Luuk 23:33 - EBƆRƐ BE KAWƆL

³³ B ka ba fo kakpa nɛ baa tre Kumuwibi be Kakpa na nɛ b ta mo nɛ beyu anyɔ na ŋ gbir m mata ndibi largato so. Beyu anyɔ na be ekoŋwule daa wɔ mbe jisoso nna nɛ ekoŋwule malɛ daa wɔ mbe bena so.

Luuk 23:33 ပူးပေါင်းရင်းမြစ်များ

Nshɛ 22:16

Basa lubi be katuŋ kulti ma nna n wɔtɔ fanɛ njɔnɔ, a chɛ a far ma aya nɛ enɔana.

Zakareya 12:10

Ma, Enyɛnpe Ebɔrɛ na beeŋ shin nɛ kuwɔrwu nɛ kabɔrɛkule be kiyoyu e gbelge m ba ewura Deevid be kamanebi nɛ basa nɛ b wɔ Jerusalɛm to na kikɛ so. Baaŋ to kenishi n wu esa nɛ b da mo kekpa m mɔ na nseŋ shu mbe keeli fanɛ kananɛ baa shu ebi koŋwule be keeli na, nseŋ wora kuwɔr be asheŋ fanɛ esa nɛ e paŋ mbe wurkoŋnyɛn na.

Matiu 20:19

nseŋ kilgi n ta ma m bɔɔ nnyamase enɔ nɛ b wora ma eyurto ŋ kuya ma so nseŋ ta ma ŋ gbir m mata kedibi largato so. Ama kumo be nchɛ asa to meeŋ tiŋi luwu na to.”

Matiu 26:2

“Men nyi fanɛ a ka nchɛnnyɔ nɛ Kebansonchoŋ be kejigboŋ na e fo, kumo be saŋɛ na so baaŋ ta ma, Nyiŋgbasa Pibinyɛn m bɔɔ basa enɔ nɛ b gbir ma m mata kedibi largato so m mɔ.”

Luuk 24:7

fanɛ a daga b ka ta mo, Nyiŋgbasa Pibinyɛn m bɔɔ alubiworapoana enɔ nɛ b gbir mo m mata kedibi largato so nɛ e tiŋi kumo be kachɛ sasopo to na.”

Baru lela nɛ Jɔn kute na 18:32

Le be asheŋ ere daŋ wora nna nɛ asheŋ nɛ Yesu daŋ malga a laŋɛ luwu nɛ e daa beeŋ wu na be kaplɛa so na e bɔlɔ so.

Baru lela nɛ Jɔn kute na 3:14

Kananɛ anebi Mosis daŋ kre danyaŋ be kabulpi nɛ k du fanɛ kuwɔ ashi kiyi to m mata kedibi nseŋ maŋ kumo so n yili na, loŋ gbagba na nɛ a daga fanɛ b maŋ Nyiŋgbasa Pibinyɛn na gba so.

Ashuŋ Shunso 13:29

B ka wora asɔ nɛ abɔrɛsibɛ na kaŋɛ fanɛ baaŋ wora mo na n loge, nɛ b lara mo kedibi largato na so n ta mo n wɔtɔ kejembulaŋ kurso ko to.

Ashuŋ Shunso 2:23

Ebɔrɛ gbagba be kasha nɛ kashennyi so nɛ e daŋ yili kumo saŋɛ na kikɛ fanɛ baaŋ ta Yesu m bɔɔ menyi enɔ. Menyi shin nɛ basa lubi gbir mo m mata kedibi largato so m mɔ.

Ashuŋ Shunso 5:30

An nanaana be Ebɔrɛ e daŋ shin nɛ Yesu nɛ men daŋ gbir mo m mata kedibi largato so m mɔ na tiŋi luwu na to.

Galeeshaebi 3:13

Ama Kristo sɔ anyi ashi kɔnɔso nɛ mbra na bee bar na to nna n yige. E yili anyi be katelamu to nna n shin nɛ b so mo gbagba kɔnɔ n sa anyi, ŋkpal manɛ so, le nɛ abɔrɛsibɛ na bee kaŋɛ: “Ebɔrɛ be kɔnɔso wɔ esa kama nɛ baa ta a shiga kedibi so nna.”

Ditɛronɔmi 21:23

a maŋ daga kebuni na ka shiga kedibi na so hale nɛ kare a chɛ kumo so. A daga fanɛ b puli kumo kamɔnchɛ na kikɛ, ŋkpal manɛ so, kebuni be kebaasha kedibi so bee gberge Ebɔrɛ be kɔnɔsho a ba kasawule na so nna. Amoso men baa puli basa nɛ baa chɛ a shiga ndibi so a mɔ na, saŋɛ na so menyi maaŋ jija kasawule nɛ Enyɛnpe menyi be Ebɔrɛ na ta a sa menyi na.

1 Pita 2:24

Mo ere gbagba e ta mbe eyur n ta an be alubi n yɔ kedibi largato na so nɛ an baa la basa nɛ b wu alubi be kaplɛa so nsaa wɔtɔ ŋkpal alelasheŋ so. Mbe eyur be kemurgi so nɛ men nya kechɛ.