Luuk 20:26 - EBƆRƐ BE KAWƆL

²⁶ B daa maŋ tiŋ n ta mbe mmalga na n nya mo basa na to m pɛ. Kananɛ e daŋ sa bumo kamalga na be kifito na daŋ mɔ bumo kɔnɔ ga nɛ b lo to shruum.

Luuk 20:26 ပူးပေါင်းရင်းမြစ်များ

Danɛl 6:4

Amoso Danɛl mo braana nɛ b ka na nɛ egomena na daa fin kananɛ baaŋ wora n nya kusɔ ko nna m malga, ŋ gbiti mo nna. Bumo alɛ daa maŋ nya shɛŋ, ŋkpal manɛ so Danɛl daa la kashenteŋjipo nna nsaa wora asheŋ nɛ amo be ekpa so.

Matiu 22:12

Nɛ e bishi mo le: ‘N teri, nuso nɛ fo wora n luri nfe ŋkaa maa kɔ kejafɔ to be asɔbuuso?’ Nɛ kanyɛn na la to.

Matiu 22:22

B ka nu loŋ nɛ k chinchiŋ bumo, nɛ b yige mo nseŋ yɔ.

Matiu 22:34

Efarisiana na ka nu fanɛ Yesu malga n shin nɛ Esadusiana na paŋ kɔnɔ be kebugi nɛ bumo alɛ shɛr abar.

Matiu 8:10

Yesu ka nu mbe kamalga na nɛ k chinchiŋ mo ga nɛ e kilgi ŋ kaŋɛ basa nɛ b daŋ bɛ mo so na le: “Ma e kaŋɛ menyi na fanɛ Israɛl be efuli so ebi gba to m maŋ naŋ wu le be yirda kikɛ.

Luuk 11:54

a bishi mo kɔnɔnuso be asheŋ damta nɛ e malga kamalga lubi ko nɛ b shin nɛ b pɛ mo.

Luuk 13:17

E ka bishi kesheŋ ere na nɛ anishinyɔr pɛ mo doŋana na kikɛ nɛ basa pɔtɛ malɛ be ŋgbene fuli bumo ŋkpal emamachisheŋ kama nɛ e daŋ wora so.

Luuk 20:20

Ama bumo alɛ daa ŋana basa na nna. Nɛ b fara a tɛ mo nseŋ shuŋi basa fanɛ b kute n yɔ mo kutɔ fanɛ b ka la basa lela na n ya lute mo kɔnɔ nɛ e malga n da so nɛ b ta mo m bɔɔ gomena nɛ e daa ji na enɔ.

Romebi 3:19

Ama an nyi fanɛ kusɔ kama nɛ mbra na bee kaŋɛ, basa nɛ b wɔ kumo to na to nɛ k de, saŋɛ na so esa kikɛ maaŋ nya kɔnɔ m bugi. Loŋ malɛ e naaŋ shin nɛ Ebɔrɛ e ji durnya kikɛ demu.

Taites 1:10

Ŋkpal manɛ so, amuleŋwuraana damta nɛ bumo be efɛ nɛ mmalga fuloŋ shi ndoŋ ga, fɔnfɔŋ bebɛsopo nɛ b shi Juwebi be kanaŋ to na.