Luuk 21:7 - EBƆRƐ BE KAWƆL

⁷ Ndoŋ nna nɛ b bishi mo: “Eŋinipo, saŋɛ mo nɛ kesheŋ nɛ fo malga na beeŋ wora? Nɛ jemanɛ na malɛ ba kaa taga to, manɛ e naaŋ ŋini fanɛ kumo be loŋ be saŋɛ na fo?”

Luuk 21:7 ပူးပေါင်းရင်းမြစ်များ

Danɛl 12:6

Nɛ basa na be eko bishi malaika nɛ e yil lɔr na be esoso be kaba so na le: “Saŋɛ mo nɛ mamachi be asheŋ ere beeŋ fo amo be ekar?”

Danɛl 12:8

N daŋ nu kusɔ nɛ e kaŋɛ ama ma alɛ daa maŋ pin to. Ndoŋ nna nɛ m bishi mo le: “Jande, nuso nɛ asheŋ ere be lalaloge beeŋ ba ki?”

Matiu 24:3

Kamalga na be kaman nɛ Yesu lar ndoŋ n ya kaa tase Ɔlifs be kebee na so nɛ bebɛsopo na ŋana m ba mo kutɔ m ba bishi mo: “Kaŋɛ anyi saŋɛ mo nɛ kesheŋ nɛ fo malga na beeŋ ba nɛ manɛ malɛ e naaŋ ŋini fanɛ fo keba na be jemanɛ taga to nɛ durnya be ekar na malɛ fo.”

Maak 13:14

Men baŋ ya wu edɔsopogboŋ nɛ e bee shin nɛ kemur bee ba na ka yil kakpa nɛ k maŋ daga na, fo nɛ fee kraŋ fo pin kesheŋ ere be kifito! Men baŋ ya wu loŋ be asheŋ, men shin nɛ bumo nɛ b wɔ Judiya be efuli so na e shile n yɔ abee ase.

Luuk 21:32

Kashenteŋto nɛ mee kaŋɛ menyi na fanɛ asheŋ ere kikɛ beeŋ wora pɔɛŋ nɛ mbreebi nɛ b wɔ ŋkpa to ere kikɛ e wu.

Luuk 21:6

“Asɔ nɛ menyee wu ere bre kikɛ, saŋko beeŋ ba nɛ kejembu koŋwule kama gba maaŋ ba ka a bɛ kumo barkasa so. Baaŋ ba da amo kikɛ n lɛ.”

Luuk 21:8

Nɛ e kaŋɛ bumo le: “Men baa da so nɛ esa kikɛ e sa maŋ fule menyi, ŋkpal manɛ so, basa damta beeŋ ba kaa kɔ ma ketre a na a kaŋɛ le: ‘Ma e la mo!’ ŋko ‘Jemanɛ na fo!’ Men sa maŋ bɛ bumo so.