Luuk 24:32 - EBƆRƐ BE KAWƆL

³² Nɛ b kaŋɛ abar le: “Amoso nɛ e daŋ bugi abɔrɛsibɛ na to a malga a sa anyi ekpa to nɛ anyi be ŋgbene daŋ fuli anyi ga loŋ na.”

Luuk 24:32 ပူးပေါင်းရင်းမြစ်များ

Nshɛ 104:34

Mee tama fanɛ ma nfɛra fɛso beeŋ baa par fo, ŋkpal manɛ so, ma kagbene fuli fo so.

Nshɛ 39:3

Nɛ kewora fanɛ edɛ ka bee chɔɔ ma eyur to na. M baa fɛ kumo be asheŋ, k bee chɔɔ ma to ga nna. Ndoŋ nna nɛ ŋ kaŋɛ le:

Aŋasa 27:17

Kananɛ baa ta kebɛlso a yee kebɛlso na, aloŋ nɛ beteri bee chɛrga abar be nfɛra.

Aŋasa 27:9

Tulale nɛ efɛa belbelso be duwu bee sa kagbenefuli nna, ama a maŋ fo eteri lela be kasotoji so.

Aizaaya 50:4

Enyɛnpetale Ebɔrɛ na e ŋini ma kusɔ nɛ meeŋ kaŋɛ n leŋ esa nɛ e gben a chul to nsaa maaŋ naŋ tiŋ n wora shɛŋ na to. Mo e naa shin nɛ mee yɛla kenishi to kachipurso kikɛ a fin kenu kusɔ nɛ e kɔ nɛ e ŋini ma na.

Jɛremaya 15:16

Fo daŋ malga ma kutɔ nɛ n nu fo kamalga na kikɛ. Enyɛnpetale Ebɔrɛ, n la fo kenya nna nɛ fo mmalga malɛ shin nɛ ma kagbene fuli n wushi ma ga.

Jɛremaya 20:9

Ama nɛ ma alɛ baŋ kaŋɛ fanɛ meeŋ teŋ Enyɛnpe Ebɔrɛ na so nsaa maŋ naa yili mbe katelamu to a malga, fo kubɔya na bee ki fanɛ edɛ nna a chɔɔ ma kagbene to nɛ ma awibi to. Mee wora ania fanɛ meeŋ nyaŋ ma kumu, ama ma alɛ maa tiŋ a lo ma kɔnɔ.

Jɛremaya 23:29

Ma mmalga du fanɛ edɛgboŋ gboŋi nna nseŋ naa du fanɛ kebɛlso gbɛgbɛso nɛ k bee bure ajembu to.

Maak 4:34

E daa maa malga basa kutɔ nɛ e maŋ bɔ aŋasa, ama mo nɛ mbe bebɛsopo nawule baŋ ya ka, e daa kaŋɛ bumo amo be afito nna.

Luuk 24:45

Ndoŋ nna nɛ e shin nɛ bumo be ŋgbene bugi nɛ b tiŋ m pin abɔrɛsibɛ na be afito

Baru lela nɛ Jɔn kute na 6:63

Kiyoyu na bee sa ŋkpa nna, ama eyur ere bre maaŋ tiŋ n wora shɛŋ. Mmalga nɛ m malga n sa menyi ere e naa shin nɛ menyee nya Kiyoyu nɛ e bee sa ŋkpa na.

Ashuŋ Shunso 28:23

Kede be kaman nɛ b sa Pɔɔl kachɛ nɛ baaŋ ba. Kachɛ na ka fo nɛ bumo be bedamta ba kakpa nɛ Pɔɔl daa wɔ na nɛ e baŋ yili chipurso m bɔ Ebɔrɛ be kuwura na to be asheŋ na ŋ ŋini bumo loŋ n ya fo kanyɛso. E daŋ bɛ Mosis be mbra na nɛ anebiana na be nsibɛ na so nna ŋ kɔ ga n fin keshin nɛ basa na yirda Yesu.

Hibruwebi 4:12

Ŋkpal manɛ so, Ebɔrɛ be kamalga na kɔ ŋkpa nɛ eleŋ nna a ji a chɔ tokobi jinnɔnyɔ. K bee tiŋ a ku a barga nfɛra nɛ kiyoyu to nseŋ naa tiŋ a barga awibichɛkpa nɛ nfɔ to, ŋ gbrɛ a tiŋ a ji basa be nfɛra to be asɔ shaso nɛ bumo be ŋgbene to be nfɛra fɛsoana demu.