Luuk 22:40 - EBƆRƐ BE KAWƆL

⁴⁰ E ka fo ndoŋ nɛ e kaŋɛ bumo le: “Men baa kule Ebɔrɛ fanɛ men maaŋ luri kechɔŋkeni to.”

Luuk 22:40 ပူးပေါင်းရင်းမြစ်များ

1 Kronikɛls 4:10

Ama Jabez daŋ kule Israɛl be Ebɔrɛ na nna ŋ kaŋɛ le: “Ebɔrɛ, nɛfa ma nseŋ shin nɛ ma kasawule e wora keshi ga. Baa wɔ ŋ kutɔ nsaa kuŋ ma ashi kulubi to, saŋɛ na so ebesa maaŋ ba ma so.” Nɛ Ebɔrɛ wora kusɔ nɛ e kule na gbagba n sa mo.

Nshɛ 119:133

Sa maŋ shin nɛ n tɔr fanɛ kananɛ fo nase kɔnɔ na, fo alɛ e sa maŋ shin nɛ kulubi e pɔɔ ma so.

Nshɛ 17:5

Saŋɛ kikɛ mee nite fo ekpa to nna. M maa kple kumo kikɛ.

Nshɛ 19:13

Nseŋ pete ma ashi alubi be kekute n wora to. Sa maŋ shin nɛ loŋ be alubi e pɔɔ ma so. Saŋɛ na so ma nfɛra maaŋ ji m bri ma nɛ n ji n lar alubi to.

Matiu 6:13

Sa maŋ shin nɛ an luri kechɔŋkeni to, ama pete anyi ashi alubipo na kutɔ. [Ŋkpal manɛ so, Kuwurgboŋ nɛ eleŋ nɛ kemaŋkura la feya nna hale mbaanaayɔ. Amɛn.]’

Luuk 11:4

Ta anyi be alubi m paŋ anyi, ŋkpal manɛ so, anyi alɛ gba ta m paŋ ekama nɛ e wora n da anyi so. Sa maŋ shin nɛ an luri kechɔŋkeni to.’ ”

Luuk 22:46

Nɛ e bishi bumo le: “Manɛ e ba nɛ menyee di? Men koso a kule Ebɔrɛ fanɛ men maaŋ luri kechɔŋkeni to.”

1 Pita 4:7

Asɔ kikɛ be ekar be jemanɛ na bee taga to nna na, amoso, men baa kɔ nfɛra niŋiso nsaa tiŋ men be amu, saŋɛ na so menyeeŋ tiŋ ŋ kule Ebɔrɛ nɛnɛ.

Kelaraŋŋini 3:10

Ŋkpal men ka bɛ kusɔ nɛ ŋ kaŋɛ menyi fanɛ men baa yili to kanyitiso na so so, ma alɛ gba beeŋ kuŋ menyi ashi kechɔŋkeni be jemanɛ mo nɛ k bee ba durnyaebi kikɛ so m ba wora basa nɛ b wɔ kasawule so kikɛ ŋ keni na.