Luuk 2:1 - EBƆRƐ BE KAWƆL

¹ Kumo be jemanɛ na nɛ Ewura Ɔgastes kaŋɛ fanɛ b karga mbe efuli so be basa kikɛ.

Luuk 2:1 ပူးပေါင်းရင်းမြစ်များ

Ɛsta 10:1

Ewura Sɛgsis yili lampo nna n sa basa nɛ b tase teku ase nɛ bumo nɛ b maŋ tase teku ase ashi mbe efuli so kikɛ.

Matiu 22:17

Amoso, kaŋɛ anyi kusɔ nɛ fee fɛ. Anyi be mbra na to k wɔtɔ fanɛ an baa ka lampo a sa Romebi be ewurgboŋ Siza ŋko k maŋ wɔtɔ loŋ?”

Matiu 24:14

Baaŋ bɔ Ebɔrɛ be kuwura na to be baru lela ere durnya ere to kikɛ nɛ k baa la shɛda a sa efuli kama so ebi pɔɛŋ nɛ jemanɛ ere be ekar e fo.”

Maak 14:9

Ma e kaŋɛ menyi kashenteŋto na fanɛ, kaplɛkama nɛ b bɔ baru lela na durnya ere kikɛ to, baaŋ malga kusɔ nɛ e wora ere be asheŋ n nyiŋi mo.”

Maak 16:15

Nɛ e kaŋɛ bumo: “Men yɔ efuli kikɛ so n ya bɔ kubɔya na n sa kepɔrso kikɛ.

Luuk 2:3

Ewura Ɔgastes ka kaŋɛ loŋ nɛ ekama yɔ mbe kade to gbagba to nɛ b ya sibɛ mbe ketre.

Luuk 2:5

Mo nɛ Mɛɛri nɛ b daŋ kre kumo fanɛ baaŋ ta abar na e daŋ yɔ nɛ b ya sibɛ bumo be atre.

Luuk 3:1

Ewurgboŋ Tiberius ka ji mbe kafɛ kuduanusopo to, Pɔnshes Pailat e daa la Judiya be gomena nɛ Hɛrɔd malɛ daa keni Galili be efuli so nɛ mo sipo Filip malɛ daa keni Ituriya nɛ Trakɔnaites be nsawule ko so. Lisanias e daa keni Abileene so nɛ Anas nɛ Kayafas malɛ daa la bɔrɛmatapo nimusoana.

Ashuŋ Shunso 11:28

Bumo to be eko e daa la Agabes, mo e daŋ bɔla Kiyoyu Cheeŋ na be eleŋ to n wu ŋ kaŋɛ fanɛ akoŋgboŋ beeŋ tɔr durnya kikɛ to. Ewurgboŋ Klawdias be jemanɛ na nɛ akoŋgboŋ na daŋ tɔr.

Ashuŋ Shunso 25:11

Nɛ n daŋ wora kusɔ ko nna n da mbra na so nɛ k daga ma luwu, n daa maaŋ gelge kumo be loŋ. Ama nɛ kashenteŋ maŋ wɔ asheŋ nɛ baa kaŋɛ fanɛ n wora ere to, esa kikɛ maaŋ tiŋ n ta ma m bɔɔ bumo enɔ. Romebi be ewurgboŋ na nɛ mee kule fanɛ e keni ma demu na to.”

Ashuŋ Shunso 25:21

Nɛ Pɔɔl kini nseŋ kule fanɛ benapo e baa keni mo so nfe nseŋ shin nɛ Romebi be ewurgboŋ na e keni mbe demu na to kacha ko. Ndoŋ nna nɛ n shin nɛ benapo bee de mo so nɛ kachako nɛ e yɔ Romebi be ewurgboŋ na kutɔ.”

Romebi 1:8

Men shin nɛ n fara m bɔla Yesu Kristo so n chɔrɔ ma Ebɔrɛ ŋkpal menyi kikɛ so. Ŋkpal manɛ so, durnya ere to ebi kikɛ baa ji kananɛ menyi be yirda du be asheŋ nna.

Filipaiebi 4:22

Ebɔrɛ be basa nɛ b wɔ nfe ere kikɛ, fɔnfɔŋ bumo nɛ b shi Romebi be ewurgboŋ pe na bee chɔrɔ menyi.