Luuk 23:43 - EBƆRƐ BE KAWƆL

⁴³ Ndoŋ nna nɛ Yesu kaŋɛ mo le: “Kashenteŋ nɛ mee kaŋɛ fo na fanɛ kabre ma nɛ fo beeŋ ya kaa wɔ paradisi.”

Luuk 23:43 ပူးပေါင်းရင်းမြစ်များ

Nshɛ 32:5

Nɛ n tuba nseŋ kaŋɛ fo ma alubi kikɛ. M maŋ naŋ ta kulubi kikɛ n ŋana; nɛ fo ta ma alubi kikɛ m paŋ ma.

Nshɛ 50:15

Men shu n tre ma ashi men be etɔrɔ to nɛ n mɔlga menyi, nɛ men bunyaŋ ma.

Aizaaya 53:11

Awurfoŋ nɛ e beeŋ ji na be kaman, e beeŋ naŋ nya kagbenewushi nseŋ pin fanɛ e maŋ gben jiga. Ma kenya nɛ e bee shuŋ ma kagbene koŋwuleso nɛ ma kagbene bee fuli mo so na e naaŋ sɔ basa galeŋga be kasogberge n deŋi mbe kumu so, nɛ ŋ kpal mo so n ta bumo be alubi m paŋ bumo.

Aizaaya 65:24

Pɔɛŋ nɛ baaŋ kule ma kusɔ kama gba nɛ n tiŋ n nu bumo be kekule.

Maika 7:18

O Enyɛnpetale Ebɔrɛ, Ebɔrɛ kikɛ maŋ naa wɔtɔ a du fanɛ fo. Fo e naa ta fo basa be alubi a paŋ bumo. Fo alɛ be agbo maa wɔtɔ a yɔ. Kuwɔrwu e naa fuli fo kagbene.

Luuk 19:10

Ma alɛ Nyiŋgbasa Pibinyɛn ba na nɛ m ba fin basa nseŋ mɔlga bumo ashi bumo be alubi to.”

Luuk 23:42

E ka kaŋɛ loŋ nɛ e kilgi ŋ kaŋɛ Yesu le: “Yesu, fo kaŋ luri fo kuwura na to, fo nyiŋi ma.”

Baru lela nɛ Jɔn kute na 14:3

Ma alɛ kaŋ yɔ n ya lɔŋɛ kaboŋ na n yili menyi n loge, meeŋ naŋ bɛta m ba keta menyi n yɔ ŋ kutɔ, saŋɛ na so kakpa nɛ n wɔ, menyi alɛ gba beeŋ ya kaa wɔ ndoŋ.

Baru lela nɛ Jɔn kute na 17:24

“Etuto, mee sha fanɛ bumo nɛ fo ta m bɔɔ ma enɔ na e ba kaa wɔ kakpa nɛ meeŋ ya kaa wɔ na n tiŋ n wu ma kemaŋkura nɛ fo sa ma ŋkpal fo ka fara a sha ma pɔɛŋ nɛ durnya jɔŋɛ na so.

2 Kɔrintebi 5:8

Anyi maa pɔ aba kikɛ nsaa sha ga fanɛ nɛ an daŋ nya nna an daa beeŋ lar anyi be eyur ere nɛ k la anyi pe ere to nseŋ daŋ ya kaa wɔ epe ashi an Nyɛnpe na kutɔ.

Filipaiebi 1:23

M baŋ ki nna cham a wɔ asɔ anyɔ na to be nferinto, ŋkpal manɛ so, kusɔ nɛ mee sha e la kelar durnya ere to n ya kaa wɔ Kristo kutɔ, kusɔ nɛ k baa bɔ malɛ nna na.

Hibruwebi 7:25

Amoso, e beeŋ tiŋ m mɔlga basa nɛ baa bɔla mo so a yɔ Ebɔrɛ kutɔ naniere nɛ saŋkama, ashi bumo be alubi to, ŋkpal manɛ so, saŋkikɛ e wɔtɔ nna a kule Ebɔrɛ a sa anyi.

Kelaraŋŋini 2:7

Ekama nɛ e kɔ asoe, e baa nu asɔ nɛ Kiyoyu na bee kaŋɛ asɔriana na. Ekama nɛ e kɔ m pɔɔ so, meeŋ sa mo ekpa nɛ e ji ŋkpa be kedibi nɛ k wɔ Ebɔrɛ be kakpa lela nɛ baa tre ndoŋ Paradisi to na be kusɔrso na.’ ”