Luuk 19:10 - EBƆRƐ BE KAWƆL

¹⁰ Ma alɛ Nyiŋgbasa Pibinyɛn ba na nɛ m ba fin basa nseŋ mɔlga bumo ashi bumo be alubi to.”

Luuk 19:10 ပူးပေါင်းရင်းမြစ်များ

Ezikɛl 34:12

fanɛ kananɛ mbolpɔkpapoana bee keni bumo be mbolpɔ nɛ b daŋ pesaŋ to nɛ b naŋ ya bar bumo abar so na. Ma alɛ beeŋ bɛta bumo n shi mboŋ nɛ b pesaŋ to n yɔ kachɛ nɛ asheŋ daŋ maŋ nite nɛnɛ n sa bumo na kikɛ m ba.

Ezikɛl 34:16

Ma alɛ beeŋ fin bumo be bumo nɛ foe na nseŋ bɛta bumo nɛ yeŋ na m ba. Kumo be kaman nɛ ŋ kre bumo nɛ b doro na be achuu nseŋ chɛ bumo nɛ baa lɔ na. Ama bekama nɛ b ji n daŋ nsaa kɔ eleŋ na bre, meeŋ mur bumo, ŋkpal manɛ so, n la mbolpɔkpapo nɛ e bee wora kusɔ nɛ k daga nna.

Matiu 1:21

E beeŋ kurge ebinyɛn nɛ men nase mo ketre Yesu, ŋkpal manɛ so, mo e naaŋ mɔlga mbe basa ashi bumo be alubi to.”

Matiu 10:6

Kakpa nɛ k daga fanɛ men yɔ e la Israɛlebi nɛ b du fanɛ mbolpɔ foeso na kutɔ.

Matiu 15:24

Nɛ Yesu kaŋɛ: “Israɛlebi nɛ b du fanɛ mbolpɔ foeso na nawule so nɛ b shuŋi ma.”

Matiu 18:10

Nɛ Yesu kaŋɛ bumo: “Men baa da so n sa maa fɛl mbibi ere be ekama, ŋkpal manɛ so, ma e kaŋɛ menyi na fanɛ bumo be emalaika wɔ ebɔrɛso nna a wu n Tuto Ebɔrɛ nɛ e wɔ ebɔrɛso na.

Matiu 18:11

[Ma alɛ, Nyiŋgbasa Pibinyɛn na ba nna nɛ m ba mɔlga basa foeso.]”

Luuk 15:32

Nɛ kananɛ fo sipo ere ba le ere, a daga fanɛ an ji anyi be amu kagbenefuliso, ŋkpal manɛ so, fo sipo ere daŋ wu nna nseŋ naŋ ba ŋkpa to, e daŋ foe nna, ama an naŋ wu mo.’ ”

Luuk 15:8

Ŋko eche mo e naaŋ baa kɔ gbiti be ndarbi kudu nɛ kuko e foe nɛ e maaŋ chɔɔ fitila so nseŋ fige mbe ebu ŋ keni kakpa kikɛ nɛnɛ n fin kumo loŋ hale n ya wu kumo?

Baru lela nɛ Jɔn kute na 3:17

Ŋkpal manɛ so, Ebɔrɛ maŋ shin nɛ mo Pibinyɛn na ba durnya to nna fanɛ e ba ji kumo demu. Ebɔrɛ shin nna nɛ e ba ki durnya be emɔlgapo.

Romebi 5:6

Ŋkpal manɛ so, saŋɛ nɛ an daa maŋ kɔ eleŋ na nɛ Ebɔrɛ be jemanɛ fo nɛ Kristo wu n sa bumo nɛ b maŋ kɔ kabɔrɛŋana na.

Hibruwebi 7:25

Amoso, e beeŋ tiŋ m mɔlga basa nɛ baa bɔla mo so a yɔ Ebɔrɛ kutɔ naniere nɛ saŋkama, ashi bumo be alubi to, ŋkpal manɛ so, saŋkikɛ e wɔtɔ nna a kule Ebɔrɛ a sa anyi.