Luuk 2:14 - EBƆRƐ BE KAWƆL

¹⁴ “Kemaŋkura e baa la Ebɔrɛ nɛ e wɔ esoso na peya nɛ kagbenewushi e baa wɔ mbe kepar be basa kikɛ to ashi kasawule so.”

Luuk 2:14 ပူးပေါင်းရင်းမြစ်များ

Aizaaya 44:23

Men kaŋɛ esoso nɛ kasawule kikɛ fanɛ a fara a boŋ nshɛ! Men naŋ kaŋɛ abee nɛ kupo to be ndibi kikɛ fanɛ amo alɛ gba e baa shuli nshɛ na so! Enyɛnpe Ebɔrɛ na mɔlga mbe basa Israɛlebi, n shin nɛ mbe kemaŋkura dii efuli ashi Israɛl be efuli so.

Aizaaya 49:13

Kaŋɛ asɔ nɛ a wɔ ebɔrɛso nɛ kasawule so kikɛ nɛ a baa boŋ nshɛ a ji amo be amu! Nseŋ shin nɛ abee gba e baa shuli so a boŋ nshɛ na! Enyɛnpe Ebɔrɛ na be basa ji awurfoŋ ga; mo alɛ naaŋ wu bumo kuwɔr.

Aizaaya 57:19

nɛ b fara a boŋ nshɛ a kpaŋ ma. Meeŋ shin nɛ bekama nɛ b taga to nɛ bumo nɛ b wɔ kufɔ kufɔ kikɛ e nya kayurwushi. Ma e naaŋ chɛ ma basa be alɔ kikɛ!

Maika 5:5

nɛ e bar kayurwushi m ba sa bumo. Asiriya be efuli so be basa kaŋ ba kɔ m bure n luri anyi be mboŋ lempoana to, anyeeŋ shuŋi anyi be bejuŋkparpo lempoana nɛ b ya kɔ bumo.

Matiu 21:9

Le nɛ jimaŋ nɛ b daŋ juŋkpar mo na nɛ bumo nɛ b daŋ bɛ mo so na kikɛ daa ponte a kaŋɛ: “Hosana e baa wɔ Ewura Deevid mo Nanabi so. Nɛfa la esa nɛ e shi Enyɛnpe be ketre to a ba na peya nna. Hosana e baa la Enyɛnpetale peya.”

Luuk 1:79

e beeŋ shin nɛ an fara a nya kumɔlga naniere nseŋ nyaŋɛ kefulto ashi ebɔrɛso n yuu bumo nɛ b wɔ tentembiri to nsaa ŋana luwu na so kikɛ n shin nɛ an bɔla kagbenewushi be ekpa to.”

Luuk 19:38

Le nɛ b daŋ kaŋɛ: “Nɛfa la Ewura nɛ e shi Enyɛnpe be ketre to a ba na peya nna. Kagbenewushi e baa wɔ ebɔrɛso nɛ kemaŋkura e baa la Enyɛnpetale peya.”

Luuk 2:13

Epul na to nɛ emalaika damta ba ti emo na so a boŋ nshɛ a di Ebɔrɛ epaŋ a kaŋɛ:

Luuk 2:15

Emalaika na ka yige bumo m bɛta n yɔ esoso nɛ mbolpɔkpapoana na kaŋɛ abar: “Men shin nɛ an yɔ Bɛtlɛhɛm n ya keni kusɔ nɛ k wora nɛ Enyɛnpe shin nɛ an pin ere.”

Luuk 3:22

nɛ Kiyoyu Cheeŋ na gbelge m ba mo so fanɛ lepɔ gbagba nɛ ebɔl shi ebɔrɛso ŋ kaŋɛ le: “Fo e la m Pibinyɛn shaso na. Ma kagbene fuli fo so ga.”

Baru lela nɛ Jɔn kute na 14:27

Kagbenewushi nɛ mee yige a sa menyi na, kagbenewushi nɛ k shi ŋ gbagba kutɔ. Kumo alɛ mannɛ fanɛ kananɛ durnya bee sa kumo na nɛ ŋ kɔ kumo a sa menyi. Amoso, men sa maŋ shin nɛ menyi be ŋgbene e baa jija menyi ŋko nɛ kufu e baa kɔ menyi.

Baru lela nɛ Jɔn kute na 17:4

M maŋkura fo kasawule ere to, ŋkpal manɛ so, n wora kushuŋ nɛ fo ta m bɔɔ ma enɔ fanɛ n wora na kikɛ.

Baru lela nɛ Jɔn kute na 3:16

Ŋkpal manɛ so, Ebɔrɛ daŋ sha durnya ere ga so nna nɛ e ta mo Pibinyɛn koŋwule n sa durnya fanɛ nɛ esa kama nɛ e yirda mo, e maaŋ shir, ama e beeŋ nya ŋkpa nɛ k maŋ kɔ ekar na.

Ashuŋ Shunso 10:36

E maa keni yiri nɛ k la mo. Men nyi kubɔya nɛ e sa Israɛlebi a kaŋɛ baru lela na be asheŋ fanɛ anyeeŋ tiŋ n nya kagbenewushi Ebɔrɛ kutɔ ashi Yesu Kristo nɛ e la basa kikɛ be Enyɛnpe na to be asheŋ.

Romebi 5:1

Naniere Ebɔrɛ ka kpal anyi be yirda so n shin nɛ an ji n lar mbe anishito ere bre, an bɔla an Nyɛnpe Yesu Kristo so a kɔ kagbenewushi ashi Ebɔrɛ na be anishito.

Ɛfesesebi 1:6

Men shin nɛ an baa di Ebɔrɛ epaŋ ŋkpal mbe le be mamachi be kuwɔr be kakɛ nɛ e bɔla mo Pibinyɛn shaso so n ta ŋ kɛ anyi na so.

Ɛfesesebi 1:9

nseŋ naŋ bugi wulo be kesheŋ naseso nɛ e yili fanɛ e beeŋ bɔla Kristo so n shin nɛ loŋ e wora na n sa anyi.

Ɛfesesebi 2:4

Ama ŋkpal Ebɔrɛ be kuwɔr ka shi ga so nɛ ŋkpal e ka bee sha anyi ga so

Ɛfesesebi 2:7

E wora loŋ nna nɛ e ŋini jemanɛ kama nɛ k bee ba to ebi fanɛ kananɛ e ta mbe kuwɔr be kakɛgboŋ damtaana nɛ e bɔla mbe kasha so n sa anyi na ŋ kɛ anyi ashi Kristo Yesu to.

Filipaiebi 2:11

Ekama beeŋ gbir loŋ nseŋ bugi kɔnɔ basa kikɛ to ŋ kaŋɛ fanɛ Yesu Kristo e la Enyɛnpe na nɛ Ebɔrɛ Etuto na e nya kemaŋkura.

Filipaiebi 2:13

Ŋkpal manɛ so, Ebɔrɛ e wɔ menyi to a shuŋ saŋkikɛ a shin nɛ menyee sha Ebɔrɛ nsaa tiŋ a nu a sa mo gbagba be aparsheŋ.

Kɔlɔsiebi 1:20

An Tuto na e shin nɛ mo Pibi bar asɔtoso kikɛ abar so nɛ Ebɔrɛ nɛ asɔtoso na naŋ wora kɔnɔkoŋwule, asɔtoso nɛ a wɔ kasawule so nɛ amo nɛ a wɔ ebɔrɛso kikɛ, kumo e la fanɛ, mo Pibi na bar kagbenewushi Ebɔrɛ nɛ asɔtoso kikɛ be nferinto ashi mbe ŋklaŋ nɛ a lar saŋɛ nɛ e wu kedibi largato na so na.

2 Tɛsalɔnikaebi 2:16

An Nyɛnpe Yesu Kristo gbagba nɛ Ebɔrɛ an Tuto nɛ e sha anyi nseŋ bɔla mbe kuwɔr be kakɛ so a leŋ anyi to mbaanaayɔ nsaa sa anyi tama lela na

Kelaraŋŋini 5:13

Ndoŋ nna nɛ n nu kusɔtoso kikɛ nɛ k wɔ ebɔrɛso nɛ kasawule so nɛ kasawule be kaseto nɛ etekuana so nɛ amo nɛ a wɔ amo to kikɛ verr ka bee boŋ a kaŋɛ le: “Kapandi nɛ bunyaŋ nɛ kemaŋkura nɛ eleŋ e baa la emo nɛ e tase mbe kuwurputi so na nɛ Kpakpafɔlbi na peya mbaanaayɔ.”