Luuk 21:34 - EBƆRƐ BE KAWƆL

³⁴ Ama men baa de menyi be amu so nsaa maa wɔ kebaawɔtɔ jiga nɛ kasanuu nɛ durnya ere to be kasɔsha be kebaawɔtɔ to nɛ menyi be aba e pɔ menyi nɛ kachɛ nɛ ma, Nyiŋgbasa Pibinyɛn beeŋ ba na e purgi menyi fanɛ kejigbelɛ na.

Luuk 21:34 ပူးပေါင်းရင်းမြစ်များ

Jɛnesis 19:32

Amoso, shin nɛ an ya fule an tuto nɛ e nuu nsa m boo, saŋɛ na so anyi nɛ mo beeŋ di keche nɛ kenyɛn nɛ an bɔla mo so n nya mbia nɛ anyi be kanaŋ maaŋ mur kuraa.”

Jɛnesis 19:35

Kumo be kanyɛso nɛ b naŋ shin nɛ bumo tuto naŋ nuu nsa. Nɛ mo pibiche kekarkarso na malɛ luri mo to nɛ mo nɛ mo di keche nɛ kenyɛn. Kumo alɛ gba ŋkpal e ka daŋ nuu nsa na ga so, e daa maŋ pin saŋɛ nɛ mo nɛ mo alɛ gba di.

Jɛnesis 27:14

Ndoŋ nna nɛ Jeekɔb ya pɛ mboe na m ba sa mo nio nɛ e wora ajibi belbelso mo nɛ Jeekɔb mo tuto bee sha ga n yili

Nshɛ 35:8

Ama kemur beeŋ purgi bumo. Bumo gbagba be ajigbelɛ nɛ b fe na beeŋ kilgi m pɛ bumo. Baaŋ tur amaŋ nɛ bumo gbagba kur na to.

Aŋasa 21:4

Ŋkpensheŋ nɛ kamoowu la alubi be asɔrso nna, nɛ belubiworapo bee sha amo ga.

Aŋasa 23:20

Sa maa tu basa nɛ baa wu nsa a choŋ a gben, ŋko n wu ajibi a choŋ a gben a wora asheŋ.

Kaŋinichiŋgeliŋ 9:12

Fo maaŋ tiŋ m pin jemanɛ nɛ fo peya bee ba. Kananɛ abulbi bee pɛ mbuibi ŋko ewule bee pɛ ekɔrɔtɔ epul to na, aloŋ nɛ asheŋ lubi bee ba edimɛdi gba so.

Aizaaya 28:7

Anebiana nɛ bɔrɛmatapoana gba boo nna a jante. B nuu yabra nɛ nsa booso ga nna hale nɛ bumo be nfɛra mel to. Anebiana na kaa bee boo ga so, b maŋ naa pin ebɔrɛdare nɛ Ebɔrɛ sa bumo na to. Bɔrɛmatapoana na malɛ gba kaa bee boo ga so, b maŋ naa tiŋ a ji asheŋ nɛ basa bee ta a ba bumo kutɔ nɛnɛ.

Hoziya 4:11

Nɛ Enyɛnpe Ebɔrɛ yɛ: “Kasanuu be ga shin nɛ ma basa maŋ naa fɛ nfɛra!

Levitikɔs 10:9

“Fo nɛ fo mbinyɛnsobi e sa maŋ kaŋ nuu yabra ŋko nsa booso be yiri kikɛ nseŋ ba luri wajɛbu na to kikɛ. Men baŋ wora loŋ menyeeŋ wu. Kede la mbra nna a dese n sa fo nɛ fo kaman to ebi kikɛ.

Matiu 13:22

Asɔ duuso nɛ a tɔr ewi to na malɛ du fanɛ esa nɛ e bee nu kamalga na nna nɛ durnya ere to be kafɔŋ nɛ kumo be kemansherbisha ba luri n sɔ kamalga na be kaboŋ, nɛ e bɛ so ŋ gben.

Maak 13:9

Men baa de menyi be amu so, ŋkpal manɛ so, basa beeŋ pɛ menyi n yɔ demujikpa n ya kuya menyi so ashi nshɛrbuana to. Baaŋ shin nɛ men yili bewurbi nɛ bewurgboŋ be anishito ŋkpal ma so nɛ men ji ma asheŋ be shɛda n sa bumo.

Maak 4:19

ama durnya ere to be kafɔŋ nɛ kumo be kemansherbisha nɛ ayɛlgasɔ kikɛ bee luri bumo to nna n sɔ kamalga na be kaboŋ nɛ b bɛ so ŋ gben.

Luuk 10:41

Ndoŋ nna nɛ Enyɛnpe na kaŋɛ Maata: “Maata Maata, sa maŋ shin nɛ asheŋ damta e tir fo a jija fo kagbene.

Luuk 12:40

To, menyi alɛ gba e wora shiriya a jo ma, Nyiŋgbasa Pibinyɛn na, ŋkpal manɛ so, meeŋ ba saŋɛ nɛ men maaŋ baa tama ma.”

Luuk 17:3

Men be ekama e baa de mbe kumu so nɛ mo kurgepo, Yesu be ebɛsopo wora kulubi, e fiɛ mo so nɛ e lar kumo to nɛ e ta m paŋ mo.

Luuk 21:35

Ŋkpal manɛ so, kachɛ na beeŋ ba durnyaebi kikɛ so nyam.

Luuk 21:8

Nɛ e kaŋɛ bumo le: “Men baa da so nɛ esa kikɛ e sa maŋ fule menyi, ŋkpal manɛ so, basa damta beeŋ ba kaa kɔ ma ketre a na a kaŋɛ le: ‘Ma e la mo!’ ŋko ‘Jemanɛ na fo!’ Men sa maŋ bɛ bumo so.

Luuk 8:14

Asɔ duuso nɛ a tɔr ewi to na malɛ du fanɛ basa nɛ baa nu kamalga na nseŋ fara a bɛ so nna. Ama durnya ere to be kafɔŋ nɛ kumo be amansherbisheŋ nɛ kebaawɔtɔ be asɔ belbelso baŋ luri m bɔlɔ bumo to nɛ b bɛ so ŋ gben.

1 Kɔrintebi 5:11

Kusɔ nɛ n daa de e la fanɛ men sa maŋ shin nɛ menyi nɛ esa kama nɛ e bee tre mbe kumu ekurgepo, mo alɛ nsaa wɔ kesakalea be kebaawɔtɔ to ŋko ŋkaa kɔ kejimuni ŋko emo nɛ e wɔtɔ a shuŋ agbir ŋko a na a tege basa ŋko emo nɛ e bee nuu nsa a boo ŋko emo nɛ e la eyu e baa kɔ kɔnɔkoŋwule be kebaawɔtɔ. Menyi nɛ loŋ be esa e sa maŋ bɔ enɔ n wɔtɔ kawie koŋwule to gba n ji.

1 Kɔrintebi 6:10

Beyu ŋko kejimuniwuraana ŋko nsanuupoana ŋko bumo nɛ baa tege bumo braana ŋko besugepoana maaŋ nya Ebɔrɛ be kuwura na to n luri kikɛ.

Galeeshaebi 5:20

nɛ agbirshunsheŋ nɛ kegbaya nɛ kekishi nɛ nlusheŋ nɛ abar be asɔ be kebaayɛlga nɛ kanya agbo nɛ nfɛragboŋ be kebaafɛ nɛ amu be kebarga a wɔ ntuŋ so be kebaawɔtɔ.

Ditɛronɔmi 29:19

Menyi alɛ e baa da so nɛ menyi to be esa kikɛ nɛ e wɔ nfe kabre nsaa nu kɔnɔkoŋwule be ŋkre ere be atande ere maaŋ fɛ fanɛ hale nɛ e wora mbe aparsheŋ gba, asheŋ kraa beeŋ nite nɛnɛ n sa mo. Kumo be loŋ beeŋ tiŋ m mur basa lela nɛ basa lubi kikɛ.

Filipaiebi 4:6

Men sa maa fɔŋ kusɔ kama so men be kebaawɔtɔ to, ama kusɔ kama to men baa kaŋɛ Ebɔrɛ men be asheŋ tirso be asheŋ a kule mo fanɛ e chɛ menyi to nsaa chɔrɔ mo.

Hibruwebi 12:15

Men baa de so nɛ ekama e sa maŋ kaŋ lar Ebɔrɛ be kuwɔr be kakɛ na to nseŋ naa de so nɛ kekishi be nfɛra kama e sa maŋ luri menyi to n wul basa damta to n jija bumo be kebaawɔtɔ.

2 Pita 3:10

Ama Enyɛnpe be kachɛ na beeŋ purgi basa nna fanɛ eyu na. Kumo be kachɛ na, esosoana beeŋ ta awɔr chilili n foe basa be anishito. Esoso be asɔana beeŋ chɔɔ edɛ m mur. Nɛ kasawule nɛ asɔ nɛ a wɔ kumo so ere kikɛ e dii efuli.

2 Pita 3:14

Amoso, n teri shasoana, ŋkpal men ka bee keni le be kesheŋ ere ekpa so, men baa wora ania ga a la basa nɛ Ebɔrɛ maaŋ wu kulubi bumo so nɛ b maŋ kɔ saŋgre kikɛ nɛ menyi nɛ mo malɛ e naa kɔ kagbenewushi abar so.

Kelaraŋŋini 3:3

Amoso, men baa nyiŋi asɔ nɛ men daŋ sɔ nseŋ nu na kikɛ. Men baa bɛ amo so nseŋ lar alubi to. Nɛ men baŋ maŋ tiŋi men be loŋ be kebaawɔtɔ na to, meeŋ ba fanɛ eyu nɛ men maaŋ pin saŋɛ nɛ meeŋ purgi menyi.

1 Samuɛl 25:36

Abigɛl ka bɛta n yɔ nɛ mo kul Nabaal wɔ laŋ to a wora kejigboŋ fanɛ ewura ka wora kejigboŋ na. E daŋ boo nna le chil; ŋkpal loŋ so, Abigɛl daa maŋ kaŋɛ mo shɛŋ hale nɛ kare ya chɛ kachipurso.