Luuk 20:17 - EBƆRƐ BE KAWƆL

¹⁷ “Ebɔrɛ e baa pete anyi.” Nɛ Yesu keni bumo nseŋ bishi bumo le: “Mannɛ le nɛ abɔrɛsibɛ na bee kaŋɛ: ‘Kejembu mo nɛ bepɔrpo kini na e ba ki ebu na be kebonfu be gbaltɔlase lela na’ a?

Luuk 20:17 ပူးပေါင်းရင်းမြစ်များ

Nshɛ 118:22

Kejembu nɛ bepɔrpo kini n lɛ na e ki ebu na be kebonfu to be gbaltɔlase be kejembu lela na.

Aizaaya 28:16

To, kusɔ nɛ Enyɛnpetale Ebɔrɛ na bee kaŋɛ nde: “Mee tɔl gbaltɔlase nɛ k kɔ eleŋ a yil a maa gbuŋgbuŋ nna ashi Zayɔn to. Ma alɛ beeŋ ta kejembu nɛ bepɔrpo keni to n lara fanɛ kebonfu to be kejembu nɛ k kɔ eleŋ ga na nna n nase gbaltɔlase na, nɛ b sibɛ le n deŋi kumo so, ‘Yirda nɛ k yil to kpakpa kɔ kanyiti nna.’

Zakareya 10:4

Bewura nɛ bejuŋkparpo nɛ gomena be ekrachi nimuso nɛ b kɔ eleŋ beeŋ shi Juda be yiri to n lar.

Zakareya 3:9

Kejembu nɛ ŋ kɔ a nase Joshuwa be anishito ere kɔ mba ashunu nna. Meeŋ sibɛ kusɔ ko n deŋi kumo so nseŋ ta kachɛ koŋwule n lara kasawule ere so ebi be alubi ashi bumo so.

Matiu 21:42

Nɛ Yesu naŋ bishi bumo: “Men maŋ naŋ kraŋ abɔrɛsibɛ nɛ a bee kaŋɛ le na nna; a yɛ: ‘Kejembu mo nɛ bepɔrpo kini na e ba ki ebu na be kebonfu be gbaltɔlase lela na. Enyɛnpe e daŋ wora le be kesheŋ. Kumo alɛ be kananɛ k kɔ mamachi anyi to’ a?

Maak 10:23

Ndoŋ nna nɛ Yesu kilgi ŋ keni mbe bebɛsopo na nseŋ kaŋɛ bumo: “Kashenteŋto, a beeŋ nu damawuraana ga pɔɛŋ nɛ b luri Ebɔrɛ be kuwura na to.”

Maak 12:10

Men maŋ naŋ kraŋ abɔrɛsibɛ nɛ a bee kaŋɛ le: ‘Kejembu mo nɛ bepɔrpo kini na e ba ki ebu na be kebonfu be gbaltɔlase lela na.

Maak 3:5

Kumo be kaman nɛ Yesu keni bumo agbo nɛ kagbenejijaso ŋkpal b ka kɔ amu kpakpaso so nseŋ kaŋɛ kanyɛn na: “Teŋi fo enɔ to.” E ka teŋi kumo to nɛ mbe enɔ na nya eleŋ.

Luuk 19:41

Yesu ka ba kaa taga to Jerusalɛm be kade na to nseŋ keni kumo,

Luuk 22:37

Ŋkpal manɛ so, ma e kaŋɛ menyi na fanɛ abɔrɛsibɛ nɛ a bee kaŋɛ fanɛ b ta ma n ti alubiworapoana so na daga kebɔla ekpa, ŋkpal manɛ so, asɔ nɛ b sibɛ a malga ma asheŋ na kikɛ bee bɔla ekpa nna na.”

Luuk 22:61

Ndoŋ nna nɛ Enyɛnpe kilgi ŋ keni Pita nɛ e nyiŋi Enyɛnpe be kamalga mo nɛ e daŋ kaŋɛ mo fanɛ: “Pɔɛŋ nɛ koshinyɛn e boŋ kabre, feeŋ chɛ ale asa ŋ kaŋɛ fanɛ fo maŋ nyi ma na.”

Luuk 24:44

Kumo be kaman nɛ e kaŋɛ bumo le: “Asheŋ ere kikɛ nɛ n daŋ kaŋɛ menyi saŋɛ nɛ ma nɛ menyi daŋ kraa wɔtɔ na fanɛ ma asheŋ nɛ a wɔ Mosis be abɔrɛsibɛ to nɛ anebiana na kikɛ peyaana to nɛ Nshɛ to na kikɛ daga kebɔla ekpa na.”

Baru lela nɛ Jɔn kute na 15:25

Ama kumo alɛ du loŋ nna nɛ kusɔ nɛ k wɔ bumo be mbra na to na e bɔla. K yɛ: ‘B kishi ma nna kenyanyaŋɛso’.

Ashuŋ Shunso 4:11

Abɔrɛsibɛ na ka bee kaŋɛ fanɛ: ‘Kejembu mo nɛ menyi bepɔrpo keni jiga na e ba ki ajembu kikɛ be kelela’ na bee malga Yesu be asheŋ nna na.

Ɛfesesebi 2:20

Men du fanɛ egbal be kaba nna nɛ kumo be kifi la beshuŋipo nɛ anebiana na, nɛ Kristo Yesu malɛ gbagba la kumo be gbaltɔlase.

1 Pita 2:6

Ŋkpal manɛ so, abɔrɛsibɛ na bee kaŋɛ fanɛ Ebɔrɛ bee kaŋɛ le nna: “Men keni, kejembu nɛ n lara nɛ k la ma kenishi nɛ n ta n nase Zayɔn to na, k la kebonfu to be gbaltɔlasejembu nna nɛ esa kama malɛ nɛ e yirda mo maaŋ ji anishinyɔr kikɛ.”