Luuk 22:20 - EBƆRƐ BE KAWƆL

²⁰ Men baa wora loŋ a nyiŋi ma.” Ajibi na be kaman nɛ e ta kawiebi na malɛ n wora kananɛ e daŋ keta bodobodo na n wora na nseŋ kaŋɛ bumo: “Kawiebi ere to be asɔnuuso nɛ baa duga a sa menyi ere e la Ebɔrɛ nɛ dimɛdi be kɔnɔkoŋwule be ŋkre popɔr nɛ k wɔtɔ ŋkpal ma ŋklaŋ so na.

Luuk 22:20 ပူးပေါင်းရင်းမြစ်များ

Ɛksodɔs 24:8

Ndoŋ nna nɛ Mosis ta ŋklaŋ na be amo nɛ a wɔ ntishaŋ to na malɛ ŋ ŋmenyaŋ basa na so nseŋ kaŋɛ le: “Men keni kɔnɔkoŋwule be ŋkre nɛ menyi nɛ Enyɛnpe Ebɔrɛ bɔla mmalga ere kikɛ so n nase na be ŋklaŋ nna na.”

Jɛremaya 31:31

Kumo be kaman nɛ Enyɛnpe Ebɔrɛ na kaŋɛ le: “Jemanɛ nɛ ma nɛ Israɛl be basa nɛ Juda be basa beeŋ wora kɔnɔkoŋwule be ŋkre popɔr na bee ba.

Zakareya 9:11

Enyɛnpe Ebɔrɛ na yɛ: “Ŋkpal ma nɛ menyi be kɔnɔkoŋwule be ŋkre nɛ b ta esarga be ŋklaŋ m mɔ kumo so na so, meeŋ lara menyi be basa ashi kenyaya nɛ k du fanɛ kemaŋ chiŋgeliŋ nɛ k maŋ kɔ nchu na to.

Matiu 26:28

Ma ŋklaŋ nɛ a lar a sa basa damta na nde. Amo e naa ti Ebɔrɛ nɛ dimɛdi be kɔnɔkoŋwule be ŋkre na so a bar alubi be ketampaŋ na.

Maak 14:24

Nɛ Yesu kaŋɛ bumo: “Ma ŋklaŋ nɛ a lar a sa basa damta na nde. Amo e naa ti Ebɔrɛ nɛ dimɛdi be kɔnɔkoŋwule be ŋkre na so.

1 Kɔrintebi 11:25

B ka ji n loge nɛ e ta kawiebi na malɛ n wora kananɛ e daŋ wora na ŋ kaŋɛ: “Kawiebi ere e la Ebɔrɛ nɛ dimɛdi be ŋkre popɔr ŋkpal ma ŋklaŋ so na. Men baa wora loŋ saŋkikɛ nɛ menyee nuu asɔrso be asɔnuuso ashi kumo to na a nyiŋi ma.”

2 Kɔrintebi 3:6

Mo e shin nɛ an ki kɔnɔkoŋwule be ŋkre popɔr be beshumpo, k la kiyoyu to be kesheŋ nna, mannɛ mbra to be kasibɛ be kesheŋ, ŋkpal manɛ so, mbra to be kasibɛ na bee bar luwu nna nɛ Kiyoyu na malɛ bee sa ŋkpa.

Hibruwebi 12:24

Men ba Yesu nɛ e la kɔnɔkoŋwule be ŋkre popɔr be elɔŋɛpo nsaa la esa nɛ b ta mbe ŋklaŋ ŋ ŋmenyaŋ n wurge nɛ ŋklaŋ na bee ji kusɔ nɛ k chɔ Ebel be ŋklaŋ na be asheŋ peya na kutɔ.

Hibruwebi 13:20

Ebɔrɛ bɔla ŋklaŋ nɛ a bee ti kɔnɔkoŋwule be ŋkre nɛ k maŋ kɔ ekar na so n tiŋi an Nyɛnpe Yesu nɛ e la mbolpɔkenipogboŋ nɛ e bee keni mbe mbolpɔ so na ashi luwu to.

Hibruwebi 9:15

Amoso, mo e la kɔnɔkoŋwule be ŋkre popɔr na be ematapo, saŋɛ na so bumo nɛ Ebɔrɛ tre na beeŋ nya kɔnɔ naseso na be enɛfa nɛ a wɔtɔ mbaanaayɔ nɛ Ebɔrɛ kaŋɛ fanɛ e beeŋ sa na. Le be kesheŋ beeŋ tiŋ n wora nna ŋkpal Kristo ka wu nɛ mbe luwu na bee tiŋ a sɔ basa ashi bumo be alubi nɛ b daa kɔ a wɔ kɔnɔkoŋwule be ŋkre dra na to a yige so.

Hibruwebi 9:17

Ŋkpal manɛ so, esa baa maŋ naŋ wu, mbe luwu be kaman be kɔnɔ naseso maaŋ tiŋ n shuŋ ama e baŋ wu nna.