Luuk 24:27 - EBƆRƐ BE KAWƆL

²⁷ Ndoŋ nna nɛ e fara Mosis be abɔrɛsibɛ to m bugi asɔ nɛ a bee malga mo gbagba be asheŋ kikɛ to ŋ kaŋɛ bumo loŋ hale n ya bɔla anebiana na kikɛ be abɔrɛsibɛana to nyam.

Luuk 24:27 ပူးပေါင်းရင်းမြစ်များ

Jɛnesis 12:3

Bekama malɛ nɛ b nɛfa fo, ma alɛ gba beeŋ nɛfa bumo. Ama ekama nɛ e sho fo kɔnɔ, ma alɛ gba beeŋ sho amodoŋwura kɔnɔ. Fo so nɛ meeŋ bɔla n nɛfa durnya to ebi kikɛ.”

Jɛnesis 22:18

Fo kaman to ebi so nɛ durnya to ebi kikɛ beeŋ bɔla n nya nɛfa ŋkpal fo ka wora ma kasonu ere so.”

Jɛnesis 26:4

Meeŋ shin nɛ fo kaman to ebi e wora keshi a sa fanɛ awɔlpa to be achɛkpabi nɛ n ta nsawule ere kikɛ n sa bumo nseŋ bɔla bumo so n nɛfa efuli kama so ebi durnya to.

Jɛnesis 3:15

Ma alɛ beeŋ ta kedoŋ n wɔtɔ fo nɛ eche na be nferinto nseŋ naŋ ta kedoŋ n wɔtɔ fo pibi nɛ eche na be kebia to. Eche na be kebia na beeŋ baa bɛa fo kumu to nɛ fo alɛ e baa duŋ mbe kenaŋkuŋ.”

Jɛnesis 49:10

Juda e naaŋ ba kaa kɔ kuwurkpabi mbe enɔ to nɛ mbe kanaŋ to ebi malɛ e ba kaa ji kuwura basa so saŋkama. Efuli pɔtɛana so ebi beeŋ ba kaa bunyaŋ mo a gbir mo kumuli kasonuso.

Nshɛ 132:11

Fo e daŋ bɔ ntaŋ n nase kɔnɔ n sa mo; kumo alɛ la kɔnɔ naseso nɛ feeŋ wora m bɔlɔ so nna. Fo yɛ: “Jemanɛ kikɛ meeŋ shin nɛ fo kaman to ebi e baa ji kuwura.

Aizaaya 1:23

Menyi be bejuŋkparpoana kini fanɛ m maaŋ naa wɔ bumo nseŋ ya ji beyu keteri. B wɔtɔ nna a sɔ ŋkɛ nɛ asɔ basa kutɔ pɔɛŋ nsaa wora asheŋ a sa bumo. B maa kɔ a sa bemunibi ashi demujikpa, ŋko a nya asoe a nu asheŋ ashi bekulpoche kutɔ.

Aizaaya 50:6

Ŋ kilgi ma kaman nna n sa basa, nɛ baa beri, nseŋ kilgi ma ketaya n sa bumo, nɛ baa tia ma katɔl be afuibi. Ma alɛ maŋ kaŋɛ basa nɛ baa tege ma nsaa tu echɔl a wɔtɔ ma anishi to na fanɛ b yige.

Aizaaya 7:14

To, kumo ere Enyɛnpe Ebɔrɛ na gbagba e naaŋ sa anyi tɔɔnɛ. Kasuŋgurbia nɛ e maŋ nyi enyɛn ŋ ku so beeŋ di kedampo ŋ kurge ebinyɛn nseŋ nase mo ketre Immanuɛl. Kumo be kifito e la fanɛ Ebɔrɛ wɔ anyi kutɔ.

Aizaaya 8:17

Enyɛnpe Ebɔrɛ na ta mbe kumu nna ŋ ŋana mbe basa so, ama amo nɛ amo kikɛ ma ere kraŋ yirda mo nseŋ ta ma tama n wɔtɔ mo to nna.

Aizaaya 9:1

Ama basa nɛ b daŋ ji awurfoŋ na maaŋ naa wɔ ebesa to. Zɛbyulɔn nɛ Naftali be eyiriana be nsawule daŋ ji nyɔmɔ nna, ama echefoso kemaŋkura beeŋ ba kebonfu nɛ k yili Teku nɛ baa tre Mɛditerenia na be epeŋilarkpa be kaba so n dese n ya fo lɔr nɛ baa tre Jɔɔdan na, hale n ta n ya fo Galili be kasawule nɛ nnyamase tase so na so ebi so.

Ezikɛl 34:23

Ade kikɛ be kaman nɛ n sa bumo ewura nɛ e beeŋ baa du fanɛ ma kayɛrbi ewura Deevid nɛ e baa kpa bumo nsaa keni bumo so nɛnɛ.

Ezikɛl 37:25

Kasawule nɛ n ta n sa ma kayɛrbi Jeekɔb na so nɛ baaŋ chena, kakpa nɛ bumo nanaana daŋ chena na. Bumo nɛ bumo be mbia nɛ kaman to ebi kikɛ beeŋ chena kumo so hale mbaanaayɔ, nɛ ewura nɛ e du fanɛ ma kayɛrbi Deevid na e baa ji bumo so kuwura.

Danɛl 7:13

Bɔrɛdare na to nɛ n wu kusɔ ko fanɛ Nyigbasa pibinyɛn na. Awɔlpa daŋ kulti mo nna nɛ e gbelge m ba maŋ ma so n yɔ esa nɛ e maŋ kɔ sososo nɛ lalaloge na kutɔ.

Maika 5:6

Anyi be bejuŋkparpo lempoana ere beeŋ keta benapo nɛ b kɔ eleŋ ga n ya kɔ m mɔlga anyi ashi Asiriyaebi nɛ baa shuŋ kegbir nɛ baa tre Nimrɔd na be enɔ to jemanɛ nɛ baaŋ ba bure n luri anyi be kasawule to na.

Maika 7:20

Feeŋ lara fo kashenteŋji nɛ kasha nɛ k maa loge na ŋ ŋini fo basa nɛ b la an nananyɛnana Eebraham nɛ Jeekɔb be kaman to ebi na, fanɛ kananɛ fo chɛr n nase kumo be kɔnɔ n sa bumo na.

Zakareya 13:7

Kede be kaman nɛ Enyɛnpetale Ebɔrɛ na kaŋɛ: “Tokobi, koso ŋ kɔ mbolpɔkpapo nɛ e bee shuŋ a sa ma na m mɔ mo nɛ mbolpɔ na e yeŋ to m pesaŋ to. Saŋɛ na so meeŋ nya ŋ kɔ ma basa.

Zakareya 9:9

Ekama nɛ e wɔ Jerusalɛm to e baa ji eyur nsaa wora awɔr kagbenefuliso! Ŋkpal manɛ so menyi be ewura kɔ m pɔɔ so nsaa ba menyi kutɔ; e du boeŋ nna nseŋ dii kurmafɔlbi a ba.

Malakai 4:2

Ama menyi bekama nɛ men yirda ma na bre, ma kumɔlga na beeŋ ba menyi so fanɛ kananɛ epeŋi bee nyaŋɛ a sa basa alenfia na. Menyeeŋ nya men be amu nɛ men be ŋgbene malɛ e fuli menyi fanɛ b ka fiŋi kuluu nɛ anabi lar a tɛto a yɔ keji to na.

Nɔmbɛs 21:14

Amoso nɛ nwɔl nɛ a bee malga Enyɛnpe Ebɔrɛ be kena be asheŋ na bee kaŋɛ le na: “Wahɛb be kade nɛ k wɔ Sufa be kebonfu ko to na nɛ kumo be ataŋɛ, nɛ Aanɔn be Lɔr na,

Maak 4:34

E daa maa malga basa kutɔ nɛ e maŋ bɔ aŋasa, ama mo nɛ mbe bebɛsopo nawule baŋ ya ka, e daa kaŋɛ bumo amo be afito nna.

Luuk 24:25

Ndoŋ nna nɛ e kaŋɛ bumo le: “Men maa wora nfɛra kuraa, ŋkpal manɛ so, asɔ nɛ anebiana na sibɛ n nase na kikɛ be keta n wɔtɔ menyi be ŋgbene to du menyi so kpakpa kashenteŋto geeŋ.

Luuk 24:44

Kumo be kaman nɛ e kaŋɛ bumo le: “Asheŋ ere kikɛ nɛ n daŋ kaŋɛ menyi saŋɛ nɛ ma nɛ menyi daŋ kraa wɔtɔ na fanɛ ma asheŋ nɛ a wɔ Mosis be abɔrɛsibɛ to nɛ anebiana na kikɛ peyaana to nɛ Nshɛ to na kikɛ daga kebɔla ekpa na.”

Baru lela nɛ Jɔn kute na 1:45

Kumo be kaman nɛ Filip malɛ wu Nataniɛl nseŋ kaŋɛ mo le: “An wu esa nɛ anebi Mosis sibɛ mbe asheŋ ashi mbra be kawɔl na to na. Mo koŋwule na be asheŋ nɛ anebiana na kikɛ sibɛ na. Mo e la Nazarɛt be Yesu, Josɛf pibi na.”

Baru lela nɛ Jɔn kute na 12:41

Anebi Aizaaya daŋ kaŋɛ le nna ŋkpal e ka daŋ wu Yesu be kemaŋkura nseŋ malga mbe asheŋ na so.

Baru lela nɛ Jɔn kute na 5:37

Etuto nɛ e shuŋi ma na malɛ gba bee ji ma shɛda nna a sa basa. Menyi maŋ naŋ nu mbe ebɔl ŋko n wu mbe anishito.

Baru lela nɛ Jɔn kute na 5:39

Menyi e naa kaa keni abɔrɛsibɛ na to nɛnɛ ŋkpal men ka bee fɛ fanɛ amo to nɛ menyeeŋ bɔla n nya ŋkpa nɛ k maŋ kɔ ekar na so, ama ma alɛ be asheŋ nɛ abɔrɛsibɛ na malɛ bee ji shɛda a kaŋɛ na.

Ashuŋ Shunso 10:43

Anebiana kikɛ daŋ malga mbe asheŋ ŋ kaŋɛ fanɛ ekama nɛ e yirda mo, e beeŋ nya mbe alubi be ketampaŋ ashi mbe ketre na be eleŋ to.”

Ashuŋ Shunso 3:18

Dra na kikɛ nɛ Ebɔrɛ shin nɛ anebiana kikɛ wu ŋ kaŋɛ fanɛ mbe Kristo na beeŋ ba ji awurfoŋ, kumo nɛ e shin nɛ k bɔla ekpa le ere na.

Ashuŋ Shunso 3:22

Anebi Mosis le daŋ kaŋɛ fanɛ: ‘Menyi be Ebɔrɛ Enyɛnpe beeŋ shin nɛ anebi e ba menyi kutɔ fanɛ kananɛ e daŋ shin nɛ m ba na. E beeŋ ba kaa la menyi be efuli ere so be esa nna. E kaŋ ba, men baa nu a sa mo kusɔ kama to.

Ashuŋ Shunso 3:24

Baŋ fara Samuɛl n ta anebiana nɛ b daŋ bɛ mo so na nɛ anebiana nɛ b ka na kikɛ nyam nɛ Ebɔrɛ daŋ shin nɛ b bɔ mbe kubɔya na daŋ wu naniere be asheŋ ere ŋ kaŋɛ.

Ashuŋ Shunso 7:37

Mo, Mosis koŋwule na e daŋ kaŋɛ Israɛlebi: ‘Ebɔrɛ beeŋ sa menyi anebi fanɛ kananɛ e shuŋi ma na, e beeŋ ba kaa la menyi to be eko nna.’

Ashuŋ Shunso 8:35

Ndoŋ nna nɛ Filip fara abɔrɛsibɛ be kakpa nɛ kanyɛn na daa kraŋ na gbagba m bɔ Yesu be baru lela na n sa mo.

Ditɛronɔmi 1:45

Kumo be kaman nɛ men shu n tre Enyɛnpe Ebɔrɛ na fanɛ e chɛ menyi to, ama e daŋ maŋ nu n sa menyi.

Ditɛronɔmi 18:15

Kusɔ nɛ e beeŋ wora e la fanɛ e beeŋ shuŋi anebi ko nɛ e du fanɛ ma nseŋ shi menyi gbagba be basa to nɛ e ba menyi kutɔ. A daga fanɛ men wora loŋ be anebi na kasonu.

Kelaraŋŋini 19:10

Ndoŋ nna nɛ ŋ gbir n dese kasawule mbe anishito nɛ m maŋ mo so nɛ e kaŋɛ ma: “A maŋ daga fanɛ fo wora loŋ, ŋkpal manɛ so, n la fo barkasa kenya nna fanɛ fo nɛ fo niopibiana nɛ b bɛ Yesu be shɛda be ekpa so na, Ebɔrɛ e daga fanɛ fo baa maŋ mo so.” Ŋkpal manɛ so, kashenteŋ mo nɛ Yesu lara ŋ ŋini na e la Kiyoyu mo nɛ e bee leŋ anebiana na to.