Luuk 2:4 - EBƆRƐ BE KAWƆL

⁴ Nɛ Josɛf malɛ gba lar Nazarɛt, Galili be efuli so n yɔ Judiya be efuli so be kade ko to nɛ baa tre Bɛtlɛhɛm, kakpa nɛ b kurge Ewura Deevid na. Josɛf daŋ yɔ ndoŋ nna ŋkpal e ka daŋ shi Deevid be kanaŋ to so.

Luuk 2:4 ပူးပေါင်းရင်းမြစ်များ

Jɛnesis 35:19

Reechel ka wu nɛ b puli mo ashi Efraf be ekpa to. Ndoŋ koŋwule na e la Bɛtlɛhɛm na.

Jɛnesis 48:7

Mɛsopoteemia nɛ n daŋ shi a ba nɛ fo nio Reechel wu Keenan be kasawule so n ta kagbenejija damta n lɛ ma so. Kumo be saŋɛ na so nɛ anyi nɛ Efrat nɛ baa tre Bɛtlɛhɛm na maŋ naa wɔ kufɔ. Amoso n daŋ puli mo nna m mata Efrat be ekpa to ndoŋ.”

Maika 5:2

Ama Enyɛnpe Ebɔrɛ na yɛ: “Bɛtlɛhɛm Efrata, fo la Juda be efuli so be ndewurbiana na be kuko nna, ama fo to nɛ meeŋ lara esa nɛ e beeŋ ba ji Israɛl be efuli so be kuwura. Dra dra na kikɛ nɛ mbe kanaŋ jɔŋɛ.”

Matiu 1:20

E daa wɔ le be nfɛra ere to nna nɛ Enyɛnpe be malaika lar mo so edare to ŋ kaŋɛ mo le: “Josɛf, Deevid be kanaŋ to be esa, sa maa ŋana keta Mɛɛri nɛ e ki fo eche, ŋkpal manɛ so, Kiyoyu Cheeŋ na so nɛ e bɔla n di kedampo na.

Matiu 2:23

amoso, Galili be kasawule so nɛ e daŋ ya chena, kade ko to nɛ baa tre Nazarɛt. Loŋ daŋ wora nna nɛ kusɔ nɛ anebiana na daŋ kaŋɛ na e bɔla ekpa. B yɛ: “Baaŋ ba kaa tre mo Nazarin na.”

Luuk 2:3

Ewura Ɔgastes ka kaŋɛ loŋ nɛ ekama yɔ mbe kade to gbagba to nɛ b ya sibɛ mbe ketre.

Luuk 2:5

Mo nɛ Mɛɛri nɛ b daŋ kre kumo fanɛ baaŋ ta abar na e daŋ yɔ nɛ b ya sibɛ bumo be atre.

Luuk 4:16

Amo be kaman nɛ Yesu bɛta n yɔ Nazarɛt kakpa nɛ e daŋ ki esa na. Kewushiachɛ ka fo nɛ e ya n yɔ ndoŋ be nshɛrbu to n ya yili nɛ e kraŋ abɔrɛsibɛ na.

Baru lela nɛ Jɔn kute na 1:46

Ndoŋ nna nɛ Nataniɛl bishi mo: “Fo kaŋɛ Nazarɛt? Kusɔ lela mo malɛ e naaŋ shi Nazarɛt be kade to?” Ndoŋ nna nɛ Filip kaŋɛ: “Ba keni.”

Baru lela nɛ Jɔn kute na 7:42

Abɔrɛsibɛ na bee kaŋɛ fanɛ Ewura Deevid be kanaŋ to nɛ Mesaya na beeŋ shi nɛ b kurge mo ashi Bɛtlɛhɛm, kade nɛ Ewura Deevid daŋ shi na.”

Ruf be kawɔl 1:19

Ndoŋ nna nɛ bumo beche anyɔ na ta loŋ m ba fo Bɛtlɛhɛm. B ka fo ndoŋ nɛ kade na kikɛ baga to ŋkpal bumo so nɛ kade na to be beche kooba nseŋ bishi abar le: “Ama Nawomi nde a?”

Ruf be kawɔl 2:4

B wɔ ndɔ na to nna nɛ Bowas ya shir kaman n shi Bɛtlɛhɛm be kade to m ba chɔrɔ bumo ŋ kaŋɛ: “Ansaŋ ansaŋ nɛ kushuŋ!” Nɛ bumo alɛ shuli awɔrso ŋ kaŋɛ: “Awo enimu.”

Ruf be kawɔl 4:11

Ndoŋ nna nɛ benimuana na nɛ bekama nɛ b daa wɔ kejaŋ na so na kikɛ shuli ŋ kaŋɛ: “Mm, an kikɛ wora kumo be loŋ be shɛda. Enyɛnpe Ebɔrɛ e nɛfa eche nɛ e bee ba fo laŋ to na n shin nɛ e kurge mbia damta fanɛ Reechel nɛ Lia nɛ b daŋ chɛ abar ŋ kurge mbia damta n sa Jeekɔb nɛ kumo be loŋ shin nɛ Israɛl ki efuligboŋ na. Ebɔrɛ e shin nɛ fo dii dama ashi Efrata nsaa nya bunyaŋ ashi Bɛtlɛhɛm to.

Ruf be kawɔl 4:17

Ndoŋ nna nɛ kade na to be beche kaŋɛ: “Nawomi nya ebinyɛn.” Kumo be kaman nɛ e nase kebia na Obɛd. Loŋ be Obɛd na e daŋ ba koso ŋ kurge Jɛsi nɛ mo alɛ koso ŋ kurge ewura Deevid na.

1 Samuɛl 16:1

Nɛ Enyɛnpe Ebɔrɛ kaŋɛ Samuɛl le: “Nchɛ afanɛ nɛ fo shin nɛ fo chena kagbenejijaso a fɛ Sɔɔl be asheŋ? M maŋ naŋ shuli fanɛ e baa la Israɛl be ewura, amoso ta ɔlif be ŋku n yɔ kanyɛn nɛ baa tre Jɛsi nɛ e wɔ Bɛtlɛhɛm na pe. N lara mbe mbia na be eko nɛ e ki Israɛl be ewura.”

1 Samuɛl 16:4

Ndoŋ nna nɛ Samuɛl wora kusɔ nɛ Enyɛnpe Ebɔrɛ kaŋɛ fanɛ e wora na nseŋ yɔ Bɛtlɛhɛm, nɛ ndoŋ be benimuana na ba mo kutɔ m ba kaa chicha kufuso, nseŋ bishi le: “Kagbenewushi so nɛ fo ba ere a?”

1 Samuɛl 17:12

Deevid mo tuto e daa la Jɛsi nɛ e la Efrat be kanaŋ to be esa nsaa shi Bɛtlɛhɛm nɛ k wɔ Juda be efuliso na. Jɛsi daa kɔ mbia aburwa nna, ama saŋɛ nɛ Sɔɔl daa la ewura na nɛ e teŋ bel ga.

1 Samuɛl 17:58

Ndoŋ nna nɛ Sɔɔl bishi mo le: “Wanɛ pibinyɛn e la fo?” Nɛ Deevid yɛ: “Fo kayɛrbi Jɛsi nɛ e shi Bɛtlɛhɛm na pibinyɛn e la ma.”

1 Samuɛl 20:6

Sɔɔl kaa fin ma, fo kaŋɛ mo fanɛ ŋ kule fo ekpa nna m bɛta n yɔ ma kade to Bɛtlɛhɛm nɛ n ya tu ma basa n lara kafɛ kikɛ be sarga nɛ baa lara ndoŋ na.