Luuk 24:29 - EBƆRƐ BE KAWƆL

²⁹ Nɛ basa anyɔ na kule mo ŋ kaŋɛ: “Sa maŋ yɔ, ba luri anyi be laŋ to, ŋkpal manɛ so, epeŋi teŋ tɔr nɛ kaboŋ bee jija to.”

Luuk 24:29 ပူးပေါင်းရင်းမြစ်များ

Jɛnesis 19:3

Ndoŋ nna nɛ e mata bumo so loŋ pɔɛŋ nɛ b ba shuli n bɛ mo so n yɔ mbe laŋ to. Kumo be kaman nɛ Lɔt kaŋɛ fanɛ b wora bodobodo nɛ a maŋ kɔ yiisi amo to na nɛ ajibi lela n sa befɔ na. B ka wora ajibi na n loge nɛ befɔ na ji.

2 Bewura 4:8

Kachako malɛ nɛ Elaisha yɔ kade ko nɛ baa tre Shunɛm nɛ damawurache ko wɔ ndoŋ. Nɛ damawurache na tre Elaisha mbe laŋ to fanɛ e ba tu mbe laŋ to ebi n ji. Baŋ yili loŋ be jemanɛ na, saŋkama nɛ Elaisha baŋ naŋ ba Shunɛm kache na b laŋ to nɛ e bee ji.

Luuk 14:23

Nɛ enyɛnpe na kaŋɛ kenya na: ‘To, yɔ abɔrbigboŋana so nɛ nde karso be ekpaana so n ya leŋ basa to nɛ b ba nɛ ma ebu ere e nya m bɔlɔ basa.

Luuk 24:28

B ka ba fo kadebi na nɛ Yesu wora fanɛ e ka daa sha kekpar so n yɔ anishito na.

Luuk 24:30

Ndoŋ nna nɛ Yesu shuli n tu bumo n yɔ. Mo nɛ bumo ka ya kaa tase ejikpa nɛ e ta bodobodo na n nɛfa kumo nseŋ bu kumo to n ta n sa bumo.

Ashuŋ Shunso 16:14

Ndoŋ nɛ an ya chena m malga n sa beche ko ka ba shɛr. Beche nɛ b daŋ nu anyi be kamalga na be eko e daa la Libiya, e daa la ewajɛ peper kunɔkunɔ nɛ amo be yawu daa du kpakpa na be efapo nna n shi Tayataira. E daa la eche nɛ e daŋ bunyaŋ Ebɔrɛ nna nɛ Enyɛnpe bugi mbe kagbene nɛ e bugi asoe n nu kusɔ nɛ Pɔɔl daa kaŋɛ na.