Luuk 20:36 - EBƆRƐ BE KAWƆL

³⁶ Ŋkpal manɛ so, b maaŋ naŋ tiŋ n wu, baaŋ baa wɔtɔ nna fanɛ emalaika nsaa la Ebɔrɛ be mbia ŋkpal b ka naŋ ba ŋkpa to so.

Luuk 20:36 ပူးပေါင်းရင်းမြစ်များ

Aizaaya 25:8

Enyɛnpetale Ebɔrɛ na beeŋ mur luwu mbaanaayɔ! E beeŋ kpra anishichubi ashi ekama be anishito nseŋ lara ŋaba nɛ mbe basa ji ashi durnya kikɛ to na ashi bumo so. Enyɛnpe Ebɔrɛ na gbagba e kaŋɛ.

Hoziya 13:14

M maaŋ lara bumo ashi bubuni to ŋko m mɔlga bumo ashi luwu to. Luwu nɛ nchaŋ kikɛ bee ŋmɛa bumo be kabuna. M maaŋ naŋ wu bumo kuwɔr kikɛ.

Zakareya 3:7

Enyɛnpetale Ebɔrɛ na yɛ: “Nɛ fo baa wora ma mbraana kasonu nsaa shuŋ ashuŋ nɛ meeŋ baa sa fo bre, meeŋ shin nɛ fo baa keni ma bɔrɛlambu na nɛ kumo be kelɔnɛ so. Ma alɛ beeŋ baa nu fo kabɔrɛkule fanɛ kananɛ mee nu emalaika nɛ b wɔ ŋ kutɔ ere be kabɔrɛkule na.”

Matiu 22:30

Ŋkpal manɛ so, ketiŋi luwu to be jemanɛ na basa beeŋ ba kaa du fanɛ emalaika nɛ b wɔ ebɔrɛso na nna. Benyɛn maaŋ ba kaa ta beche, beche malɛ maaŋ ba kaa yɔ kakil to.

Maak 12:25

Ŋkpal manɛ so, saŋɛ nɛ basa beeŋ tiŋi luwu to na, baaŋ ba kaa du fanɛ emalaika nɛ b wɔ ebɔrɛso na nna. Benyɛn maaŋ ba kaa ta beche nɛ beche malɛ maaŋ ba kaa yɔ kakil to.

Romebi 8:16

Kiyoyu na malɛ gbagba e naa chɛ anyi be ayoyu to a ŋini fanɛ an la Ebɔrɛ be mbia nna kashenteŋto.

1 Kɔrintebi 15:26

Edoŋ mo nɛ Ebɔrɛ beeŋ mur lalaloge e la luwu.

1 Kɔrintebi 15:42

To, kananɛ k beeŋ baa du saŋɛ nɛ bubuni bee tiŋi ashi luwu to nna na. Eyur mo nɛ baa ta a puli na la kusɔ nɛ k bee bɛ nna, kumo nɛ Ebɔrɛ bee tiŋi ashi luwu to na bre maa bɛ.

1 Kɔrintebi 15:49

Kananɛ an daŋ baa kɔ shishɛr be esa na be kaduli anyi so na, loŋ koŋwule na nɛ anyeeŋ ba kaa kɔ esa nɛ e shi ebɔrɛso na gba be kaduli.

Filipaiebi 3:21

E kaŋ ba, e beeŋ chɛrga an be eyur pɔsoana ere n shin nɛ an ki fanɛ mo gbagba be eyur na. Eleŋ koŋwule nɛ e beeŋ ta n ji kusɔ kikɛ so kuwura na nɛ e beeŋ ta n chɛrga anyi.

Kelaraŋŋini 20:6

Ketiŋi luwu to juŋkparso nna na. Kagbenefuli nɛ kebaawɔtɔ cheembi la bekama nɛ b ti bumo nɛ baaŋ tiŋi luwu be ketiŋi juŋkparso na to so. Luwu nyɔsopo na maŋ kɔ eleŋ bumo so. Baaŋ ki Ebɔrɛ nɛ Kristo be bɔrɛmatapoana, bumo alɛ beeŋ tu mo n ji kuwura nfɛ kagboŋ.

Kelaraŋŋini 21:4

E beeŋ kpra anishichubi kikɛ ashi bumo be anishito, luwu maaŋ naa wɔtɔ, luwu so be kagbenejija nɛ kushu maaŋ naa wɔtɔ, ebesa malɛ gba maaŋ naa wɔtɔ, ŋkpal manɛ so, amo be saŋɛ nɛ sososo be asheŋ kikɛ beeŋ choŋ.”

Kelaraŋŋini 22:9

nɛ e kaŋɛ ma le: “A maŋ daga fanɛ fo wora loŋ. Ma alɛ gba la fo nɛ fo niopibiana anebiana nɛ bumo nɛ baa ta kawɔl ere to be mmalga a wɔtɔ bumo be ŋgbene to na bumo barkasa kenya nna. Ebɔrɛ e daga fanɛ fo baa maŋ mo so.”