Luuk 2:12 - EBƆRƐ BE KAWƆL

¹² Kusɔ nɛ k beeŋ ŋini menyi kumo nde: Menyeeŋ wu b ka ta ewajɛ m mea kebia na n nase asɔbɔya be deka jiso to, asɔbɔya be edikpa to.”

Luuk 2:12 ပူးပေါင်းရင်းမြစ်များ

2 Bewura 19:29

Ade kikɛ be kaman nɛ Aizaaya kaŋɛ Ewura Hɛzekaya le: “Kusɔ nɛ k beeŋ wora be tɔɔnɛ nna na. Kafɛ ere nɛ kafɛ a ba kikɛ menyi maaŋ dɔ n duu shɛŋ ama menyi alɛ beeŋ nya akɔrbua n teŋi n ji. Ama kafɛ nɛ k bɛ so kesasopo na bre menyeeŋ dɔ n duu ayu n teŋi nseŋ duu afeelebi nɛ a bee sɔr asɔrso nɛ baa tre amo greep na nseŋ nya amo be asɔrso n chuge n ji.

2 Bewura 20:8

Kumo be kaman nɛ ewura Hɛzekaya bishi: “Manɛ e naŋ ŋini fanɛ Enyɛnpe Ebɔrɛ beeŋ chɛ ma nɛ n tiŋ n yɔ mbe bɔrɛlambu to n ya shuŋ mo nchɛ asa be kefɛato?”

Nshɛ 22:6

Ama m maŋ naa du fanɛ dimɛdi. Ŋ ki fanɛ kushushombi nna nɛ basa bee keni ma jiga nsaa wora ma eyurto.

Ɛksodɔs 3:12

Nɛ Ebɔrɛ kaŋɛ mo le: “Meeŋ baa wɔ fo kutɔ. Fo kaŋ ya lara basa na ashi Ijipt be efuli so m ba kebee ere so nfe m ba bunyaŋ ma na nɛ feeŋ pin fanɛ ma e shin nɛ loŋ wora.”

Aizaaya 7:11

E yɛ: “Kule Enyɛnpe fo Ebɔrɛ na nɛ e sa fo tɔɔnɛ ko a ŋini fanɛ kusɔ nɛ e kaŋɛ na beeŋ wora m bɔlɔ so. K beeŋ tiŋ n shi kasawule be kechimbi to ŋko ebɔrɛso.”

Aizaaya 7:14

To, kumo ere Enyɛnpe Ebɔrɛ na gbagba e naaŋ sa anyi tɔɔnɛ. Kasuŋgurbia nɛ e maŋ nyi enyɛn ŋ ku so beeŋ di kedampo ŋ kurge ebinyɛn nseŋ nase mo ketre Immanuɛl. Kumo be kifito e la fanɛ Ebɔrɛ wɔ anyi kutɔ.

Luuk 2:13

Epul na to nɛ emalaika damta ba ti emo na so a boŋ nshɛ a di Ebɔrɛ epaŋ a kaŋɛ:

Luuk 2:7

Asɔbɔya be edikpa to nɛ b daa wɔ, ŋkpal manɛ so, ebu kikɛ daa maŋ naa wɔ befɔ be kowu na to. Ndoŋ nɛ e kurge mbe wurkoŋ, ebinyɛn n ta ewajɛ m mea mo nseŋ ta mo n nase asɔbɔya na be deka jiso to.

1 Samuɛl 2:34

Saŋɛ nɛ fo mbinyɛnsobi Hofni nɛ Finihas kikɛ beeŋ wu kachɛ koŋwule na nɛ feeŋ pin fanɛ kusɔ kama nɛ ŋ kaŋɛ na beeŋ bɔlɔ so kashenteŋto.