Luuk 20:23 - EBƆRƐ BE KAWƆL

²³ Ama Yesu daŋ pin bumo be kɔnɔnu be kebishi na nseŋ kaŋɛ bumo le: “Men sa ma kemansherbi nɛ ŋ keni.”

Luuk 20:23 ပူးပေါင်းရင်းမြစ်များ

Nshɛ 95:9

Asheŋ nɛ b daŋ wu Ebɔrɛ ka wora na kikɛ be kaman, b daŋ chɔ mo nseŋ wora mo ŋ keni ndoŋana nna.

Matiu 16:1

Kachako Efarisiana ko nɛ Esadusiana ko ba Yesu kutɔ m ba kaa sha kewora mo ŋ keni nseŋ kule mo fanɛ e wora mamachi be kesheŋ ko nɛ k shi ebɔrɛso.

Matiu 22:18

Ama Yesu daŋ pin bumo be nfɛra lubi na nseŋ bishi bumo:

Luuk 20:20

Ama bumo alɛ daa ŋana basa na nna. Nɛ b fara a tɛ mo nseŋ shuŋi basa fanɛ b kute n yɔ mo kutɔ fanɛ b ka la basa lela na n ya lute mo kɔnɔ nɛ e malga n da so nɛ b ta mo m bɔɔ gomena nɛ e daa ji na enɔ.

Luuk 20:22

Amoso, kaŋɛ anyi, anyi be mbra na to k wɔtɔ fanɛ an baa ka lampo a sa Romebi be ewurgboŋ Siza ŋko k maŋ wɔtɔ loŋ?”

Luuk 20:24

B ka bar kumo nɛ e bishi bumo le: “Esa mo be foto nɛ wanɛ be ketre e deŋ kumo so ere?” Nɛ basa na kaŋɛ: “Ewurgboŋ Siza peya.”

Luuk 5:22

Ndoŋ nna nɛ Yesu pin bumo be nfɛra na nseŋ bishi bumo: “Manɛ nna nɛ menyee fɛ le be nfɛra?

Luuk 6:8

Ama Yesu daa nyi bumo be nfɛra nseŋ kaŋɛ enɔwusowura na: “Koso m ba anishito nfe.” Nɛ kanyɛn na koso n yɔ ndoŋ.

Ashuŋ Shunso 13:10

“Setani pibi ere. Fo la kelela be yiri kikɛ be edompo nna. Kafule be kulubi be yiri kikɛ e baŋ bɔlɔ fo to nɛ saŋkama fee kɔ a fin keta Enyɛnpe be nshenteŋ ŋ ki efɛ.

1 Kɔrintebi 10:9

A maŋ daga fanɛ an wora Enyɛnpe na ŋ keni fanɛ kananɛ bumo be beko daŋ wora nɛ awɔ daŋ duŋ n duŋ bumo m mɔ na.

1 Kɔrintebi 3:19

Ŋkpal manɛ so, durnya ere to be kanyiasheŋ la kawulisheŋ nna ashi Ebɔrɛ be anishito. Loŋ nɛ abɔrɛsibɛ na malɛ bee kaŋɛ na fanɛ: “Ebɔrɛ bee kaa ta benyiashempo gbagba be kanyiasheŋ be aworbiana nna a pɛ bumo.”

Ɛfesesebi 4:14

Saŋɛ na so an maaŋ naa du fanɛ mbia nɛ basa e baa ta efɛ be keŋini be yiri kikɛ a kɔ a kpata anyi a lɛ a yɔ a ba fanɛ afu ka shin nɛ nchu koso a baga to na. Basa nɛ baa wora loŋ na wɔtɔ nna a kɔ bumo gbagba be efɛ be kanyiasheŋ a shin nɛ basa bee foe ekpa.

Hibruwebi 4:13

Kusɔ toso kikɛ maŋ wɔtɔ a ŋana Ebɔrɛ so. Kusɔ kikɛ nyam dii efuli nna n dese mbe anishito, mo alɛ nɛ anyi kikɛ beeŋ yili mbe anishito ŋ kaŋɛ mo ashuŋ nɛ an wora kikɛ nɛ kusɔ nɛ k ba nɛ an wora amo.