Luuk 19:43 - EBƆRƐ BE KAWƆL

⁴³ Ŋkpal manɛ so, saŋko beeŋ ba nɛ men doŋana e ba pɔr egbal ŋ kulti menyi be kade ere nseŋ chambɔ kaba kama so ŋ kulti kade na

Luuk 19:43 ပူးပေါင်းရင်းမြစ်များ

Kaŋinichiŋgeliŋ 9:14

Kadebi ko nɛ kumo to be basa daa maŋ shibi e daa wɔtɔ. Nɛ ewura lempo ko nɛ mbe benapo daŋ ba kulti kumo n wɔtɔ a shin nɛ b bure kumo be egbal n luri to ŋ kɔ kumo kena.

Aizaaya 37:33

Kusɔ nɛ Enyɛnpe Ebɔrɛ na kaŋɛ a laŋɛ Asiriya be ewurgboŋ na be kaplɛa so nde. E yɛ: ‘Asiriya be ewurgboŋ maaŋ nya n luri kadegboŋ na to ŋko n to ketanyembi koŋwule gba ashi kumo to. Mbe benapo nɛ b keta abɛlso be asɔ kuŋamuso a kuŋ bumo be amu maaŋ taga kadegboŋ na to. Bumo alɛ maaŋ nya n dɔ ashigboŋ ŋ kulti kumo kikɛ n wɔtɔ m bɔla amo so n dii n luri kumo to.

Ezikɛl 26:8

E beeŋ juŋkpar ŋ kɔ basa nɛ b chena teku ase na m mɔ bumo. Kumo be kaman nɛ e gbare eshishɛr n deŋi abar so nɛ a fo menyi be ndeana na be egbalana be esoso nɛ mbe benapo e keta bumo be abɛlso be asɔ kuŋamuso m bɛ abar so ŋ kulti menyi n wɔtɔ fanɛ egbal lempo na.

Ezikɛl 4:2

Kumo be kaman nɛ fo wora asɔ ŋ kulti kumo fanɛ b ka kre kena ŋ kulti kumo n wɔtɔ na. Gbare shishɛr n deŋi abar so m mata kumo be egbal nɛ k kulti kumo na fanɛ kananɛ benapo beeŋ wora n dii so n luri kade to na, nseŋ wora ndibi gbɛgbɛso nɛ baaŋ ta n da egbal na n futi na nseŋ wora benapo be keeyi to be efoto m mata ebɔ be kuboo paŋgelambi na.

Matiu 22:7

Ndoŋ nna nɛ ewura na nya agbo ga nseŋ shuŋi mbe benapo nɛ b ya mɔ bemɔpo na kikɛ nseŋ chɔɔ bumo be kade na.

Luuk 19:42

e shu na nseŋ kaŋɛ le: “Alako kabre, menyi alɛ gba daa nyi asɔ nɛ a bee bar kagbenewushi nna. Ama b ta amo ŋ ŋana menyi so.