Luuk 22:32 - EBƆRƐ BE KAWƆL

³² ama ŋ kule Ebɔrɛ n sa fo fanɛ fo yirda e tiŋ a kɔ fo to kpakpa a yil. Nɛ fo alɛ ka baŋ lar loŋ be kebaawɔtɔ na to, fo leŋ fo kurgepoana na to.”

Luuk 22:32 ပူးပေါင်းရင်းမြစ်များ

Matiu 18:3

nseŋ kaŋɛ bumo: “Ma e kaŋɛ menyi kashenteŋto na fanɛ nɛ men baŋ maŋ chɛrga a du fanɛ mbibi, men maaŋ luri ebɔrɛso be kuwura na to kikɛ.

Matiu 26:75

Epul na to nɛ koshinyɛn boŋ nɛ Pita nyiŋi kusɔ nɛ Yesu daŋ kaŋɛ mo fanɛ: “Pɔɛŋ nɛ koshinyɛn e boŋ, feeŋ chɛ ale asa ŋ kaŋɛ fanɛ fo maŋ nyi ma.” Ndoŋ nna nɛ e lar kowu n ya shu ga.

Maak 14:72

Epul na to nɛ koshinyɛn boŋ kela nyɔsopo. Ndoŋ nna nɛ Pita nyiŋi kusɔ nɛ Yesu kaŋɛ fanɛ: “Pɔɛŋ nɛ koshinyɛn e boŋ ale anyɔ, feeŋ chɛ ale asa ŋ kaŋɛ fanɛ fo maŋ nyi ma na.” Nɛ e fara a shu.

Maak 16:7

To, men bɛta n ya kaŋɛ mbe bebɛsopo nɛ Pita gba fanɛ e juŋkpar menyi n choŋ Galili. Menyeeŋ ya wu mo ndoŋ fanɛ kananɛ e kaŋɛ menyi na.”

Luuk 8:13

Asɔ duuso nɛ a tɔr kejasawule so na du fanɛ basa nɛ baa nu kamalga na nsaa sɔ kumo nɛ kagbenefuli na nna. Ama k maa luri bumo to nɛnɛ, amoso, b maa yirda a yɔ kufɔ. Kechɔŋkeni be jemanɛ baŋ ya fo nɛ b bɛ so ŋ gben.

Baru lela nɛ Jɔn kute na 14:19

A ka gbrɛbi nɛ durnya ere to ebi maaŋ naŋ wu ma, ama menyi ere beeŋ wu ma, ma alɛ ka wɔ ŋkpa to ere, menyi alɛ gba beeŋ baa wɔ ŋkpa to.

Ashuŋ Shunso 3:19

Amoso, men lar menyi be alubi to nseŋ bɛta m ba Ebɔrɛ kutɔ nɛ e kpra menyi be alubi kikɛ n lɛ.

Romebi 8:32

Esa nɛ e maŋ mɔn anyi mo gbagba Pibinyɛn nseŋ ta mo m bɔɔ basa enɔ ŋkpal anyi kikɛ so na, manɛ nna nɛ e maaŋ bugi kagbene n sa anyi kusɔ kikɛ n ti mo Pibi so?

Romebi 8:34

Esa ko malɛ naa wɔtɔ nna nɛ e tiŋ n ji m bri bumo a? Kristo Yesu e la emo nɛ e wu, mo alɛ nseŋ naa la emo nɛ Ebɔrɛ tiŋi ashi luwu to nɛ e ya kaa tase Ebɔrɛ be jisoso, ebunyampo be kakpa a kule Ebɔrɛ a sa anyi na.

2 Timoti 2:18

B foe kashenteŋ be ekpa na so ŋkpal b ka wɔtɔ a ŋini fanɛ basa be ketiŋi luwu to be jemanɛ na choŋ na so so. Baa wul basa ko to ashi bumo be yirda na to nna na.

Taites 1:1

Kawɔl ere shi ma Pɔɔl nɛ n la Ebɔrɛ be kenya nɛ Yesu Kristo be eshuŋipo na kutɔ nna. B shuŋi ma nna nɛ m ba shin nɛ Ebɔrɛ be basa laraso be yirda e wora keshi n ti so nɛ loŋ e shin nɛ b baa kɔ kabɔrɛŋana bumo to nseŋ naa pin kashenteŋ nɛ anyi be kabɔrɛbɛso ere bee ŋini

Hibruwebi 12:15

Men baa de so nɛ ekama e sa maŋ kaŋ lar Ebɔrɛ be kuwɔr be kakɛ na to nseŋ naa de so nɛ kekishi be nfɛra kama e sa maŋ luri menyi to n wul basa damta to n jija bumo be kebaawɔtɔ.

Hibruwebi 7:25

Amoso, e beeŋ tiŋ m mɔlga basa nɛ baa bɔla mo so a yɔ Ebɔrɛ kutɔ naniere nɛ saŋkama, ashi bumo be alubi to, ŋkpal manɛ so, saŋkikɛ e wɔtɔ nna a kule Ebɔrɛ a sa anyi.

1 Pita 1:1

Kawɔl ere shi ma Pita nɛ n la Yesu Kristo be eshuŋipo na kutɔ nna a yɔ Ebɔrɛ be basa laraso nɛ b pesaŋ to a wɔ durnya ere to fanɛ befɔ a wɔ Pɔntes nɛ Galeesha nɛ Kapadosia nɛ Eeshia nɛ Bitinia be nsawuleana so na kutɔ nna.

1 Pita 1:13

Amoso, men bela men be amu ase nɛnɛ ashi men be nfɛraana to a jo asheŋ be kewora. Men baa kɔ nfɛra cheembi nseŋ ta men be tama kikɛ n wɔtɔ nɛfa mo nɛ menyeeŋ nya saŋɛ nɛ Ebɔrɛ beeŋ lara Yesu Kristo ŋ ŋini na.

1 Pita 1:5

Loŋ be enɛfa na la menyi nɛ Ebɔrɛ kpal men be yirda so n ta mbe eleŋ a keni menyi so a jo saŋɛ nɛ kumɔlga beeŋ lar efuli lalaloge be jemanɛ na peya nna.

2 Pita 3:14

Amoso, n teri shasoana, ŋkpal men ka bee keni le be kesheŋ ere ekpa so, men baa wora ania ga a la basa nɛ Ebɔrɛ maaŋ wu kulubi bumo so nɛ b maŋ kɔ saŋgre kikɛ nɛ menyi nɛ mo malɛ e naa kɔ kagbenewushi abar so.

1 Jɔn 2:19

Le be basa ere daŋ shi anyi be katuŋ to nna, ama kashenteŋto, b daa maŋ la anyi to be basa, amoso nɛ b lar anyi to n yɔ na. Nɛ b daa la anyi to be basa nna b daa maaŋ lar. Ama bumo be kelar anyi to na e naa ŋini fanɛ mannɛ bumo be ekama e la anyi to be eko.