Luuk 20:13 - EBƆRƐ BE KAWƆL

¹³ Ndoŋ nna nɛ kudɔ na wura na fara a bishi mbe kumu le: ‘Naniere nuso nɛ meeŋ wora?’ Ndoŋ nna nɛ le be nfɛra ba mbe kumu to nɛ e kaŋɛ: ‘Meeŋ shuŋi m pibi shaso ere, ashere mo ere, baaŋ bunyaŋ mo.’

Luuk 20:13 ပူးပေါင်းရင်းမြစ်များ

Aizaaya 5:4

Kusɔ ko daga fanɛ n wora kudɔ na to nɛ m maŋ wora kumo a? Nɛ manɛ e ba nɛ ndibi na bee sɔr asɔrso nyaŋnyaŋso? Mannɛ asɔrso lela nɛ mee sha a?

Jɛremaya 36:3

Ashere nɛ Juda be basa nu kemur nɛ ŋ kre fanɛ meeŋ bar bumo so ere be asheŋ baaŋ chɛrga bumo be nfɛra nseŋ lar bumo be asheŋ lubi to. Saŋɛ na so meeŋ ta bumo be alubi m paŋ bumo.”

Jɛremaya 36:7

Ashere baaŋ kule Enyɛnpe Ebɔrɛ na ketampaŋ nseŋ lar bumo be asheŋ lubi to, ŋkpal manɛ so, Enyɛnpe Ebɔrɛ na nya agbo ga nna n wɔtɔ bumo.

Ezikɛl 12:3

Amoso, dimɛdi pibi, bela fo adiiku nseŋ wora fanɛ b ka nyaŋ fo a yɔ efuli pɔtɛ wɔfɔ so. Wora le pɔɛŋ nɛ epeŋi e tɔr. Kumo be kaman nɛ fo yɔ kakpa nɛ ekama beeŋ wu fo n ya kaa nite a yɔ a ba. B kaŋ wu fo kaa bee wora loŋ, ashere baaŋ pin fanɛ b la basa nɛ b pal kaman n sa ma nna.

Hoziya 11:8

Ama m maaŋ tiŋ n yige Israɛlebi ŋko ŋ kplaŋ bumo so kikɛ. M maaŋ tiŋ n jija bumo fanɛ kananɛ n jija Adma nɛ Zeboyim be nde na. Ma kasha nɛ ŋ kɔ n sa bumo na shi ga.

Hoziya 6:4

Ama le nɛ Enyɛnpe Ebɔrɛ daŋ kaŋɛ: “Israɛlebi nɛ Judaebi, nuso bre nɛ men yɛ n naŋ wora menyi? Kasha nɛ men kɔ n sa ma na lar men to manaŋ manaŋ nna fanɛ kananɛ kachipurso be bunyaŋ ŋko kunyɔɔ nɛ k bee tɔr kachipurso nsaa kpata to manaŋ manaŋ na nna.

Matiu 17:5

E kraa malga nna nɛ kuwɔlpa nyɛkpɛso ko lar nɛ kumo be kiyoyul ba buu bumo so nɛ ebɔl shi kuwɔlpa na to ŋ kaŋɛ: “M Pibinyɛn shaso nɛ ma kagbene fuli mo so ga nde. Men baa nu mbe kɔnɔ.”

Matiu 3:17

Kumo be kaman nɛ ebɔl shi esoso ŋ kaŋɛ le: “M Pibinyɛn shaso nɛ ma kagbene bee fuli mo so ga nde.”

Luuk 18:2

E yɛ: “Demujipowura ko e daa wɔ kadegboŋ ko to a maa ŋana Ebɔrɛ, mo alɛ maa sa nyiŋgbasa kikɛ bunyaŋ.

Luuk 18:4

Sososo demujipowura na daŋ kini kenu nna n sa ekulpoche na, ama kumo be kaman nɛ e gben ŋ kaŋɛ mbe kumu le:

Luuk 20:12

Nɛ e naŋ bɛta n shuŋi kenya sasopo ko nɛ b ya doro mo alɛ gba nseŋ gberge mo n lar kudɔ na to n ya lɛ.

Luuk 20:14

Ama paawuraana na ka ya wu kebia na nɛ b kaŋɛ abar: ‘Men keni, kudɔ ere wura be kapetɛjipo nde, men shin nɛ an mɔ mo nɛ asɔ na e ki anyeya.’

Luuk 9:35

Ndoŋ nna nɛ ebɔl shi kuwɔlpa na to ŋ kaŋɛ: “M Pibinyɛn nɛ n lara na nde, men baa nu mbe kɔnɔ!”

Baru lela nɛ Jɔn kute na 1:34

Ma alɛ wu nsaa ji shɛda fanɛ mo e la Ebɔrɛ Pibinyɛn na.”

Romebi 8:3

Ŋkpal manɛ so, kusɔ nɛ mbra na daa maaŋ tiŋ n wora ŋkpal dimɛdi be kapɔr lubi ere ka maŋ kɔ eleŋ na so, Ebɔrɛ bre wora kumo. E shuŋi mo Pibinyɛn gbagba nna n ji m bri kulubi nɛ k wɔ dimɛdi be eyur to na. Mo Pibinyɛn na ta eyur fanɛ dimɛdi be alubi be eyur ere nna m ba lara kulubi ashi to.

Galeeshaebi 4:4

Ama jemanɛ nɛ k daga na ka ba fo nɛ Ebɔrɛ shuŋi mo Pibinyɛn nɛ e bɔla durnya be eche to n lar a wɔ mbra na to na