mee sha a?

Aizaaya 52:10

Enyɛnpe Ebɔrɛ na beeŋ ta mbe eleŋgboŋ m mɔlga mbe basa ashi bumo doŋana be enɔ to, saŋɛ na so durnya to ebi kikɛ beeŋ wu kumo.

Aizaaya 52:15

Ma kenya na beeŋ sa efuliana na be basa ekpa nɛ b ki basa nɛ baaŋ tiŋ n shuŋ ma Enyɛnpe Ebɔrɛ na. Bewura beeŋ wu mo nɛ k wora bumo mamachi nseŋ mɔ bumo be nnɔ. Efuli pɔtɛana be basa beeŋ wu asɔ nɛ b maŋ naŋ wu ŋ ku so, nseŋ fɛ asɔ nɛ b maŋ naŋ fɛ amo be asheŋ ŋ ku so be nfɛra.”

Jɛremaya 31:34

Bumo be ekama maaŋ naŋ ŋini mo barkasa kananɛ e beeŋ wora m pin Enyɛnpe Ebɔrɛ na, ŋkpal manɛ so, bumo be bewura nɛ bebɔlpo kikɛ beeŋ pin ma nsaa wora ma kasonu. Ma alɛ beeŋ ta bumo be alubi m paŋ bumo nsaa maaŋ naŋ nyiŋi amo kikɛ. Ma, Enyɛnpe Ebɔrɛ e kaŋɛ na.”

Danɛl 9:24

Nfɛ adushushunu be ntuŋ shunu e naŋ fo pɔɛŋ nɛ Ebɔrɛ e mɔlga fo basa nɛ kadegboŋ cheembi na ashi kulubi to. Baaŋ nya alubi be ketampaŋ nsaa ji asheŋ nɛ amo be ekpa so mbaanaayɔ; saŋɛ na so bɔrɛdare na nɛ kewuŋkaŋɛ na beeŋ bɔlɔ so kashenteŋto nɛ b naŋ laŋɛ n ta bɔrɛlambu cheembi na m bɔɔ Ebɔrɛ enɔ.

Hoziya 11:8

Ama m maaŋ tiŋ n yige Israɛlebi ŋko ŋ kplaŋ bumo so kikɛ. M maaŋ tiŋ n jija bumo fanɛ kananɛ n jija Adma nɛ Zeboyim be nde na. Ma kasha nɛ ŋ kɔ n sa bumo na shi ga.

Hoziya 2:23

Meeŋ chɛ ma basa to nɛ b chena kasawule ere so n dii dama. Meeŋ ŋini bekama nɛ b maa sha na ma kasha. Nseŋ shin nɛ bekama nɛ b yɛ b maŋ la ma basa na e ki ma basa, nɛ bumo alɛ e shuli so a tre ma bumo be Ebɔrɛ.”

Maika 4:2

m ba kaŋɛ le: “Men shin nɛ an dii n yɔ Enyɛnpe Ebɔrɛ na be kebee na so, n ya luri Israɛl be Ebɔrɛ na be bɔrɛlambu na to. E beeŋ ŋini anyi kusɔ nɛ e bee sha fanɛ an wora; nɛ an baa wora mbe aparsheŋ saŋkama. Ŋkpal manɛ so, Enyɛnpe Ebɔrɛ na be keŋini bee shi Jerusalɛm nna; nɛ mo alɛ bee shi Zayɔn be kebee so a malga a sa mbe basa.”

Malakai 1:11

Durnya ere to be basa damta beeŋ bunyaŋ ma. Baaŋ baa chɔɔ duwu a sa ma nsaa lara esarga nɛ a bee bɔlɔ kenishi a sa ma. Bumo kikɛ bee bunyaŋ ma ketre gboŋ na nna.

Matiu 28:19

Amoso, men yɔ efuli kikɛ so n ya shin nɛ basa e ki ma bebɛsopo nɛ men bɛr bumo kabɔrɛbɛr ashi Etuto na nɛ Ebinyɛn na nɛ Kiyoyu Cheeŋ na be ketre to, nseŋ ŋini bumo nɛ b bɛ asɔ nɛ ŋ ŋini menyi na kikɛ so.

Matiu 3:2

E yɛ: “Men lar menyi be alubi to, ŋkpal manɛ so, ebɔrɛso be kuwura na taga to.”

Matiu 9:13

Le nɛ abɔrɛsibɛ na bee kaŋɛ fanɛ Ebɔrɛ bee kaŋɛ: ‘Mannɛ esarga be kelara nɛ mee sha. Abar be kebaawora kelela nɛ mee sha.’ Men ya keni n fin kumo be kifito. M maŋ ba nna nɛ m ba tre basa nɛ baa tre bumo be amu basa lela, alubiworapoana nɛ m ba nɛ m ba tre.”

Luuk 13:34

O Jerusalɛmebi, Jerusalɛmebi, menyi e naa mɔ anebiana nsaa kpa bumo nɛ Ebɔrɛ shuŋi menyi kutɔ na ajembu a mɔ. Ela afanɛ nɛ n wora ania nɛ n chala menyi abar so fanɛ kananɛ koshi bee koli mbe mbia a wɔtɔ mbe atɛ to na, ama men kini.

Ashuŋ Shunso 10:43

Anebiana kikɛ daŋ malga mbe asheŋ ŋ kaŋɛ fanɛ ekama nɛ e yirda mo, e beeŋ nya mbe alubi be ketampaŋ ashi mbe ketre na be eleŋ to.”

Ashuŋ Shunso 11:18

B ka nu kamalga na nɛ b yige bumo be kebaraso na nseŋ di Ebɔrɛ epaŋ ŋ kaŋɛ: “Kumo ere, Ebɔrɛ sa nnyamase gba ekpa nɛ b tiŋ n lar bumo be alubi to n nya ŋkpa na.”

Ashuŋ Shunso 13:46

Ama Pɔɔl nɛ Baanabas daŋ kplaŋ bumo so nna nsaa malga kenyɛnso a kaŋɛ: “Menyi nɛ b daŋ yili kumo fanɛ b fara m malga Ebɔrɛ be kamalga na n sa, ama men ka kini kumo nsaa ta menyi be amu fanɛ men maŋ daga Ebɔrɛ be ŋkpa nɛ k maŋ kɔ ekar na bre so, anyeeŋ yige menyi nseŋ yɔ nnyamase kutɔ.

Ashuŋ Shunso 2:38

Nɛ Pita kaŋɛ bumo: “Men be ekama e lar mbe alubi to, kumo be kaman nɛ e shin nɛ b bɛr mo kabɔrɛbɛr Yesu Kristo be ketre to nɛ Ebɔrɛ e ta mbe alubi m paŋ mo nseŋ sa mo Kiyoyu Cheeŋ na.

Ashuŋ Shunso 20:21

Juwebi nɛ nnyamase kikɛ nɛ n daŋ fiɛ so kpakpa fanɛ b lar bumo be alubi to a bɛ Ebɔrɛ so nseŋ yirda an Nyɛnpe Yesu.

Ashuŋ Shunso 26:18

Ya bugi bumo be anishi n shin nɛ b lar bumo be tentembiri na to m ba kefulto to. Shin nɛ b lar Setani be eleŋ to m ba Ebɔrɛ peya to n shin nɛ b yirda ma nɛ n ta bumo be alubi m paŋ bumo nɛ b nya bumo be kakpa ashi Ebɔrɛ be basa laraso na to.’

Ashuŋ Shunso 26:20

Damaskɔs nɛ n fara m bɔ kubɔya na nseŋ yɔ Jerusalɛm nɛ Juwebi be efuli so kikɛ nɛ nnyamase to n ya kaa bɔ kubɔya na fanɛ b lar bumo be alubi to m ba Ebɔrɛ kutɔ m ba kaa wora asheŋ nɛ a beeŋ ŋini fanɛ b lar bumo be alubi to kashenteŋto.

Ashuŋ Shunso 28:28

Nɛ Pɔɔl naŋ kaŋɛ: “Amoso, men baa nyi fanɛ Ebɔrɛ shuŋi basa nɛ baa bɔ mbe kumɔlga be kubɔya na nnyamase gba kutɔ. Bumo ere beeŋ bugi asoe n nu.”

Ashuŋ Shunso 3:19

Amoso, men lar menyi be alubi to nseŋ bɛta m ba Ebɔrɛ kutɔ nɛ e kpra menyi be alubi kikɛ n lɛ.

Ashuŋ Shunso 4:12

Yesu na nawule so nɛ anyeeŋ tiŋ n nya kumɔlga. Ebɔrɛ maŋ ta esa kikɛ be ketre durnya ere to n sa basa nɛ b bɔla kumo so n nya kumɔlga she Yesu Kristo nawule peya.”

Ashuŋ Shunso 5:31

Ebɔrɛ shin nɛ e tiŋi luwu to n yɔ mbe jisoso, ebunyampo be kakpa fanɛ Ejuŋkparpo nɛ Emɔlgapo nɛ Israɛlebi e tiŋ n nya ekpa n lar bumo be alubi to nɛ Ebɔrɛ e ta m paŋ bumo.

Romebi 5:20

Ebɔrɛ bar mbra na nna nɛ basa be alubi e wora keshi n ti so, ama kanaŋkamaso malɛ nɛ alubi bee wora keshi a ti so, saŋɛ na so nɛ Ebɔrɛ malɛ bee shin nɛ mbe kuwɔr be kakɛ bee wora keshi a ti so a chɔ loŋ.

Ɛfesesebi 1:6

Men shin nɛ an baa di Ebɔrɛ epaŋ ŋkpal mbe le be mamachi be kuwɔr be kakɛ nɛ e bɔla mo Pibinyɛn shaso so n ta ŋ kɛ anyi na so.

Ɛfesesebi 3:8

Kashenteŋto nna fanɛ m maŋ fo Ebɔrɛ be basa to be ekekarso gba kuraa, ama Ebɔrɛ ta le be kuwɔr be kakɛ ere nna n sa ma nɛ m bɔ Kristo be enɛfa damta be baru lela na n sa nnyamase

Kɔlɔsiebi 1:27

Ŋkpal manɛ so, Ebɔrɛ daa sha keŋini bumo kananɛ e ŋini mbe wulo be eleŋgboŋ basa kikɛ to nna, kumo e la fanɛ, Yesu Kristo wɔ menyi to, kumo so nɛ men kɔ tama fanɛ menyeeŋ nu Ebɔrɛ be kemaŋkura na be ebel na.

1 Jɔn 2:12

Ma mbi shasoana, mee sibɛ nna a sa menyi ŋkpal Ebɔrɛ ka ta menyi be alubi m paŋ menyi ŋkpal Yesu so na.