Luuk 24:36 - EBƆRƐ BE KAWƆL

³⁶ B kraa kute asheŋ ere nna nɛ Yesu gbagba ba yili bumo kikɛ to.

Luuk 24:36 ပူးပေါင်းရင်းမြစ်များ

Aizaaya 57:18

N wu asheŋ nɛ b wora na kikɛ, ama ŋ kraa beeŋ chɛ bumo be alɔ. Ma alɛ beeŋ juŋkpar bumo nseŋ chɛ bumo to nseŋ naŋ lolo bekama nɛ baa shu nli na,

Matiu 10:13

Nɛ laŋ na to ebi baŋ daga loŋ be kechɔrɔ, kagbenewushi na beeŋ baa wɔ bumo so. Ama nɛ b baŋ maŋ daga kechɔrɔ na, men naŋ leŋi men be kagbenewushi na be kɔnɔ.

Maak 16:14

Kumo be lalaloge nɛ Yesu ba lar bebɛsopo kudukako na so nɛ b tase a ji nɛ e malga bumo ŋkpal b ka maŋ kɔ yirda so n naŋ kpal b ka ta kumuleŋ ŋ kini keyirda bumo nɛ b wu mo saŋɛ nɛ e tiŋi luwu to na so.

Luuk 10:5

Laŋ kama to nɛ men ya kaa luri, men kaŋɛ le pɔɛŋ: ‘Kagbenewushi e baa wɔ laŋ ere to ebi so.’ Nɛ kagbenewushi shapowura kama wɔ ndoŋ, men be kagbenewushi be kechɔrɔ na beeŋ baa wɔ mo so.

Baru lela nɛ Jɔn kute na 14:27

Kagbenewushi nɛ mee yige a sa menyi na, kagbenewushi nɛ k shi ŋ gbagba kutɔ. Kumo alɛ mannɛ fanɛ kananɛ durnya bee sa kumo na nɛ ŋ kɔ kumo a sa menyi. Amoso, men sa maŋ shin nɛ menyi be ŋgbene e baa jija menyi ŋko nɛ kufu e baa kɔ menyi.

Baru lela nɛ Jɔn kute na 16:33

Ŋ kaŋɛ menyi asheŋ ere nna, saŋɛ na so, menyeeŋ bɔla ma so n nya kagbenewushi. Menyeeŋ nya tɔrɔ durnya ere to, ama men baa kɔ kagbene, ma e pɔɔ durnya ere so.”

Baru lela nɛ Jɔn kute na 20:26

Kumo be bɔkwe be kaman nɛ mbe bebɛsopo na naŋ shɛr a wɔ ebu to nɛ Tɔmas gba wɔ bumo to kamɔnchɛ. B daŋ ber mbuna na kikɛ so nna, ama Yesu daŋ ba yili bumo to nna nseŋ kaŋɛ bumo le: “Kagbenewushi e baa wɔ menyi to.”

Ashuŋ Shunso 1:3

Mbe luwu na be kaman, nchɛ adena be kefɛato nɛ e wɔtɔ a bɔla ekpa damtaana so a lara mbe kumu a ŋini mbe beshuŋipoana na hale nɛ b ya pin kashenteŋto geeŋ fanɛ e tiŋi luwu to. B daŋ wu mo hale nɛ mo nɛ bumo malga Ebɔrɛ be kuwura na to be asheŋ.

1 Kɔrintebi 15:5

E ka tiŋi na e daŋ lar Pita nawule so nseŋ naŋ lar bumo bebɛsopo kuduanyɔ na kikɛ so.

1 Kɔrintebi 15:7

E daŋ lar Jeems gba so nseŋ naŋ lar beshuŋipoana na kikɛ so.

2 Tɛsalɔnikaebi 3:16

To, kagbenewushi be Enyɛnpe na gbagba e sa menyi kagbenewushi saŋkama ashi kusɔ kama to. Enyɛnpe na e baa wɔ menyi kikɛ to.

Kelaraŋŋini 1:4

Kawɔl ere shi ma Jɔn kutɔ nna a yɔ asɔri ashunu mo nɛ a wɔ Eeshia be kasawule so na kutɔ. Kuwɔr be kakɛ nɛ kagbenewushi e shi esa nɛ e daa wɔtɔ nseŋ kraa wɔtɔ ŋkeŋ naa ba na nɛ ayoyu ashunu mo nɛ a wɔ mbe kuwurputi be anishito na kutɔ a la menyeya.