Luuk 22:52 - EBƆRƐ BE KAWƆL

⁵² Nɛ Yesu bishi bɔrɛmatapowuraana na nɛ bɔrɛlambu to be benimuana na nɛ kade na to be benimuana na nɛ b daŋ ba nɛ b ba pɛ mo na: “Men ta etokobi nɛ mprɛ nna m ba nɛ men ba pɛ ma fanɛ eyu a?

Luuk 22:52 ပူးပေါင်းရင်းမြစ်များ

2 Bewura 11:15

Jehowada daa maa sha b ka mɔ ewurche Atalia bɔrɛlambu na ase, ŋkpal loŋ so, e daŋ tre benapo be benimuana na nna ŋ kaŋɛ bumo le: “Men ta mo m bɔla bekumpo na to n yɔ. Esa kama malɛ nɛ e kaŋ pɛl a sha kesɔ mo n yige, men mɔ amodoŋwura.”

Matiu 26:47

E kraa malga nna nɛ bebɛsopo kuduanyɔ na to be emo nɛ baa tre Judas na ba ndoŋ. Nɛ jimaŋ damta ko keta etokobi nɛ mprɛ m bɛ mo so. Bɔrɛmatapowuraana na nɛ basa na be benimu e daŋ shuŋi bumo.

Matiu 26:55

Jemanɛ na so nɛ Yesu bishi jimaŋ na le: “Men ta etokobi nɛ mprɛ nna m ba nɛ men ba pɛ ma fanɛ eyu a? Ma nɛ menyi e daa la bɔrɛlambu na to kachɛ kama nɛ mee ŋini abɔrɛsheŋ na, ama men maŋ pɛ ma.

Luuk 22:37

Ŋkpal manɛ so, ma e kaŋɛ menyi na fanɛ abɔrɛsibɛ nɛ a bee kaŋɛ fanɛ b ta ma n ti alubiworapoana so na daga kebɔla ekpa, ŋkpal manɛ so, asɔ nɛ b sibɛ a malga ma asheŋ na kikɛ bee bɔla ekpa nna na.”

Luuk 22:4

nɛ e yɔ bɔrɛmatapowuraana na nɛ bɔrɛlambu to be benimuana na kutɔ nɛ b ya kre kananɛ e beeŋ wora n debɔr Yesu n sa bumo be nia.

Luuk 22:51

Nɛ Yesu kaŋɛ mo: “A kukwe, men sa maŋ naŋ ŋe n ti so.” Kumo be kaman nɛ e beta kenya na be kusoe na n chɔga mo so.

Luuk 22:53

Ma nɛ menyi e daa la bɔrɛlambu na to kachɛ kama nɛ men daa maŋ beta ma. Ama naniere bre menyi be saŋɛ nna nɛ tentembiri e ŋini kumo be eleŋ.”

Baru lela nɛ Jɔn kute na 17:12

Ŋ ka daa wɔ bumo kutɔ na fo ketre nɛ fo sa ma na be eleŋ na nɛ n daa ta a keni bumo so nsaa kuŋ bumo ashi kulubi to. Bumo be ekama maŋ foe ekpa she emo nɛ e chɛr a beeŋ foe na, saŋɛ na so abɔrɛsibɛ na be kamalga na beeŋ bɔlɔ.

Ashuŋ Shunso 5:26

Nɛ enimu na shin nɛ mo nɛ mbe beshumpo na naŋ ya bar beshuŋipo na. B daa maŋ ta katiŋ m pɛ bumo, ŋkpal manɛ so, b daa lɔ kufu nna fanɛ basa na beeŋ kpa bumo ajembu m mɔ.