Luuk 2:46 - EBƆRƐ BE KAWƆL

⁴⁶ Kachɛ nasopo to nɛ b ya wu mo bɔrɛlambu na to nɛ e tase a nu asheŋ ashi Juwebi be mbraŋinipoana na kutɔ, mo alɛ nseŋ naa bishi bumo asheŋ.

Luuk 2:46 ပူးပေါင်းရင်းမြစ်များ

1 Bewura 12:12

Nchɛ asa na ka fo nɛ Jeroboam nɛ basa na kikɛ bɛta m ba Rehoboam kutɔ fanɛ kananɛ e yili bumo na gbagba.

1 Bewura 12:5

Nɛ Rehoboam kaŋɛ bumo le: “Men sa ma nchɛ asa nɛ n fɛ kesheŋ ere be asheŋ. Kumo be kaman nɛ men bɛta m ba nu kusɔ nɛ k wɔtɔ.” Ndoŋ nna nɛ basa na bɛta n yɔ.

Aizaaya 50:4

Enyɛnpetale Ebɔrɛ na e ŋini ma kusɔ nɛ meeŋ kaŋɛ n leŋ esa nɛ e gben a chul to nsaa maaŋ naŋ tiŋ n wora shɛŋ na to. Mo e naa shin nɛ mee yɛla kenishi to kachipurso kikɛ a fin kenu kusɔ nɛ e kɔ nɛ e ŋini ma na.

Matiu 12:40

Kananɛ Jona daŋ baŋ ji nchɛ asa nɛ nnyɛ asa kɔrɔtɔgboŋ na be epun to na, loŋ gbagba na nɛ ma, Nyiŋgbasa Pibinyɛn na beeŋ ji nchɛ asa nɛ nnyɛ asa kasawule to.

Matiu 16:21

Yili kumo be kamɔnchɛ na a yɔ nɛ Yesu fara a ŋini mbe bebɛsopo na le: “A daga ŋ ka yɔ Jerusalɛm n ya ji awurfoŋ ga benimuana nɛ bɔrɛmatapowuraana nɛ mbraŋinipoana na be enɔ to. Baaŋ mɔ ma nɛ n tiŋi luwu na to kumo be kachɛ sasopo to.”

Luuk 2:47

K daŋ chinchiŋ bekama nɛ b daŋ nu kananɛ e daŋ sa asheŋ bishiso na be afito kanyiashenso na ga.

Luuk 5:17

Kachako Yesu ka bee ŋini basa abɔrɛsheŋ nɛ Efarisiana nɛ mbraŋinipoana ko tase ndoŋ. Bumo kikɛ daŋ shi Galili nɛ Judiya be ndeana kikɛ nɛ Jerusalɛm be kade to nna m ba. Jemanɛ na gbagba nɛ Kiyoyu na wɔ Yesu to a sha nɛ e chɛ belɔpo.

Baru lela nɛ Jɔn kute na 3:10

Nɛ Yesu bishi mo le: “Fo baa la Israɛlebi be eŋinipo ŋkaa maa pin le be asheŋ ere to a?

Ashuŋ Shunso 5:34

Ama Gameelial, basa na to be Farisinyɛn ko nɛ e daa la mbraŋinipo nsaa la esa nɛ basa kikɛ daa sa bunyaŋ na koso n yili nseŋ shin nɛ b keta beshuŋipo na n lar ekarso gbrɛ

1 Timoti 1:7

Baa sha kebaala mbra na be beŋinipo nna, ama b maa pin bumo gbagba be mmalga na nɛ asɔ nɛ b kɔ a malga kenyiso na to.