Luuk 23:25 - EBƆRƐ BE KAWƆL

²⁵ n shin nɛ b lara kanyɛn nɛ b daŋ ti ebu ŋkpal e ka daŋ fur basa n wɔtɔ kumuleŋ to nɛ b kɔ ewura be eleŋ ashi kelantokɔ to m mɔ esa na so ashi kabuti na to. Ŋkpal manɛ so, mo nɛ b daŋ kule Pailat fanɛ e lara n sa bumo. Amo be kaman nɛ e yige Yesu bre n sa bumo fanɛ b wora mo kusɔ nɛ baa sha.

Luuk 23:25 ပူးပေါင်းရင်းမြစ်များ

Ɛsta 3:11

nseŋ kaŋɛ mo le: “Basa na nɛ bumo be amansherbi kikɛ la fo peya nna; amoso wora bumo kusɔ kama nɛ k par fo.”

Matiu 27:26

Ndoŋ nna nɛ Pailat lara Barabas n sa bumo ŋkeŋ shin nɛ b kuya Yesu so nseŋ ta mo m bɔɔ basa na enɔ fanɛ b ya gbir mo m mata kedibi largato so.

Maak 15:15

Pailat daa maa sha keda jimaŋ na so, amoso, e daŋ lara Barabas nna n sa bumo nseŋ shin nɛ b kuya Yesu so nseŋ ta mo m bɔɔ basa na enɔ fanɛ b ya gbir mo m mata kedibi largato so.

Luuk 23:2

n ya kaŋɛ mo fanɛ le be alubi nɛ Yesu wora. B yɛ: “An wu fanɛ kanyɛn ere wɔtɔ nna a wul anyi be efuli ere so ebi to nsaa kaŋɛ anyi fanɛ an sa maa ka lampo a sa Romebi be ewurgboŋ Siza nseŋ naa wɔtɔ a tre mo gbagba be kumu Kristo nɛ e la ewura na.”

Luuk 23:24

Ndoŋ nna nɛ Pailat shuli n sa bumo

Luuk 23:26

B ka kɔ mo a yɔ nɛ b ya nyaŋ Sairini be kanyɛn ko nɛ baa tre Saimɔn nɛ e shi adɔ to a luri kade to n tintiŋ mo nɛ e sulɔ Yesu be kedibi largato na m bɛ Yesu so.

Luuk 23:5

Nɛ b kini nseŋ kaŋɛ: “E ta mbe asheŋ ŋiniso nna a wɔ Judiya be efuli so kikɛ a ŋini basa nsaa fur bumo a wɔtɔ kumuleŋ to. Hale Galili kikɛ nɛ e yili n wora loŋ m ba fo nfe.”

Baru lela nɛ Jɔn kute na 18:40

Ndoŋ nna nɛ b ponte awɔrso ŋ kaŋɛ: “Ayai, mannɛ mo nɛ anyee sha. Barabas nɛ anyee sha.” Barabas ere daa kɔ ewura be eleŋ nna kelantokɔ to.

Baru lela nɛ Jɔn kute na 19:16

Ade kikɛ be kaman nɛ Pailat ta mo m bɔɔ bumo enɔ fanɛ b ya gbir mo m mata kedibi largato so.

Ashuŋ Shunso 3:14

Esa cheembi nɛ Esa Lela e daa la mo ama men kini mo nseŋ kule Pailat fanɛ e sɔ emɔpo n yige n sa menyi.

1 Samuɛl 12:13

Ewura nɛ men lara na nde. “Menyi e kule fanɛ menyee sha ewura nɛ Enyɛnpe Ebɔrɛ lara mo n sa menyi.