Luuk 18:7 - EBƆRƐ BE KAWƆL

⁷ To, nɛ a ji nuso nɛ Ebɔrɛ bre maaŋ keni mbe basa laraso nɛ b wɔtɔ a shu kapa nɛ kanyɛ a tre mo na be asheŋ to n sa bumo? E beeŋ kini kenu manaŋ n sa bumo a?

Luuk 18:7 ပူးပေါင်းရင်းမြစ်များ

Nshɛ 88:1

O Enyɛnpe Ebɔrɛ nɛ fo la ma emɔlgapo, kapa nɛ kanyɛ, fo nɛ mee shu a tre.

Nshɛ 9:8

Feeŋ ji durnya ebi demu nɛ kumo be ekpa so, nseŋ ji basa so kuwura ekpa niŋiso so.

Ɛksodɔs 22:23

nɛ mannɛ aloŋ nɛ b shu n tre ma, Enyɛnpetale na, ma nɛ n nu bumo kushu na kashenteŋto

Aizaaya 40:27

Israɛl be basa, manɛ nna nɛ menyee fubel a kaŋɛ fanɛ Enyɛnpe Ebɔrɛ na maŋ nyi menyi be etɔrɔ be asheŋ, ŋko mbe shɛŋ maŋ wɔ kapuni nɛ men wɔtɔ ere to?

Habakuk 2:3

Ŋkpal manɛ so, kelaraŋŋini ere bee jo kumo be jemanɛ nna. Kusɔ nɛ k beeŋ wora lalaloge be nchɛ to na be asheŋ nɛ k bee ji. Kumo alɛ maaŋ baa la efɛsheŋ kikɛ. Kewora fanɛ k bee chɛr nna, ama baa kraa jo. Kanaŋ kama nɛ asheŋ du k beeŋ wora m bɔlɔ so.

Matiu 24:22

Nɛ Ebɔrɛ malɛ daa maŋ ku nchɛ na so, esa kikɛ daa maaŋ nya kumɔlga. Ama ŋkpal mbe basa laraso so e beeŋ ku nchɛ na so.

Matiu 24:24

Ŋkpal manɛ so, befɛpo nɛ baa tre bumo be amu Kristo na nɛ anebi fɛpoana beeŋ lar n wora eleŋ be etɔɔnɛsheŋ gboŋ nɛ emamachisheŋ damta n fule Ebɔrɛ be basa laraso gba nɛ baaŋ tiŋ nna na.

Matiu 7:11

To, nɛ menyi ere ka la basa lubi le nsaa nyi asɔ lela be kebaata a sa men be mbia, nɛ men Tuto Ebɔrɛ nɛ e wɔ ebɔrɛso na ai? Mo ere maaŋ shuli n sa bekama nɛ b kule mo asɔ lela a?

Luuk 11:13

Nɛ menyi ere ka la basa lubi le nsaa nyi asɔ lela be kebaata a sa menyi be mbia, nɛ Etuto nɛ e wɔ ebɔrɛso na a? Mo ere maaŋ shuli n sa bekama nɛ b kule mo Kiyoyu Cheeŋ na a?”

Luuk 2:37

E ka daŋ kil kumo be kafɛ shunusopo to nɛ mo kul wu ŋ ka mo nɛ e wɔtɔ loŋ n ya ji nfɛ aduburwa nɛ ana. E daa sha bɔrɛlambu na to ga nseŋ daa wɔtɔ a kule Ebɔrɛ nsaa kishi a bunyaŋ mo saŋkama.

Luuk 21:28

To, nɛ asheŋ ere kaŋ ba fara a wora, men maŋ menyi be amuana so n saŋɛ menyi be eyurana to, ŋkpal manɛ so, menyi be kumɔlga be jemanɛ taga to.”

Romebi 8:33

Nɛ wanɛ e naaŋ tiŋ n wu Ebɔrɛ be basa kulubi, ŋkpal manɛ so, Ebɔrɛ gbagba e kaŋɛ fanɛ b ji n lar.

Kɔlɔsiebi 3:12

Amoso, men baa wora le be kelela ŋkpal Ebɔrɛ ka lara menyi ŋ kɔr a sha menyi a shin nɛ men baa du cheeŋ na so. Men baa wu kuwɔr, men baa la basa, men baa kɔ bunyaŋ, men baa kɔ kushuso, men baa kɔ kanyiti.

1 Tɛsalɔnikaebi 3:10

Kapa nɛ kanyɛ anyee bugi anyi be ŋgbene to nna a kule Ebɔrɛ fanɛ e shin nɛ an gbagba e wu menyi n sa menyi yirda na be kusɔ nɛ k ka.

2 Tɛsalɔnikaebi 1:6

Ŋkpal manɛ so, Ebɔrɛ bee wora asɔ nɛ amo be ekpa so nna. Basa nɛ baa tɔrɔ menyi ere, e beeŋ shin nɛ tɔrɔ e ba bumo so.

1 Timoti 5:5

Ekulpoche gbagba nɛ e maŋ kɔ esa kikɛ nɛ e bee keni mo so be tama wɔ Ebɔrɛ so nna fanɛ e baa chɛ mo to. Mo alɛ baa wɔtɔ nna a kule Ebɔrɛ kapa nɛ kanyɛ fanɛ Ebɔrɛ e chɛ mo to.

2 Timoti 1:3

Mee chɔrɔ Ebɔrɛ nɛ ŋ kɔ nfɛra lela a shuŋ fanɛ kananɛ n nananyɛnana shuŋ mo na. Saŋkama, kapa nɛ kanyɛ nɛ n nyiŋi fo asheŋ, mee di mo epaŋ nna.

2 Timoti 2:10

Amoso nɛ mee ji awurfoŋ ere be kanyiti ŋkpal Ebɔrɛ be basa laraso na so nɛ bumo alɛ gba e tiŋ m bɔla Kristo Yesu so n nya kumɔlga nɛ kemaŋkura nɛ k maŋ kɔ ekar na.

Taites 1:1

Kawɔl ere shi ma Pɔɔl nɛ n la Ebɔrɛ be kenya nɛ Yesu Kristo be eshuŋipo na kutɔ nna. B shuŋi ma nna nɛ m ba shin nɛ Ebɔrɛ be basa laraso be yirda e wora keshi n ti so nɛ loŋ e shin nɛ b baa kɔ kabɔrɛŋana bumo to nseŋ naa pin kashenteŋ nɛ anyi be kabɔrɛbɛso ere bee ŋini

1 Pita 1:1

Kawɔl ere shi ma Pita nɛ n la Yesu Kristo be eshuŋipo na kutɔ nna a yɔ Ebɔrɛ be basa laraso nɛ b pesaŋ to a wɔ durnya ere to fanɛ befɔ a wɔ Pɔntes nɛ Galeesha nɛ Kapadosia nɛ Eeshia nɛ Bitinia be nsawuleana so na kutɔ nna.

2 Pita 3:9

Amoso, Enyɛnpe na maŋ wushi ashi mbe kɔnɔ nɛ e nase fanɛ e beeŋ wora na to nna fanɛ kananɛ basa ko bee fɛ esa be kewushi na nna. Kanyiti nɛ e bee ji menyi a maa sha fanɛ esa kikɛ e mur, ama e bee sha fanɛ ekama e lar mbe alubi to nna.

Kelaraŋŋini 18:20

Ebɔrɛsoebi, men shin nɛ men be ŋgbene e fuli menyi, ŋkpal mbe kemur ere so. Ebɔrɛ be basa laraso nɛ beshuŋipoana nɛ anebiana, men shin nɛ men be ŋgbene e fuli menyi, ŋkpal manɛ so, Ebɔrɛ gberge mo kusoe nna ŋkpal kusɔ nɛ e wora menyi na so.”

Kelaraŋŋini 6:10

Nɛ b ponte awɔrso ga m bishi: “Enyɛnpe Lempo nɛ fo du cheembi nsaa kɔ kashenteŋ, nuso be kechɛr nɛ fo kraa shin nɛ fo chɛr ga pɔɛŋ nseŋ ji kasawule ere so be basa demu m bishi anyi be luwu be kuwule?”

Kelaraŋŋini 7:15

Amoso, b baa wɔ Ebɔrɛ be kuwurputi be anishito a shuŋ mo kapa nɛ kanyɛ ashi mbe bɔrɛlambu to nna nɛ mo koŋwule nɛ e tase mbe kuwurputi so na malɛ bee ta mbe kebaawɔtɔ a kuŋ bumo.