Luuk 23:4 - EBƆRƐ BE KAWƆL

⁴ Ndoŋ nna nɛ Pailat kaŋɛ bɔrɛmatapowuraana na nɛ jimaŋ na le: “Ma ere maŋ wu kulubi kikɛ kanyɛn ere so.”

Luuk 23:4 ပူးပေါင်းရင်းမြစ်များ

Matiu 27:19

Pailat daŋ kraa tase demujikpa na nna nɛ mbe eche ta le be kubɔya n shoŋi mo: “Lara fo enɔ ashi kanyɛn na be asheŋ to, ŋkpal manɛ so, e la esa lela nna. Ŋ kaŋ ku mbe edare ndre kanyɛso, n ji awurfoŋ ga.”

Maak 15:14

Nɛ Pailat naŋ bishi bumo: “Manɛ nna? Manɛ be kulubi nɛ e wora?” Nɛ b lɔŋɛ m ponte awɔrso ga a chɔ sososo na ŋ kaŋɛ: “Gbir mo m mata kedibi largato so.”

Luuk 23:22

Nɛ e naŋ bishi bumo kela sasopo: “Manɛ nna, manɛ be kulubi nɛ e wora? M maŋ wu kulubi kikɛ mo so nɛ k daga mbe luwu. Amoso, meeŋ shin nɛ b kuya mo so nseŋ yige mo nɛ e yɔ.”

Baru lela nɛ Jɔn kute na 18:38

Nɛ Pailat bishi mo: “Manɛ e la kashenteŋ?” Pailat ka bishi Yesu loŋ nɛ e naŋ lar n yɔ Juwebi na kutɔ n ya kaŋɛ bumo le: “Ma ere maŋ wu shɛŋ mo so nɛ k daga b ka gberge mo kusoe.

Ashuŋ Shunso 25:25

Ama ma alɛ maaŋ tiŋ n wu kusɔ nɛ e wora n daga luwu be kasogberge. Mo alɛ naŋ kule fanɛ n shin nɛ Romebi be ewurgboŋ na gbagba e keni mbe demu na to, amoso, meeŋ shin nɛ b yɛr mo ndoŋ.

Ashuŋ Shunso 3:13

An nananyɛnana Eebraham nɛ Aizek nɛ Jeekɔb nɛ anyi be kanaŋ to ebi kikɛ be Ebɔrɛ na e sa mbe Kenya Yesu kemaŋkura. Mo nɛ men daŋ ta m bɔɔ belempo enɔ nseŋ kini mo Pailat be anishito, saŋɛ nɛ Pailat gbagba daa sha keyige mo na.

Hibruwebi 7:26

Amoso, mo e la bɔrɛmatapo nimuso nɛ e beeŋ tiŋ ŋ keni anyi be asheŋ to nɛnɛ n sa anyi. Mo e du cheembi nɛ shɛŋ maŋ gbiti mo, kulubi kama malɛ maŋ wɔ mo to. Ebɔrɛ lara mo nna nɛ e maŋ wɔ alubiworapoana to nseŋ maŋ mo so n yɔ esoso a chɔ awɔlpa so.

1 Pita 1:19

Kristo nɛ e du fanɛ kpakpafɔlbi a maŋ dulgi kikɛ na ŋko nɛ saŋgre kikɛ maŋ wɔ mo to na be ŋklaŋ nɛ b ta n sɔ menyi n yige.

1 Pita 2:22

E daa maŋ wora kulubi kikɛ, kafulesheŋ malɛ kikɛ daa maŋ lar mbe kɔnɔ to.

1 Pita 3:18

Ŋkpal manɛ so, Kristo gba wu kela koŋwule nna pati, ŋkpal basa be alubi so, esa nɛ e maŋ kɔ kulubi e wu n sa basa lubi na, saŋɛ na so e beeŋ yɛra menyi Ebɔrɛ kutɔ. B daŋ mɔ mbe eyur, ama Ebɔrɛ shin nɛ e nya ŋkpa ashi mbe Kiyoyu na to.