Luuk 19:1 - EBƆRƐ BE KAWƆL

¹ Nɛ Yesu ba bɔla Jɛriko be kade to a choŋ.

Luuk 19:1 ပူးပေါင်းရင်းမြစ်များ

1 Bewura 16:34

Jemanɛ nɛ Ahab daa ji kuwura na, nɛ Heil nɛ e shi Bɛtɛl na lɔŋɛ m pɔr Jɛriko be kade na. Saŋɛ so nɛ Heil daa pɔr kade na be egbal na be gbaltɔlase, nɛ mbe wurkoŋnyɛn Abiram wu. E ka pɔr kumo be mbunagboŋ a loge na malɛ nɛ mbe kowurnyɛn Segɔb malɛ wu. Le be kesheŋ ere daŋ wora nna nɛ kusɔ nɛ Enyɛnpe Ebɔrɛ daŋ bɔla Nun pibi Joshuwa so ŋ kaŋɛ dra dra na e bɔlɔ so.

Maak 10:46

Kachako Yesu nɛ mbe bebɛsopo ba Jɛriko nsaa lar kade na to nɛ jimaŋ damta bɛ bumo so. Saŋɛ na so nɛ tanponyɛn ko nɛ baa tre Baatimeeyes, Timeeyes pibi daa tase ekpakar a kule.

Luuk 18:35

E ka ba kaa taga to Jɛriko nɛ tanponyɛn ko tase ekpakar a kule.

Luuk 19:2

Kanyɛn ko malɛ daa wɔtɔ nɛ baa tre mo Zakiyes. E daa la elamposɔpoana na be enimu ko nna a la damawura nseŋ daŋ wora ania ga nɛ e wu esa nɛ Yesu daa la,

Joshuwa 2:1

Saŋɛ nɛ Israɛlebi na be keeyi to daa wɔ Shitim na nɛ Nun pibi Joshuwa shuŋi basa anyɔ fanɛ b dii Jɔɔdan be lɔr na be kaba ndoŋ n ya ŋana n dara Keenan be kasawule na, fɔnfɔŋ Jɛriko. Basa na ka fo Jɛriko be kade to nɛ b ya luri sakaleche ko nɛ baa tre Reehab be laŋ to.