Luuk 23:35 - EBƆRƐ BE KAWƆL

³⁵ Ndoŋ nna nɛ basa ba yili ndoŋ a keni mo nɛ benimuana na bee wora mo eyurto a kaŋɛ mo le: “Men keni, e mɔlga basa pɔtɛ, men shin nɛ e mɔlga mo gbagba be kumu nɛ an keni ŋko kashenteŋ nɛ e la Kristo nɛ Ebɔrɛ be esa laraso na a.”

Luuk 23:35 ပူးပေါင်းရင်းမြစ်များ

Nshɛ 22:17

Meeŋ tiŋ ŋ karga ma awibi kikɛ, nɛ ma doŋana mɛrge anishi n yuu ma so a keni nsaa mushe ma.

Nshɛ 35:15

Ama asheŋ ka tu ma ere bumo be ŋgbene fuli bumo nna nɛ b shɛr a wora ma eyurto. Nɛ befɔ kulti ma n wɔtɔ a bri ma, nɛ b la ma to.

Nshɛ 4:2

Saŋɛ mo nɛ menyi basa ere beeŋ yige ma katege? Saŋɛ mo nɛ menyeeŋ yige asheŋ fuloŋ be kasha, nɛ kebaaju a buu efɛ so?

Nshɛ 69:26

Ŋkpal manɛ so, baa malga nna a gbiti basa nɛ fo gberge kusoe na; nɛ bumo be ŋkuli bee tɔrɔ basa nɛ fo doro na.

Nshɛ 71:11

B yɛ: “Ebɔrɛ kini mo n lɛ; men shin nɛ an ju m bɛ so n ya pɛ mo, ŋkpal manɛ so, esa kikɛ maŋ wɔtɔ nɛ e kɔ m mɔlga mo.”

Aizaaya 42:1

Enyɛnpe Ebɔrɛ na yɛ: “Ma kenya nde, ma e naa sa mo eleŋ. Mo e la esa nɛ n lara, nɛ ma kagbene bee fuli mo so. N ta ma Kiyoyu nna n sa mo, nɛ e bar keji asheŋ nɛ amo be ekpa so ashi efuliana so.

Aizaaya 49:7

Israɛl be basa, ma e la Enyɛnpe menyi be Ebɔrɛ cheembi na. Ma alɛ e la menyi be emɔlgapo! Men daa la anya nna n sa efuli pɔtɛana be bewura nɛ baa keni menyi jiga. Naniere kɔnɔ nɛ mee nase a sa menyi nde: “Bewurjipo nɛ kenimujiana beeŋ gbir m bunyaŋ menyi. Menyeeŋ tiŋ n yirda ma! Ŋkpal manɛ so, ma e la Enyɛnpe menyi be Ebɔrɛ nɛ menyi alɛ la ma basa laraso.”

Aizaaya 53:3

Ekama daŋ keni mo jiga nna nseŋ kini mo n lɛ. Kagbenejija nɛ ebesa damta e daŋ bɔlɔ mo to, nɛ mo alɛ ji kanyiti nseŋ sɔ amo kikɛ n deŋi mbe kumu so. Ekama daa maa sha kewu mo kenishiso gba. B daŋ wu mo nna fanɛ esa jiga.

Nfabel 3:14

Ŋ ki fanɛ kemɔmɔshia be kusɔ nna n sa ekama, saŋkikɛ basa bee mushe ma nsaa wora ma eyurto nna.

Zakareya 12:10

Ma, Enyɛnpe Ebɔrɛ na beeŋ shin nɛ kuwɔrwu nɛ kabɔrɛkule be kiyoyu e gbelge m ba ewura Deevid be kamanebi nɛ basa nɛ b wɔ Jerusalɛm to na kikɛ so. Baaŋ to kenishi n wu esa nɛ b da mo kekpa m mɔ na nseŋ shu mbe keeli fanɛ kananɛ baa shu ebi koŋwule be keeli na, nseŋ wora kuwɔr be asheŋ fanɛ esa nɛ e paŋ mbe wurkoŋnyɛn na.

Matiu 12:18

E yɛ: “Ma kenya nɛ ma kagbene fuli mo so nɛ mee sha mo nseŋ lara nde. Meeŋ ta ma Kiyoyu n wɔtɔ mo to nɛ e kaŋɛ basa kananɛ Ebɔrɛ bee ji edemu be asheŋ.

Matiu 3:17

Kumo be kaman nɛ ebɔl shi esoso ŋ kaŋɛ le: “M Pibinyɛn shaso nɛ ma kagbene bee fuli mo so ga nde.”

Luuk 16:14

Efarisiana na ka daa sha amansherbi ga so, b ka nu asheŋ na kikɛ nɛ b wora mo eyurto.

Luuk 23:13

Ndoŋ nna nɛ Pailat tre bɔrɛmatapowuraana na nɛ benimuana na nɛ jimaŋ na kikɛ m ba shɛr

Luuk 23:39

Beyu anyɔ nɛ b daŋ gbir m mata ndibi largatoana so n ti mo so na be eko daŋ tege mo nna ŋ kaŋɛ: “Fo e la Kristo na, amoso, mɔlga fo kumu nseŋ mɔlga anyi alɛ gba.”

1 Pita 2:4

Men baa ba Enyɛnpe nɛ e bee sa ŋkpa na kutɔ. Mo e du fanɛ kejembu nɛ k kɔ ŋkpa nɛ basa keni jiga ŋ kini mo na, ama Ebɔrɛ bre kutɔ, e la mbe esa laraso nɛ mbe kenishi nna.