Luuk 21:10 - EBƆRƐ BE KAWƆL

¹⁰ Ade be kaman nɛ e naŋ kaŋɛ bumo le: “Efuli ko beeŋ kɔ kuko kena nɛ kuwurgboŋ ko e kɔ kuwurgboŋ nyɔsopo malɛ kena.

Luuk 21:10 ပူးပေါင်းရင်းမြစ်များ

Aizaaya 19:2

Ndoŋ nna nɛ Enyɛnpe Ebɔrɛ na kaŋɛ le: “Meeŋ shin nɛ kelantokɔ e ku Ijipt be efuli so nɛ bekurgepo e kilgi a kɔ abar nɛ bechenashapo malɛ gba e baa kɔ abar. Kadegboŋ ko beeŋ kɔ kuko kena nɛ kuwurgboŋ ko e kɔ kuwurgboŋ nyɔsopo kena.

Zakareya 14:13

Loŋ be jemanɛ na kaŋ fo, Enyɛnpe Ebɔrɛ na beeŋ shin nɛ bumo be nfɛra e mel to nɛ kufu e pɛ bumo saŋɛ na so baŋ kilgi n tu abar a kɔ.

Maak 13:8

Efuli ko beeŋ kɔ kuko kena nɛ kuwurgboŋ ko e kɔ kuwurgboŋ nyɔsopo malɛ kena. Abembeŋ beeŋ ba mboŋ damta nɛ akoŋ damta e tɔr. Le be asɔ du na fanɛ kakurge be ebesa juŋkparso.

Luuk 21:11

Abembeŋgboŋ beeŋ ba nɛ akoŋ nɛ alɔana e tɔr mboŋ damta. Alemaŋkarsheŋ damta beeŋ shi ebɔrɛso n wora nɛ kufu e pɛ basa ga.

Luuk 21:9

Nɛ men kaŋ ba kaa nu fanɛ basa bee kɔ abar ana nseŋ naa nu alantokɔ be asheŋ, men sa maŋ shin nɛ menyi be ŋgbene e baa ku menyi, ŋkpal manɛ so, a daga fanɛ loŋ be asheŋ e juŋkpar n wora pɔɛŋ, ama lalaloge be jemanɛ na maaŋ bɛ so epul na to.”

Ashuŋ Shunso 11:28

Bumo to be eko e daa la Agabes, mo e daŋ bɔla Kiyoyu Cheeŋ na be eleŋ to n wu ŋ kaŋɛ fanɛ akoŋgboŋ beeŋ tɔr durnya kikɛ to. Ewurgboŋ Klawdias be jemanɛ na nɛ akoŋgboŋ na daŋ tɔr.

Hibruwebi 12:27

Kananɛ e kaŋɛ ere ŋini fanɛ e beeŋ tia asɔ nɛ b to nɛ a beeŋ tiŋ ŋ gbuŋgbuŋ to na nna na. E beeŋ wora loŋ nɛ asɔ nɛ a maaŋ tiŋ ŋ gbuŋgbuŋ to na e ka.