Luuk 24:38 - EBƆRƐ BE KAWƆL

³⁸ Nɛ e bishi bumo le: “Manɛ be kufu e kɔ menyi loŋ? Nɛ manɛ malɛ be nfɛra nɛ menyee fɛ menyi be ŋgbene to ere?

Luuk 24:38 ပူးပေါင်းရင်းမြစ်များ

Jɛremaya 4:14

Jerusalɛm to ebi, men lara asheŋ lubi men be ŋgbene to nseŋ yige nfɛra lubi be kebaafɛ, saŋɛ na so menyi beeŋ nya kumɔlga.

Danɛl 4:19

Ndoŋ nna nɛ edare na be kifito be asheŋ pɛ Danɛl nɛ baa tre Bɛlteshaaza na kufu ga nɛ mbe nfɛra wul mo to. Nɛ ewura na kaŋɛ mo le: “Bɛlteshaaza, sa maŋ shin nɛ edare na be asheŋ e baa fɔŋ fo.” Nɛ Danɛl kaŋɛ: “Yiramu, nɛ edare nɛ fo ku ere daŋ beeŋ laŋɛ fo doŋana so nna, k daa beeŋ par ma ga.

Danɛl 4:5

Ŋ ka dese a di nɛ ŋ ku edare nseŋ naŋ wu bɔrɛdare gba nɛ kufu pɛ ma ga.

Matiu 16:8

Yesu ka pin kusɔ nɛ b daa malga na nɛ e bishi bumo: “Manɛ e ba nɛ menyee malga abar kutɔ a kaŋɛ men ka maŋ kɔ bodobodo be asheŋ. Men be yirda du fimbi pasaa.

Luuk 24:37

Ama kananɛ e daŋ lar bumo so na daŋ chinchiŋ bumo n ta kufu m pɛ bumo ga nɛ b daa tama fanɛ kebuniyoyu nna.

Luuk 24:39

Men keni ma enɔana nɛ ma aya m pin fanɛ ma nna. Men beta ma ŋ keni, ŋkpal manɛ so, kebuniyoyu maŋ kɔ eyur nɛ awibi fanɛ kananɛ ŋ kɔ ere.”

Hibruwebi 4:13

Kusɔ toso kikɛ maŋ wɔtɔ a ŋana Ebɔrɛ so. Kusɔ kikɛ nyam dii efuli nna n dese mbe anishito, mo alɛ nɛ anyi kikɛ beeŋ yili mbe anishito ŋ kaŋɛ mo ashuŋ nɛ an wora kikɛ nɛ kusɔ nɛ k ba nɛ an wora amo.