Luuk 21:6 - EBƆRƐ BE KAWƆL

⁶ “Asɔ nɛ menyee wu ere bre kikɛ, saŋko beeŋ ba nɛ kejembu koŋwule kama gba maaŋ ba ka a bɛ kumo barkasa so. Baaŋ ba da amo kikɛ n lɛ.”

Luuk 21:6 ပူးပေါင်းရင်းမြစ်များ

Jɛremaya 26:18

B yɛ: “Jemanɛ nɛ Hɛzekaya daa ji kuwura Juda be efuli so na, anebi Maika nɛ e shi kade nɛ baa tre Moreshɛf na daŋ bɔ kubɔya ŋ kaŋɛ basa na fanɛ Enyɛnpetale Ebɔrɛ na daŋ kaŋɛ le: ‘Baaŋ pulgi Jerusalɛm to fanɛ kudɔsawule, nɛ k ki kade bureso m biti abar so a dese; nɛ kebee nɛ bɔrɛlambu na yil so na e ki kupo.’

Jɛremaya 26:6

Nɛ men kraŋ kini kewora kasonu, kumo ere meeŋ mur bɔrɛlambu ere fanɛ kananɛ n daŋ mur kade nɛ baa tre Shilo na, nɛ durnya to be efuliana kikɛ so be basa e ta Jerusalɛm be ketre a sho basa kɔnɔ.”

Jɛremaya 26:9

Manɛ so nɛ fo ta Enyɛnpe Ebɔrɛ na be ketre a kaŋɛ fanɛ bɔrɛlambu ere beeŋ ki fanɛ Shilo nɛ kadegboŋ nɛ e mur nɛ esa kikɛ maaŋ naa wɔ kumo to na?”

Nfabel 4:1

Anyi be shuwa nɛ k bee nyɛkpɛ ga na kreŋ so nɛ ajembu nɛ b ta m pɔr bɔrɛlambu na pesaŋ to a dese agbembi so.

Nfabel 5:18

Ekama shile Zayɔn be kebee na so nɛ k dese fuloŋ, nɛ ejiŋkaamu sɔ kumo so a wora bumo be kepar.

Maika 3:12

Ŋkpal bumo so, baaŋ pulgi Jerusalɛm to fanɛ kudɔsawule, nɛ k ki kade bureso m biti abar so a dese; nɛ Zayɔn be kebee nɛ bɔrɛlambu na yil so na malɛ e ki kupo.

Zakareya 11:1

Lebanɔnebi men bugi menyi be mbuna, nɛ edɛ e chɔɔ menyi be ndibi nɛ baa tre sida na!

Zakareya 14:2

Enyɛnpe Ebɔrɛ na e naŋ gama efuli pɔtɛana na abar so nɛ b ba kɔ Jerusalɛm kena. Baaŋ pɔ kadegboŋ na so nseŋ luri elaŋ to m muu asɔ nseŋ pur beche. Baaŋ pɛ basa na be bargato ŋ ki anya n yɔ efuli pɔtɛana so, ama b maaŋ lara bumo nɛ baaŋ ka na bre kadegboŋ na to.

Matiu 24:2

Nɛ Yesu bishi bumo le: “Men wu asɔ ere kikɛ ŋko? Ma e kaŋɛ menyi kashenteŋto na fanɛ kejembu koŋwule kama gba maaŋ ba ka a bɛ kumo barkasa so. Baaŋ ba da amo kikɛ n lɛ.”

Maak 13:2

Nɛ Yesu bishi mo le: “Fo wu nwu gboŋ ere ŋko? Kejembu koŋwule kama gba maaŋ ba ka a bɛ kumo barkasa so. Baaŋ ba da amo kikɛ n lɛ.”

Luuk 21:7

Ndoŋ nna nɛ b bishi mo: “Eŋinipo, saŋɛ mo nɛ kesheŋ nɛ fo malga na beeŋ wora? Nɛ jemanɛ na malɛ ba kaa taga to, manɛ e naaŋ ŋini fanɛ kumo be loŋ be saŋɛ na fo?”