Luuk 22:37 - EBƆRƐ BE KAWƆL

³⁷ Ŋkpal manɛ so, ma e kaŋɛ menyi na fanɛ abɔrɛsibɛ nɛ a bee kaŋɛ fanɛ b ta ma n ti alubiworapoana so na daga kebɔla ekpa, ŋkpal manɛ so, asɔ nɛ b sibɛ a malga ma asheŋ na kikɛ bee bɔla ekpa nna na.”

Luuk 22:37 ပူးပေါင်းရင်းမြစ်များ

Aizaaya 53:12

Amoso meeŋ sa mo kemaŋkuragboŋ nɛ eleŋgboŋ. E shuli so n ta mbe kumu n lara sarga, nseŋ yili alubiworapoana damta be aya to ŋ kule alubi be ketampaŋ n sa bumo.”

Maak 15:27

B daŋ gbir beyu anyɔ ko gba m mata ndibi largatoana so n ti mo so, ekoŋwule daa wɔ mbe jisoso nɛ ekoŋwule malɛ daa wɔ mbe bena so.

Maak 15:28

Kumo be loŋ e daŋ shin nɛ abɔrɛsibɛ na bɔla ekpa fanɛ, b ta mo n ti alubiworapoana so.

Luuk 18:31

Saŋko Yesu keta mbe bebɛsopo na n lar ekarso ŋ kaŋɛ bumo le: “Men keni, anyee yɔ Jerusalɛm nna nɛ asɔ nɛ anebiana na wu ma, Nyiŋgbasa Pibinyɛn be asheŋ n sibɛ n nase na kikɛ e ya bɔla ekpa.

Luuk 22:22

Ma, Nyiŋgbasa Pibinyɛn bee yɔ luwu to fanɛ kananɛ b nase kumo abɔrɛsibɛ na to na, ama asheŋ maaŋ nyalɛ n sa emo nɛ e beeŋ debɔr ma na kikɛ.”

Luuk 22:36

Nɛ e kaŋɛ bumo: “To, naniere bre, ekama nɛ e kɔ kɔlgu ŋko adiiku, e ta kumo. Nɛ ekama malɛ nɛ e maŋ kɔ tokobi e fa mbe kusɔbuuso n ta amansherbi na n tɔ kuko.

Luuk 22:52

Nɛ Yesu bishi bɔrɛmatapowuraana na nɛ bɔrɛlambu to be benimuana na nɛ kade na to be benimuana na nɛ b daŋ ba nɛ b ba pɛ mo na: “Men ta etokobi nɛ mprɛ nna m ba nɛ men ba pɛ ma fanɛ eyu a?

Luuk 23:32

B daŋ ta beyu anyɔ ko nna n ti mo so a yɔ nɛ b ya gberge bumo kusoe m mɔ bumo.

Luuk 24:27

Ndoŋ nna nɛ e fara Mosis be abɔrɛsibɛ to m bugi asɔ nɛ a bee malga mo gbagba be asheŋ kikɛ to ŋ kaŋɛ bumo loŋ hale n ya bɔla anebiana na kikɛ be abɔrɛsibɛana to nyam.

Baru lela nɛ Jɔn kute na 10:35

To, an nyi abɔrɛsibɛ na ka maa chɛrga kikɛ. Amoso, a ka kaŋɛ fanɛ Ebɔrɛ tre basa mo nɛ mbe kamalga ba bumo to ebɔrɛana ere,

Baru lela nɛ Jɔn kute na 17:4

M maŋkura fo kasawule ere to, ŋkpal manɛ so, n wora kushuŋ nɛ fo ta m bɔɔ ma enɔ fanɛ n wora na kikɛ.

2 Kɔrintebi 5:21

Anyi so nɛ Ebɔrɛ shin nɛ mo ere, esa nɛ e maŋ nyi kulubi na ki kulubi, saŋɛ na so mo so nɛ anyeeŋ ki Ebɔrɛ be anishito be belelapo.

Galeeshaebi 3:13

Ama Kristo sɔ anyi ashi kɔnɔso nɛ mbra na bee bar na to nna n yige. E yili anyi be katelamu to nna n shin nɛ b so mo gbagba kɔnɔ n sa anyi, ŋkpal manɛ so, le nɛ abɔrɛsibɛ na bee kaŋɛ: “Ebɔrɛ be kɔnɔso wɔ esa kama nɛ baa ta a shiga kedibi so nna.”