Luuk 23:2 - EBƆRƐ BE KAWƆL

² n ya kaŋɛ mo fanɛ le be alubi nɛ Yesu wora. B yɛ: “An wu fanɛ kanyɛn ere wɔtɔ nna a wul anyi be efuli ere so ebi to nsaa kaŋɛ anyi fanɛ an sa maa ka lampo a sa Romebi be ewurgboŋ Siza nseŋ naa wɔtɔ a tre mo gbagba be kumu Kristo nɛ e la ewura na.”

Luuk 23:2 ပူးပေါင်းရင်းမြစ်များ

1 Bewura 18:17

Ewura Ahab ka wu Elaija nɛ e kaŋɛ mo le: “Fo e la Israɛl kikɛ be asheŋwura na ŋko?”

Nshɛ 35:11

Belubiworapo bee ku efɛ a ji shɛda a gbiti ma. Baa ku ma kɔnɔ a kaŋɛ fanɛ n wora asɔ nɛ m maŋ nyi amo be asheŋ gba.

Nshɛ 62:4

Menyee fin kananɛ menyee lara mo ashi mbe kemaŋkura be eyilikpa nna. Efɛ nawule nɛ menyee kuu. Nɛ mmalga lela lar menyi be nnɔ to gba, kekishi nɛ shoduu e bɔlɔ men be ŋgbene bre to.

Jɛremaya 20:10

Mee nu ekama ka bee kuli a kaŋɛ le: “Kufugboŋ e sɔ kaplɛkama! Amoso men shin nɛ an potii Jɛremaya n sa benimuana na!” N teri kpakpasoana gba bee jo nna nɛ n wora n da so. Kusɔ nɛ baa kaŋɛ e la fanɛ: “Ashere esa beeŋ tiŋ n fule Jɛremaya nɛ e wora n da so nɛ an nya mo m pɛ ŋ ka mo kukɔ.”

Jɛremaya 38:4

Ndoŋ nna nɛ ewurkpa be ekrachi na yɔ ewura kutɔ n ya kaŋɛ mo le: “Kanyɛn ere daga luwu. Kananɛ e bee malga ere beeŋ tiŋ n shin nɛ esoji na e pɔ aba nsaa maŋ naa kɔ kenyɛn. Kumo kesheŋ koŋwule na nɛ e bee wora ekama nɛ e wɔ kadegboŋ na to na. Mannɛ fanɛ basa na be kechɛto so nɛ e bee wora loŋ, ama e bee tɔrɔ bumo nna na.”

Eemɔs 7:10

Le be kubɔya nɛ Amaziya nɛ e la Bɛtɛl be bɔrɛmatapo na daŋ ta n sa Jeroboam nɛ e la Israɛl be ewura na. E yɛ: “Eemɔs bee kre menyi ŋkre lubi nna ashi Israɛlebi be kasawule so. Mbe mmalga gba nawule beeŋ tiŋ m mur efuli na kikɛ.”

Zakareya 11:8

Kufɔl koŋwule to nɛ n nya agbo n ju mbolpɔkpapo asa ko nɛ b daŋ kishi ma asheŋ ga na.

Matiu 17:27

Ama ŋkpal a ka maŋ daga an ka fɛl bumo na so, yɔ kepagboŋ na to n ya lɛ dariwa m bugi kɔrɔtɔ nɛ feeŋ fara m pɛ na be kɔnɔ to. Feeŋ nya kemansherbi kumo to. Lara kumo n ya ka ma nɛ fo be lampo.”

Matiu 22:21

Nɛ basa na kaŋɛ: “Ewurgboŋ Siza peya.” Nɛ Yesu kaŋɛ bumo: “To, kumo ere, men baa ta asɔ nɛ a la Ewurgboŋ Siza peya a sa mo nsaa ta Ebɔrɛ malɛ peya a sa mo.”

Matiu 27:11

B ka bar Yesu m ba yili Gomena Pailat be anishito nɛ e bishi mo le: “Fo e la Juwebi be Ewura na a?” Nɛ Yesu shuli so ŋ kaŋɛ mo le: “Loŋ gbagba nɛ fo yɛ na.”

Maak 12:17

Nɛ Yesu kaŋɛ bumo: “To, kumo ere men baa ta asɔ nɛ a la Ewurgboŋ Siza peya a sa mo nsaa ta Ebɔrɛ malɛ peya a sa mo.” B ka nu loŋ nɛ k chinchiŋ bumo ga.

Maak 15:2

Nɛ Pailat bishi mo: “Fo e la Juwebi be Ewura na a?” Nɛ Yesu shuli so ŋ kaŋɛ: “Loŋ gbagba nɛ fo yɛ na.”

Luuk 23:14

ŋ kaŋɛ bumo le: “Men yɛ kanyɛn nɛ men bar ma na la esa lubi nna a wɔtɔ a fur basa a wɔtɔ kumuleŋ to. Ma alɛ ka yili menyi kikɛ be anishito nfe ŋ keni mbe demu na to m maŋ wu alubi nɛ men kaŋɛ fanɛ e wora na be kekama mo so.

Luuk 23:5

Nɛ b kini nseŋ kaŋɛ: “E ta mbe asheŋ ŋiniso nna a wɔ Judiya be efuli so kikɛ a ŋini basa nsaa fur bumo a wɔtɔ kumuleŋ to. Hale Galili kikɛ nɛ e yili n wora loŋ m ba fo nfe.”

Baru lela nɛ Jɔn kute na 18:29

Amoso, Gomena Pailat daŋ lar nna m ba bumo kutɔ m ba bishi bumo le: “Nuso be kulubi nɛ men wu kanyɛn ere so?”

Baru lela nɛ Jɔn kute na 18:30

Ndoŋ nna nɛ b kaŋɛ Pailat: “E daa maŋ la alubiworapo nna, an daa maaŋ ta mo m ba bɔɔ fo enɔ.”

Baru lela nɛ Jɔn kute na 19:12

Pailat ka nu kesheŋ na nɛ e wora ania nɛ e shin nɛ Yesu e nya mbe kumu a yɔ, ama Juwebi na daa maŋ shuli nsaa ponte a kaŋɛ le: “Fo baŋ shin nɛ kanyɛn ere nya mbe kumu n yɔ jiga, kumo ere mannɛ fo teri e la Ewurgboŋ Siza, ŋkpal manɛ so, esa kama nɛ e bee tre mbe kumu ewura bee kɔ Ewurgboŋ Siza be eleŋ nna na.”

Ashuŋ Shunso 24:13

Bumo alɛ maŋ kɔ shɛŋ nɛ b ta ŋ ŋini fo fanɛ asheŋ nɛ baa malga ere la kashenteŋ nna.

Ashuŋ Shunso 24:5

An wu fanɛ kanyɛn ere la esa lubi nɛ kabɔlarwura nna. E wɔtɔ nna a yɔ kaplɛkama n ya kaa ta Juwebi a wɔtɔ kebagato to nseŋ naa la basa nɛ baa tre bumo be amu Nazarinebi be katuŋ na to be enimu.

Romebi 13:7

Amoso, men baa ka akɔ kama nɛ men ji bumo. Nɛ k la fanɛ menyi be amu so be lampo nna, men ka, nɛ kumo alɛ naa la fanɛ menyi be asɔ be lampo nna, men ka amo alɛ gba be kukɔ. Nɛ k naa la fanɛ bunyaŋ nna, men jɔŋɛ bumo ase m bunyaŋ bumo.